السلام عليكم ورحمة الله وبركاته
http://www.libyan-kitchen.com/gallery/images/fqf.gif
بيتزا ام الفي
pizza amalfi
بيتزا رائعة بكل معني الكلمة يمكن مكوناتها غريبة شوية
بس لما اتذوقوها حتعجبكم اكيد
هناك انواع عديدة من البيتزا مش بس جبنة وزيتون
في اللي بالجبنة الموتزاريلا والصوص بس وتسمى مارغاريتا
في اللي بالصوص و3 انواع من الاجبان وتسمى كواترو فورماتشي
وانواع واجد مش حافظة اساميهن
اليوم حبيت انديرلكم بيتزا ام الفي
وتعتمد في مكوانها الاساسية علي
موتزاريلا قطع
جبنة مبشورة
روكولا .. او اللي انقولو عليه بالليبي جرجير
بس شكله عندنا مختلف شوي عن جرجير ليبيا
بس الطعم تقريبا واحد
http://www.libyan-kitchen.com/gallery/images/8pzp.jpg
نبدا اولا بالعجينة
انا عجينتي بدون مقادير محددة
يعني دقيق وخميرة وملح وزيت وحليب وماء دافي
وكل وحدة تقدر تستخدم عجينتها المفضلة
بس اهم شي العجينة ترتاح جيدا قبل استخدامها
اولا نخلط المقادير الجافة معا
http://www.libyan-kitchen.com/gallery/images/1kzk.jpg
نضيف السوائل بالتدريج
http://www.libyan-kitchen.com/gallery/images/2jyj.jpg
حتي تتكون عندنا عجينة متوسطة
ونستمر في العجن حوالي 8 دقائق
ونتركها ترتاح
انجهز الصلصة
واللي هي عبارة عن
زيت زيتون . علبة طماطم قطع . اوريغانو اللي نسموه زعتر مجفف
http://www.libyan-kitchen.com/gallery/images/4oto.jpg
نخلطها معا في محضرة الطعام ونحطها عالنار
عشان تتبخر كمية الماء الزائد اللي فيها
http://www.libyan-kitchen.com/gallery/images/5hfh.jpg
نفرد العجينة ونضع عليها الصوص ثم الجبن المبشور
http://www.libyan-kitchen.com/gallery/images/9xnx.jpg
وندخلها الفرن السااااااااااخن جدا
ونضعها في الرف الاسفل اي قريبة جدا من النار
وهذا هو السر في الحصول علي بيتزا ممتازة
يعني بالشكل هذا ماتاخدش وقت طويل في الفرن
وبالتالي حتحتفظ بالرطوبة اللي فيها
وما تنشفش واجد
بالنسبة ليا اناما نستعملش في الطاجين
وانحط فيها علي ورق الزبدة
انظف وافضل في التحمير من تحت
بعد ما تطلع من الفرن
بسرعة انحط عليها الروكولا وفوقه شرائح الموتزاريلا
ونقدمها ساخنة
http://www.libyan-kitchen.com/gallery/images/10ddd.jpg
وهذي صورة من النت عشان اتشوفو الشكل الاصلي لها
وممكن انحط الروكولا هوا اللي فوق
بس انا لقيت ان العكس احسن عشان الموتزاريلا تمسك الروكولا
http://www.libyan-kitchen.com/gallery/images/pizza1.jpg
صوص الشارف
هو صوص رائع جدا وسهل جدا
بالنسبة لي انا وزوجي لازم منه مع البيتزا
نسخن زيت زيتون عالنار
http://www.libyan-kitchen.com/gallery/images/6yoy.jpg
ونضيفله
فلفل حار شرائح
ثومه صغيرة مقسومة بالنص عشان نقدر انشيلها بعدين
شوية اوريغانو وكسبر مجفف
http://www.libyan-kitchen.com/gallery/images/7shs.jpg
نتركها دقيقتين عالنار بس
ثم يقدم
اتمني انكون ضفت شي جديد
لان مالقيتش موضوع زي هذا في المنتديات
وهو حصري بس للمطبخ الليبي
لا تنسوني من صالح الدعاء