عرض للطباعة
السلام عليكم حبوبات
طالبه منكم مساعده عن آلة البيتزا الكهربيه أكيد
في السوق فيه نوعين طاجين البيتزا وطاجين آخر هو طاجين الطبخ أو طاجين الطهي
اللي هو مكتوب عليهم
(بيتزا بان) وفيه عليها صورة بيتزا
و(كوكينج بان) وفيه عليه صورة الطاجين نفس متع البيتزا بس فيه لحوم وخضار
أي نوع تستخدمو فيه هذا اللي ديما تحكو إنكم إتطيبو فيه في هلبه حاجات وتقولو طاجين البيتزا أو آلة البيتزا
وشن الماركه (هومر) مثلا وفيه أنواع كثيره لقيت (جادور) و........إلخ
بصراحه احترت بشن تنصحوني
أستودعكم الله
تحياتي
حبيبة اني عندي طاجين البيتزا ماركة أطلس
ونوعيتها كويسة وعن تجربة
اندير فيه البيتزا والخبزة المحشية والبيتزا الملفوفة
وأيضاً الفطيرة والتورتيلا والخبز الي من غير تخمير
وأيضاً طيبت فيه الدجاج بالخضرة مش عادي بصراحة
وفيه ناس ادير فيه حتى المبكبكة والله أعلم هكي سمعت
وفيه موضوع للمرحومة السمحة في ركن الأدوات المطبخية
وهذا الموضوع شوفيه
[ آلة البيتزا] من مطبخ السمحة
ماشاءالله أم سرو ماقصرت
وزى ماقالتلك شوفى موضوع الأخت سمحه الله يرحمها
نفس الالة متع اطلس عندي ونستعمل فيها والصراحة سوى هي او الهومر فهما ممتازين والحق اثبتت هومر جودتها ولقت سوقها في ليبيا وننصحك بيها
السلام عليكم كيف الحال حبوبات
مشكورات على أهتمامكم وردودكم أم ساره أم عموري الساجده لله
وإن شاء الله حانركز على هومر وأطلس ممكن ناخد هومر وأكيد لما ناخدها ونجربها حانقوللكم شن صار معاي
ونهنيكم بالمناسبه بفرحة النصر جميعا
وإن شاء الله ديما أفراح
أستودعكم الله