[quote=أمـ ساره;2295]ربي يوفقك ويفتح عليك ان شاء الله
والله كانت عندي خالتي تعاني هلبة من هالمشكلة لكن هي تحمل وترمي ما يثبت العيل
وبعد 3 مرات حمل حصلت بنية وجابتها في السابع والحمد لله توا بنتها تقرا في صف الثالث ابتدائي توا
وللأسف بعدها علة قد ما عالجت ما نجح العلاج معاها
قعدت في الأردن سنو تقريبا وبعدها توفى زوجها الله يرحمه وتزوجت ثاني لكن نفس الشيء
وطبعا هي عمرها ليها دور لأنها تزوجت في نصف الثلاثين
وأيضا صديقة أختي ليها متزوجة تقريبا 3 سنوات أو أكثر شوي ومازال ما حملت
وقاعدة تعالج لأن المشكلة تقريبا من زوجها والحمد لله انها بسيطة تمشي بالعلاج
وسمعت هلبة قصص مثل حالتك يعني هذا طبيعي ممكن مسألة وقت بس
وأيضا في حالات يكون الراجل والمرأة ما فيهم شيء لكن ما يحملوا مش عارفة بالضبط السبب
لكن يقولوا مثلا لو كل واحد متزوج من واحد ثاني يحملوا ويجيبوا عادي
حبيبتي حتى اني بنتي توا عمرها سنة ونصف ومازال ما حملت بالرغم من اني ما رضعت طبيعي
ولا خذيت موانع اكتفيت فقط بالجدول لفترة بسيطة لأني كنت مريضة بالفقرات
أما الآن من غير مانع وما فيه حمل والحمد لله عندي ثقة في ربي ومش خايفة
وربي يكتب الي فيه الخير ان شاء الله
وكمان مرأة عمي قعدت 5 سنوات متزوجة وما دارت صغار وماشاء الله عندها5 أولاد وبنت
وبنتها متزوجة وعندها ولد وبنت
وربي يرزقك يارب وكل محروم من الصغار
ادعيلي لربي وما تفقدي الأمل وخلي توكلك على الله دائما واسعي للعلاج وان شاء الله ربي يوفقك
مشكورة خيتى على تشريفك موضوعى صحيتى وماننحرم منكم
وربى يرزقنى ويرزق كل محروم ياررررررررررررررررررررب