السلام عليكم ورحمة الله وبركاته
http://www.libyan-kitchen.com/kitche.../goodbaihi.gif
اليوم ياستات ياحلوين
جايبتلكم بيتزا الكسكااااااااااس حلوة وخفيفة
ملاحظة :: البيتزا درتها في حوش أم عموري بس أني إلي درتها.. لأني ماعنديش كاميرا حاليا
وحبيت نزل موضوع ليا مدة معاش نزلت
بالنسبة للعجينة أي عجينة معتمدة عندك
طبقي بيها الوصفة لليوم
المقادير العجينة
ربع كوب زيت + 2 ملاعق حليب جاف + ملعقة صغيرة ملح + ملعقة كبيرة خميرة فورية
ملعقة صغيرة B.B + ملعقة كبيرة سر + ماء دافئ
جهزي الصالصة بيتزا عادية + جبن +تن + زيتون + فلفل أخضر
http://www.libyan-kitchen.com/gallery/images/awaawa.jpg
ملاحظة :: الشئ إلي تبي تحطيه على البيتزا على ذوقك يعني مش مهم تتقيدي بإلي حطيته أني
بعد ماعجنتي وخمرت عجينتك
إفردي العجينة بالنشابة وقصي العجينة بالحجم إلي تبيه أني نحبها في الوسط
http://www.libyan-kitchen.com/gallery/images/hph.jpg
فقصيتها متوسطة الحجم بصونية
حطيتها في صفرة خليتها ترتاح ربع ساعة تقريبا أو أقل شوي
http://www.libyan-kitchen.com/gallery/images/uvuuvu.jpg
جهزت كسكاس مخصصاته لخبزة الكسكاس وبيتزا الكسكاس
قلبته على الغاز
وبدأت في وضع العجينة
http://www.libyan-kitchen.com/gallery/images/uquuqu.jpg
بعد ماقلبت العجينة وضعت صالصة البيتزا وشية تن وزيتون وفلفل أخضر وجبن بيتزا
http://www.libyan-kitchen.com/gallery/images/vrvvrv.jpg
وخليتها على نار هادية لكي تذوب الجبن
وهذا شكلها النهائي
http://www.libyan-kitchen.com/gallery/images/scsscs.jpg
ألف صحة وهنا على قلوبكم يارب
مع تحياتي
Om Saga