[مشاركة في مسابقة أفضل طبق معكرونة ]مكرونة الاصداف ( محشية ) من مطبخ mnona

http://www.libyan-kitchen.com/galler...cff11a68ad.gif



http://www.libyan-kitchen.com/galler...untitled14.gif

يسعدلي صباااااااااااااحكم ياحبوبات وش حالكم ان شا الله تمام التمام وبصحة وعافية



هذه مشاركتي الاولى في مسابقة الغالية أم أيوب ( مكرونة الاصداف ) وان شا الله يارب تنال اعجابها واعجابكم ، صح هى خطواتها طويلة شوية وبتاخد شوية وقت ولكن والله بنتها في الاخر تجنن


هي نبدوا مع بعض في المقادير ( الكمية هدي لي 3 اشخاص )

http://www.libyan-kitchen.com/galler.../makronvdv.jpg

على فكرة هدي مش كل المقادير بس هذا اللي لحقت عليه وصورته



اولا مقادير الصالصة


نصف علبة فقاع ( فطر ) - راس بصل كبير مفروم - 6 فصوص ثوم مفروم - طماطمة خضراء مقطعة مربعات لو كان حجمها كبير ولو صغير اديري 2 حبات - م ك عصير طماطم - زعتر مرحي ( مجفف ) - حبق مرحي ( مجفف ) - 2 م ك زيت زيتون - ملح - فلفل اسود - بزار


أول شئ تاخد الزيت وتحطيه عالنار وضيفي عليه البصل والثوم المرحي وتخليهم لين يدبلو وبعدها اضيفيلهم الفطر وتخليهم شوية عالنار ، والصور توضح ان شا الله

http://www.libyan-kitchen.com/galler.../makrondcd.jpg


http://www.libyan-kitchen.com/galler.../makrongmg.jpg

وبعدها ضيفي الطماطم الاخضر المكعبات وعصير الطماطم وتخلطيهم مع بعض وتخليهم عالنار ياخد قليتهم شوية وبعدها اضيفي شوية مية باش اطيبي عصير الطماطم وتخليهم على نار هادئة لمدة 5 دقايق ، وبعدها اضيفي الزعتر والحبق وشمي عاد الريحة الفاااااااااااااايحة اااااااااااه ياسلالالالالالام

http://www.libyan-kitchen.com/galler.../makronxzx.jpg

http://www.libyan-kitchen.com/galler.../makronere.jpg

وطبعاً ماتنسيش اضيفي التوابل متاعك وهذا شكلها النهائي الصالصة ، وتوا نجو نوتوا المكرونة ، تاخدي طنجرتك وفيها مية وم ك زيت زيتون ورشة ملح وتخليهم عالنار لين يغلوا كويس وبعدها تحطي فيها المكرونة لمدة 7 دقايق بس يعني متخليهاش اطيب هلبا دوبك دوبك

http://www.libyan-kitchen.com/galler.../makronpnp.jpg

وتوا نجو نوتوا الكيمة ، مابين مافاتوا 7 الدقايق



خودي ياحنة 3 م ك زيت زيتون عالنار وبعدها ضيفي البصل المفروم والفقاع وخليهم عالنار لين يدبلوا ويطيب اللحم



وبعدها ضفيله توابلك


http://www.libyan-kitchen.com/galler.../makronxgx.jpg

ولما يفوتوا الـ 7 دقايق عالمكرونة حوليها من عالنار وصفيها كويس من المية

http://www.libyan-kitchen.com/galler.../makroneze.jpg


وتوا وتي بضاعتك اللي بتخدمي بيها وابدي خودي المكرونة واحشيها بالكيمة المجهزة ، مع العلم انك بعد لا اطيب الكيمة وتخليها تبرد اضيفيلها جبنة مبشورة واني هني لغيتها لانه تاج راسي ميحبهاش فلهذا اطريت اني نفوتها ولكن انتم لالالالالا تعطي بنة زايدة للمكرونة وللحشوة

http://www.libyan-kitchen.com/galler.../makronbhb.jpg

خودي طاجينك وادهنيه بشوية زيت الصالصة وبعدها ضيفي شوية صالصة للطاجين وابدي ستفي المكرونة المحشية

http://www.libyan-kitchen.com/galler.../makronzrz.jpg

http://www.libyan-kitchen.com/galler.../makroneie.jpg

وبعد لا تكملي خودي باقية الصالصة ووزعيها علي المكرونة كلها اللي في الطاجين ورشي عالوجه جبنة مبشورة ( حتى هنى الغيتها وقلتلكم السبب فوق علاش ولكن انتم ماتفوتوهاش )



http://www.libyan-kitchen.com/galler.../makronjxj.jpg

وبعدها غطي طاجينك بورق الالمنيوم ( السلفر ) وحطيه في الفرن لمدة 30 دقيقة

http://www.libyan-kitchen.com/galler.../makrontjt.jpg

وبعد لا تفوت النصف ساعة طلعيها من الفرن وقدميها مع الصالصة وتاكليها بالهني عليكم والعافية يارب



