[سويسرول الدجاج ]من مطبخ Om Amory
السلام عليكم ورحمه الله وبركاته
جبتلكم اليوم ان شاء الله سويسرول الدجاج بالمفروم ....
المهم نحتاجوا لحم دجاج مفروم ومغسول
وبعدين تبشري عليه راس بصل وثومه
وتحطي عليه توابل أى توابل انتى تحبيها
وتخلوهم حاجه ساعه ممكن
http://www.libyan-kitchen.com/galler...s/32949133.jpg
ونجهزوا على غير طريق لحم مفروم مع شويه بصل مقرض صغير
تحطيهم على النار وتحطيلهم شويه ملح وفلفل اسود وحرارت ونخلوهم لين
يمصوا الميه وينشفوا
http://www.libyan-kitchen.com/galler...s/78651269.jpg
وبعدين ناخدوا سلفر نفرشوه على الطاوله اللي عندك وندهنوا بشويه زيت ونفردوا عليه شويه
من خليط الدجاج الاول اللي درناه ونساووه باليد
المهم بعد ماطرحتوا طبقه الدجاج نفرشوها بخليط اللحم المفروم
عادى كان تبى تحطى أى حاجه تانى تقدرى متل بزلاء وجزر أى شى تبى تضيفيه ضيفى
المهم بعدين نلف السويسرول بحيت نجبدوا السلفر ونتنوا الخليط للداخل وكل مانلف نجبدوا السلفر
معليشى صورة الخطوه هادى امتسحت المهم ....
بعد ماتمت اللفه نسكروا عليها بالسلفر نفسه ونحطوها في كسكاس فوق البخار وطبعا لازم تغطوا الكسكاس
وخلوه ممكن نصف ساعه الى ساعه الا ربع بالكثير
بعدها تنزلوه من الكسكاس
http://www.libyan-kitchen.com/galler...s/55281806.jpg
وتفتحوا عليه
تاخدو طاوة فيها شويه زيت سخنوه وبعدين حطوا فيه السويسرول حمروه شويه من جميع الجهات
وبعدين قصوه شرائح بالعرض طبعا
كما فى الصوره
http://im32.gulfup.com/nZHKq.jpg
وان شاءالله يعجبكم
تحياتى :D
Om Amory