استفسار لاختي زينب محمد

السلام عليكم ورحمة الله وبركاته

عندي استفسار عن البسبوسة لاختي زينب محمد

اني درت البسبوسة بنفس المقادير الموجودة بالتمام بس طلعت عندي يابسة

هل في حاجة اتيبس البسبوسة

ارجو المساعدة بللللللللللللللليز

بالك مخليتيهاش ترتاح بعد ماخلطيها

اني مجربتها بالخطوة وجت بنتها قنينة وامورها تمام التمام

والله أعلم

حبيبة ممكن نسبة الدقيق متاعك مايشربش السوائل او انك ماخليتيهاش ترتاح او ممكن ماخليتيهاش تتشرب في العسل متعها باانتظار زوبة

مشكورين علي نصائحكم .......لاكن اني خليتها ترتاح ساعة ......لاكن توانحاول انجربها مرة اخري واتقوللكم .

حبيبة كمية الزيت نفسها
والعسل عاقد ولا لا
والدقيق نوع الدقيق

وان شاء الله اتفيدك زينب اكثر
تقبلي مروري

حبوبة منعرفش وين الخلل بالضبط

ممكن يكون عسلك عاقد هلبة لهذا متشربتاش او ممكن تكون كميته شوية

او ممكن عسلتيها باردة أو العسل بارد

وحتى نا جربتها وطلعت حلوة

عزيزتي بنت ليبيا فكرتيني بنفس الموقف اللي كنت نمر بيه: والموقف ان زوجي يحب البسبوسة هلبا بشكل غير عادي وخصوصا ان اخواته يتفننوا فيها, وانا البسبوسة بالذات ماكانتش تنجح معاي لما انديرها.وتعبت هلبا وانا نجرب فيها لفترة 6 او 7 شهور من لما تزوجت وفي كل مرة نديرها تجيني يابسة ونلوحها والله زي ما نحكيلك واخييرا بفضل الله تعلمتها واصبحت نتفنن فيها وزوجي يحبها من ايدي.
نبي نقللك انها كانت تجيني يابسةبسبب العسل .يعني العسل لما يكون ثقيل شوي يخلي البسبوسة يابسة وثقيلة ,والبسبوسة تبي عسل جاري او خفيف شوي يعنى وسط.ولو تبي طريقتي نقلك عليها.
واسفة عالاطالة.

مشكورين وخياتي علي النصايح وان شاء الله حنسمع كلامكم بالضبط وانفذها ,وصحيتي وخيتي ام انس مافيش مشكلة اعطيني انتي طريقتك وحنحاول انجرب لين تضبط معاي .

http://www.libyan-kitchen.com/gallery/images/012.gif

حتى انا زوجي يموت في حاجة اسمها بسبوسة واللي نديرها ماتعجباش وشكرا على فتح هدا السؤال