[طلب]سلطة الطحينية والفلافل او الطعمية

السلام عليكم ورحمة الله وبركاته

:confused:ارجو ان تعطوني طريقة عمل سلطة الطحينينة التي توضع مع الطعميةوانكون طامعة في كرمكم بان تعطوني حتى طريقة الطعمية وتكون مضمونة ومجربة وشكرا وبارك الله فيكم مقدما

هلا هلا نعطيك طريقتي فى الطعمية

فول مطحون وقصبر مفروم ناعم وملح وفلفل اسودوشوية قصبر بودر وبيضة وبينكج بودر
تخلط جميها وتقلي فى زيت ساخن
تجهز مع طماط وخيار وخش ومايونيز وبس
الطحينية ان شاءلله البنات يفيدوك

السلام عليكم

الطعمية انا نحبها بالحمص والا نخلط حمص وفول
فول يابس وننقعه ونقشره والا فول مدشش وننقعه وحمص منقع وبصل وثومة وفلفل اخضر وكسبر اخضر نرحي فيهم في محضرة الطعام جميع وبعدها نحط ملح وكسبر جاف مطحون وشوية بيكنج بودر وبيضة وكان حسيتها رطبة هلبه انحط لها شوية خبزة مرحية وبعدها شكليها واقليها
شفت قبل قريبتي بعد اتشكلها تحطها من الوجهين في جلجلان (سمسم) تطلع حلوة
وصوص الطحينة دورت عليها في النت
1 1/2 كوب طحينة, سائلة

1فص ثوم
1/4ملعقة صغيره فلفل أسود
1/4 ملعقة صغيره فلفل احمر حار مطحون
1/2 ملعقة صغيره كمون
1/4 كوب عصير ليمون حامض, ما يعادل ليمونة واحدة
1 ملعقة كبيرة زيت زيتون
1/2 ملعقة صغيره ملح
1/4 كوب ماء, بارد، يتغير المقدار حسب الرغبة وحسب كثافة الصوص

تخلط الطحينة مع عصير الليمون
ثم تضاف باقي المكونات وتخلط جيدا ويضاف الماء بالتدريج حسب رغبتك في كثافة الصوص


وبالهني عليكم

الحمص بالطحينية ساهلة جدا حبيبة

حكة حمص فضيها فى طنجرة وسخني الحمص شوية مع شوية ماء
وبعد ما يبرد شوية حطيه فى الخلاط مع فص ثوم الثوم حسب رغبتك ورشة ملح ورشة فلفل اسود وملعقة ك زبادي
وليمون حتى هو حسب الرغبة انحبها حامضة شوية
طبعا الماء الى فى الطنجرة ما تصبيشي كله بشوية خلطي وشوفي السمك خليها متوسطة السمك يعني مش جارية هلبة ولا عاقدة هلبة
وبعدين حطيها فى حافظة وخودي بشوية تتحط فى صحن وترشي فوقها السماق وزيت الزيتون وتتقدم
والطعمية تلقي فى ركن المقبلات فى عدة طرق
بالتوفيق

ماشاء الله الحبوبات ما قصروا معاك

وتقدري اديري بحث في المنتدى

لأن فيه هلبة طرق للطعمية ولسلطة الطحينة بالشرح والصور

وتلقيهم في ركن المقبلات والسلطات والشوربات

ماشاء الله الوخيات كتبوا ماعندهم وكل الطرق ما شاء الله عليهم

يعطيهم الصحة والعافية

الله يسلم الايديات اللي كتبو وساعدو وخيتهم بارك الله فيكم

بارك الله فيكم على الاهتمام وان شاء الله يكون في ميزان حسناتكم