السلام عليكم ورحمة الله وبركاته ,,,
حياكم الله بنات , استفساري بخصوص التغطيه الي تكون عالملفيه تشبه الكراميل وتشبه التوفي زي الي موجود في كوشة الفوانيس والعالم التغطية الي تكون بالسكر الي زي الكراميل مانبي المربى والشكلاته لانه هاديكا احلى .ياريت تفيدوني وادا فيه موضوع عالملفيه قبل نزلولي الرابط بارك الله فيكم .
وعليك السلام والرحمة أختي علياء
للأسف اني ما نقدر نفيدك لأني بصراحة مش من محبي المالفيه
ا
ن شاء الله وحدة من البنات الفالحات تفيدك وترد عليك
بارك الله فيك اختي ام سارة يكفيني مرورك الطيب صراحة اني خوي يبي الملفيه يحبه هلبا واني مغتربه جربته من فتره طويلة بس التغطية هادي محصلتش طريقتها .
حبيبة شوفي الموضوع هذا بالك يساعدك
http://www.libyan-kitchen.com/kitche...3%D8%C8%CEloen
ان شاءالله وحدة من الاخوات تفيدك اكثر
السلام عليكم ,,,
بارك الله فيكم حبيباتي مغتربة 7 والصابرة , الرابط الي عطيتهيولي وخيتي مغتربة افادني بس مش بالمطلوب , اني نسأل عالتغطيه من فوق بدل الشكلاته تكون زي الكراميل تغطيه لونها بيج اساسها السكر بس مانعرفش شني تاني . جزاكم الله خيرا
اختي علياء بصراحة عندي طريقة لكن مش متأكدة منها مزبوط وهيا طريقة الكراميل المتماسك
2 كوب سكر تخليهم على النار نين يصبح لونه كراميل
وقبل البدء في عمل السكر خوذي علبة القشطة وهي مغلقة في ماء ساخن واتركيها
وعند اخذ السكر لون الكراميل تفتح علبة القشطة بعد اخراجها من الماء ويسكب نصفها على السكر
ونضيف 2 ملعقة زبدة ونحركه حتى تندمج مع بعض ونتركها تبرد في حرارة الغرفة
ثم يمكنك استخدامها لتغطية المالفيه
لان طريقة الكراميل هذه لاتسيل تصبح متماسكة ولينة في نفس الوقت
ويبقى مجرد اقتراح
والكراميل هذا اني مجربته لتغطية كيكة وجي تمام
وخيتي الصابرة تسلمي حبيبتي على اهتمامك وشكلها هي هادي الطريقة المطلوبة ان شاءالله حنجربها هي بارك الله فيك وجزاك خيرا
العفو وخيتي عليا بس ياريت تخبريني لو صار منها عشان اني نعتمده للمالفيه لاني اندير فيها للكيك
اكيد ان شاءالله نقولك ع النيجة غير وخيتك اليومين هادوا واخده بردة نصحصح ان شاءالله وانديرها .