[ الطباهج ] من مطبخ mnona
شن اخباركم ان شا الله تكونوا في تمام الصحة والعافية
امس درت عشاي طباهج فقلت نشارك بيه معاكم وان شا لله يعجبكم ومع أنه مش اول وحدة انزل الموضوع هذا وكل واحد وطريقته
وهي تفضلوا نبدوا بالمقادير
اول شئ تبدي بقلي البطاطا وبعدها الكوسا واخر شئ طبعا البذنجان باش يقعد زيتك نظيف
وبعد لا تقلي الجماعة كلهم اللي فوق تنقصي من كمية الزيت لو هلبا اللي في القلاية وكانه شوية خلاص خليه
وبعدها ضيفي الطماطم الاخضر والفلفل الاخضر والثومة للزيت اللي انتي كنتي قبل قالية فيه الخضرة لانه يعطي بنة مش عادية للصالصة وضيفي توابلك ، وخلي الصالصة تتدبل شوية وبعدها ضيفي خضرتك للقلاية
وبعدها ضيفي المعدنوس وحركي بالشوية بالشوية
وبعدين تاكلوه بالهني عليكم ان شا الله
وان شا الله يعجبكم يارب
كلوه وهو سخون