وان شا الله مشاركتي في المسابقة تكون عجبتكم



وهى تعالوا ضوقوا وتبننوا من ايديات وخيتكم منونة


http://www.libyan-kitchen.com/galler.../makronckc.jpg

تسلم الايادي يامنونا ياسمحة مشاركة متميزة جدا الله يحفظك ويهنيك يارب

وصحة وهنا هلى قلبك انت وتاج راسك ياغالية مشاركة مميزة وتستحق التقييم

منونا مشاركة مميزة يا عسل

بس سامحيني المسابقة تامة ليها أيام واليوم ان شاء الله نبي نعلن عالنتائج

تأخرتي يا قمر

كسبنا وصفة لذيذة من ايديك الحوة

تستحقي التميز

وصفة رائعة ولو جت متأخرة

المهم كسبنا وصفة جديدة معانا

تسلم ايدياتك حبوبة مكرونة روعة

وأنا نموت فيها الجبنة ولو انا أنتي نحشي نصف الطاجين بالجبنة ونرشها عليه

والباقي نخليه من غير جبنة يعني قسمة خوت ههههههه

وصفة متميزة وصحتين

الله يبارك فيك فكرة حلوة وشكلها بنتها مليحة تسلم ايدك

الله يسلم ايديك يا منونة فكرة جديدة وحلوة مشكورة عليها

اقتباس:
المشاركة الأصلية كتبت بواسطة الساجدة لله http://kitchen.libyan-kitchen.com/Pi...s/viewpost.gif
تسلم الايادي يامنونا ياسمحة مشاركة متميزة جدا الله يحفظك ويهنيك يارب

وصحة وهنا هلى قلبك انت وتاج راسك ياغالية مشاركة مميزة وتستحق التقييم

الله يسلمك ياغالية ان شا الله ربي يحفظك
تميز موضوعي بمرورك الكريم وردك الجميل

اقتباس:
المشاركة الأصلية كتبت بواسطة أم أيوب http://kitchen.libyan-kitchen.com/Pi...s/viewpost.gif
منونا مشاركة مميزة يا عسل

بس سامحيني المسابقة تامة ليها أيام واليوم ان شاء الله نبي نعلن عالنتائج

تأخرتي يا قمر

كسبنا وصفة لذيذة من ايديك الحوة

تستحقي التميز

مشكوووووووورة ياحلوة على مرورك وردك وعادي مافيش مشكلة نهائي المهم شاركت معاكم والجايات اكثر من الرايحات ان شا االله وبالتوفيق للكل

اقتباس:
المشاركة الأصلية كتبت بواسطة أم ميوسة http://kitchen.libyan-kitchen.com/Pi...s/viewpost.gif
وصفة رائعة ولو جت متأخرة

المهم كسبنا وصفة جديدة معانا

تسلم ايدياتك حبوبة مكرونة روعة

وأنا نموت فيها الجبنة ولو انا أنتي نحشي نصف الطاجين بالجبنة ونرشها عليه

والباقي نخليه من غير جبنة يعني قسمة خوت ههههههه

وصفة متميزة وصحتين

الله يسلمك ياعسل ، نورتيلي موضوعي بمرورك وردك اللطيف

والله غالب يا ام ميوسة هكي اتعودت اي حاجة ميحبهاش تاج راسي حتى اني نفوت فيها ونلغي فيها من قاموسي المنزلي

طبعا ولو مشيت لحوش اهلي او اهله ندير اللي خاطري فيه

اقتباس:
المشاركة الأصلية كتبت بواسطة ليبية http://kitchen.libyan-kitchen.com/Pi...s/viewpost.gif
الله يسلم ايديك يا منونة فكرة جديدة وحلوة مشكورة عليها

انتي اللي مشكورة على مرورك ياغالية والله فرحت هلبا بجيتك عندي هني

تسلمي ياعسلللللللللللللل