[أصابع الدجاج]من مطبخ sema
السلام عليكم
كيف حالكم خواتي هذي أول مشاركة ليا
جايبتلكم صوابع الدجاج من اختراعي
وان شاءلله تنال اعجابكم
المكونات.. شرائح صدر الدجاج (العدد حسب الرغبة)
رأس بصل/ 5-6 فصوص ثومة/
ملعقة صغيرة ملح/ملعقة صغيرة فلفل أسود/
علبة صغيرة زبادي/رشة فلفل أحمر
الحشوة/
شرائح زيتون أخضر وأسود
شرائح فطر(مشروم)
هريسة او فلفل اخضر
وجبنة سائلة والافضل استعمال اللبنة التركية تجيك طعمتها مش عادية
التغليف/
دقيق..بيض..بقسماط(خبز مرحي)
طريقة التحضير..
خودي صدور الدجاج واطرحيهم على كيس نايلون وغطيهم بكيس أخر
واستخدمي مطرقة المطبخ باش تتفتحيها كويس بحيت يكبر حجمها ويقل سمكها
افرمي البصل والتوم وحطيهم على الشرائح في صحن
مع الزبادي والتوابل وخلطيهم كويس وخطيهم بكيس نايلون وخليهم في
التلاجة مش اقل من نصف ساعة
بعدها خودي شرائح الدجاج بالقطعة وحطي فيها الحشوة السابق ذكرها
ولفيها كويس بحيت تسكريها من الجوانب
بعد ما تكملي كل القطع
غطسي بالقطعة في الدقيق أولا وبعدين في البيض وبعدها البقسماط
وبعدين اقليها على نار هادية.
ولما تنضج زينيها بالجبنة والزيتون
او جبنة وحطي فوقها شوية معدنوس تعطي شكل حلوو
انا المرة هذي درتها بالجبنة والزيتون
وهذا شكلها
http://im35.gulfup.com/3j1Qr.gif
وصحتين وعافية على قلوبكم
جربوها والاكييييييييييييييييييييد مش حتندموا