[استفسار] عن طريقة عمل طبيخة العدس

السلام عليكم عزيزاتى

انا بكرة ان شاء الله بندير طبيخة عدس وماعنديش رصيد نكلم ماما

ودرت بحث عليها فالمنتدى ماطلعلي شي

ياريت لو فيه موضوع ع الأكلة او الطريقة تعطوها ليا
سأكون شاكرة

تحياتى

السلام عليكم

اهلا بعروستنا مودة

الحق مافهمتش اللي تبيه بالزبط
اني نعرف طبيخة عدس بالقديد
ونعرف شربة العدس

لو هي شربة العدس ديري بحث في المنتدى وتلقي اكثر من طريقة


مثلا هذي طريقة لوبا

http://www.libyan-kitchen.com/kitche...C7%E1%DA%CF%D3



وهذي طريقة مغتربة


http://www.libyan-kitchen.com/kitche...C7%E1%DA%CF%D3


وهذي طريقة نوارة ليبيا


http://www.libyan-kitchen.com/kitche...C7%E1%DA%CF%D3


وغيرهن هلبه طرق

مراحب بعروستنا الحلوة


ماشاء الله حبيبتهم كف ووفت بارك الله فيها

بس ياريت توضحي أكثر طلبك

لأن زي ما نعرف في طريقة للعدس فقط من غير خضار معاه

يا دوب اضيفي طماطم أخضر فقط

اهلين بعروستنا انا فهمتك

طريقتى فى طبيخة العدس هى طبعا تطبخى العدس ومعاه بصل وطماطم وثوم ولما يطيب العدس تخليه لين يبرد ووتضربيه فى ست البيت

وتجيبى طنجره وتحطى فيها شوى زيت وثوم مدقوق وطماطم حكه ولما تتسبك تحطى عليها العدس المضروب وتضيفى الملح والكمون والحرارات
وتخليها غليظه عشن تتغمس بالخبزه يعنى اغلظ من شربة العدس

بارك الله فيكم جميعا شكرا على تعبكم معايا

وطريقة نسمة هى اقرب طريقة بس بدون طحن ينحط كيف ماهو

شكرا حبيباتى

اهلا عروستنا
ماشاء الله البنات ماقصروا
واني طريقتي زي نسمة بس بدون طحن
وادللي مودة اطلبي وماتحشمي اي حاجة توحلي فيها انساعدوك باذنه تعالى