[تمت الاجابة][استفسار] عن الخشاف وطريقة الكرشة

مساء الخير شهر رمضان علي الأبواب حبيت نسئل اخواتي الفاضلات ما هو الخشاف وفي حاجة حارة يسموها الكرشة يا ريت اتردو علىا

اختي ام مؤيد اليوم نزلت الاخت زينب موضوع على الخشاف شوفيه وهذا الرابط

http://www.libyan-kitchen.com/kitche...8-%E3%CD%E3%CF

اما الكرشة مانعرفهاش اول مرة نسمع بيها وان شاءالله الاخوات يفيدوك

مساء النور والسرور

كل سنة وانت طيبة

تفضلي هذا الخشاف نزلته توا على خاطرك


[ الخشاف ] من المطبخ الليبي لزينب محمد



بالنسبة للكرشة عبارة عن دجاج متبل وطايب بالسلق او الشوي او القلي ومقطع مكعبات

بطاطا وجزر وبصل مقطعين مكعبات ومقليين ومعدنوس

تخلط المواد مع بعضها وتتبل

ثم توضع في عجينة رقيقة جداً وتكور

توضع الكرة في البيض ثم البقسماط وتقلي حتى تشقر

ياريت ياحبيبة تشاركي معنا بالمواضيع واقل شيء بالردود

كل سنة وانتم بخير يا غاليات وشكرا على الرد بس ما فهمتش العجينة الرقيقة وضيحهلي واني نبئ ان شارك بس مازل مش فاهمه سامحوني علي التقصير وان شاء الله نرضيك

ممكن تستعملي عجينة بوريك او كريب

او عجينة معجنات عجينة خبيزة مثلا لكن تطرحيها رقيقة جداً