السلام عليكم ورحمة الله وبركااااااااااااااااته
http://www.libyan-kitchen.com/kitche...images/pyp.gif
كل عاااااااااااام والجميع بخير ياااااااااااااارب
حبيت نعرفكم على خبزة الفرن الغريانية في من ناس يقلولها تنور
بس عندنا نسمو فيها بخبزة الفرن والأفضل تكون بحطب الشجر تطلع بنتها أحلى
وأني نحبها هلبه ونحب نديرها
ويوم صورتها درتها أني وأمي ...... أمي كانت تساعد فيا أني نصور وهي إدير وين أني نصور
وإن شاء الله تعجبكم
بسم الله
مقادير العجينة :
دقيق فرينة + دقيق شعير كل واحد وذوقه كان تحبيه أكثر حطي منه هلبه وكان تحبية شوية في الخبزة حطي شوية + ملح + خميرة فورية
أني عيني ميزاني يعني تبي هلبه عجين حطي هلبة دقيق والعكس
نعجنو العجينه ونسبك هلبه العجينة تبي السبك
وأكسريلها خمارها مرة واحدة
http://www.libyan-kitchen.com/galler.../111111grg.jpg
وتي الفرن وحطي حطبك بعد ماتخمر العجينة
وإشلعي النار وين يسخن الفرن
أبدي في رمي الخبزة
نفطح العجينة على اليدين
نطرحها في الفرن وبسرعة لأن الفرن سخووووووون
http://www.libyan-kitchen.com/galler.../222222hih.jpg
وبعد مانكملو العجينة
نغطي الفرن وشوية شوية نحرك الجمر باش إطيب الخبزة وتتحمر
http://www.libyan-kitchen.com/galler.../333333cnc.jpg
وبعد ماتتحمر وإطيب ناخد موس ونبدأ بفك الخبزة من الفرن
وهنا جهزت الخبزة
وهذي الخبزة مع زويتة زيتون غريانية
http://www.libyan-kitchen.com/galler.../444444upu.jpg
في أمان الله