استفسار عن الكاكاوية الملبسة

اريد طريقة الكاكاوية الملبسة بالسكر ويبدا شكلها احمر من الخارج وتباع في المحلات في اكياس صغيرة

السلام عليكم اخت سومة أني الحق مانعرفهاش وان شاءالله الاخوات يفيدوك

والله ماعندي فكرة حبيبتي مريومة لكن توا نسال وكان لقيت طريقة
حاضر من عيوني نجيبها ليك وان شاء الله تلقي وحدة من البنات تفيدك

السلام عليكم
اختي وجدت هذه الطريقة لكن لست متاكدة من انها نفس طلبك او لا

http://img.tgareed.com/imgcache/89699.jpg

المقادير:

3 اكواب سكر و3 اكواب فول سوداني نيء

رشة بيكربونات الصودا
زيت لدهن الصينية

الطريقة:
1-يحمى السكر في قدر او مقلاة غير لاصقة ليصبح لونه بنيا" ذهبيا مثل الكراميل يضاف اليه الفول السوداني ورشة صغيرة من بيكربونات الصودا ويتابع طهو الكاميل مع الفول السوداني حتى يصبح لون الكراميل ذهبيا" داكنا" وإنما غير محروق تستغرق هذه العملية دقائق معدودة
2-يسكب الفول السوداني او المغلف بالكاراميل بواسطة ملعقة خشبية في صينية مدهونة بالزيت على شكل كتل عنقودية او دوائر على ان تبتعد هذه الكتل او الدوائر قليلا" عن بعضها وهي ساخنة قبل ان تبرد تحفظ قطع الفستقية في وعاء كتيم للهواء قبل التقديم وبعده

شكرا اخواتي على مروركم ولكن اختي الصابرة الكاكاوية الملبسة اللي نقصدها عليهامن الخارج حبيبات سكر لونها احمر مش سكر كراميل

السلام عليكم اكيد الاخت الي سألت عن الكاكاوية الملبسة توا مش موجودة لكن قلت خلا نكتبها بالك يستفيدوا الاخوات منهاهذا الطريقة ساهلة هلبا وجربت هلبا لن وصلت لهذه الطريقة المضمونةالمقادير كوب كاكاوية ونص كوب سكر و2ملعقة كبيرة (ماء او عصير اناناس او اي نكهة انت تفضلينها )وتخلطى معها اللون الاحمر الطريقة تحطيهم كلهم ع النار وتحركي طبعا في الاول يدوب السكر ويولي كارميل اقعدي حركي ترجع حبات السكر وتتلمد على الكاكاوية وكانها سكر مرة اخرى ملاحظة الكاكاوية اني انحبها بقشورها يعني مش طايبة لكن لو تحبيها طايبة ومقشرة عادي ما فيش مشكلة ونأكد انها مضمونة وديما اندير فيها وتجي اتهبل اتمنى انكم استفدتوا شكرا

السلام عليكم اختي سعيده وصحيتي على الوصفه وان شاء الله انجربها لكن مبدئيا هي هذي بالظبط اللي نسأل عليها بارك الله فيك مرة ثانيه وانا متابعه موضوعي وكل مرة انشوف انقول زعما ما رد حد على استفساري اليوم لقيت الاخت سعيدة كفيتي و وفيتي

وعليكم السلام العفو اختي مريومة الحمد لله اني فدتك في حاجة