[ استفسار ] غسالة الصحون

السلام عليكم اخواتي
انا طالبه منكم تعطوني افضل نوع غسالة صحون وهل هي احجام وطريقة التشغيل ارجوكم
اللى امجربتها ومرتاحه لها
زوجي يبي ايجيبلي غسالة صحون على عيد الأم وانا نبي نوعيه ممتازه جاوبوني ارجوكم
ويا بنات نبيها تغسلي كل شئ في نوعيه يقولوا ما تغسل الملاعق يعني ما تغسل غير الزجاج والتيفال والبلاستيك انا نبيها تغسل كل شئ كل شئ

ان شاء الله البنات ايجاوبوك

ماشاء الله حبوبة هدية حلوة منه ربي يديم المحبة بينكم

شوفي اتني غسالتي نوع بيكو تركية وكويسة

ونغسل فيها كل شيط الا النحاسية تفسد

وما جربت فيها الالومنيوم لان ما نستخدم فيها عندي سينستيل بس


واحبوبة مغتربة تشكر في ماركة ال جي ايقولوا كويسة

وطبعا الحجم زي ما تبي اني عندي متوسط وفيه طبعا الحجم الكبير

وهذا يعتمد علر عيلتك واستخدامك طبعا


وبالنسبة للاسعار حسب الماركة والحجم فيه من 400 الى 900 وشوي

ولازم تشوفي بروحك وتسالي والافضل تشوفي في محلات غوط الشعال



وان شاء الله تبيديها بالهني مسبقا حبوبة

كل عام والامهات
كلهم بخير
وانشالله ربي ايخليلك
زوجكhttp://www.lakii.com/vb/smile/21-295.gif
ويعيش ويجيبلك
احني فالحوش والله ماعندنا
بس الي نعرف LG
مشكورات
وانشالله الي عندها اتفيدك

اهلا اختي كتومة كل عيد ام و انتي بالف صحة و عافية و زوجك بصحة و عافية و يعيش و يدلل
بالنسبة لغسالة الصحون اني ديما قبل ما نشري حاجة ندير عليها بحوث و نقرا عليها كويس باش نستفيد و نعرف هادي الحاجة تناسبني و تعطيني شن نبي منها او لا و بعدين ندور احسن نوعية علي قد فليساتي و بعدين نطلع للسوق ندور و نشوف الموجود عارفة و جعتلك راسك ،، خلي نعطيك الخلاصة اني خديت غسالة بيكو ب455 من محلات غوط الشعال عندهم وكيل اني خديت من الوكيل بضمانة سنة و نص و سئلت قالو عندهم مركز تصليح في الكريمية و هادا اللي شجعني لاني مش مجربتها الماركة هادي قبل لكن علي ما قريت يشكرو فيها ،، و ردي بالك تغسلي فيها اماعين اللوح و الا الالمنيوم ،، هما ينغسلو و ينضافو و مايصيرلهم شي لكن فيهم مادة تتفاعل مع الغسالة من داخل و فيسع ما تفسد فلو تحبي تحافظي علي حاجتك باش تعيشلك ما تغسليش فيها الخشب و الالمنيوم ،،،،و تغسل في الكواشيك و الطناجر و الطنجرة و الكسكاس و طواجين المرش يطلعو يلمعو و الطواسي و الصواني بجميع الانواع و الاحجام اني غاسلة فيها متع عزايم و ما شاء الله
و لو عندك اي استفسار تاني اتفضلي في اي وقت

بالنسبه ليا انا افضل ماركه بوش فهى الافضل بالنسبه لى
يجب ان تذهبى وتسألى فى المحل افضل النوعيه وكم تستغرق وقت لانه فيه اللى تستغرق3 ساعات فى التنطيف واقل شى نصف ساعه لغسل الاكواب فقط.
والافضل تاخديها متوسطه ماتاخدى الحجم الصغير .
وكيف ماقالت الاخت ساره لا يستخدم فيها الالمنيوم لانه يصدى بسبب الملح اللى يستخدم فى الغساله وهو ملح خاص بيها طبعا.
وهذا رابط موجود فيه نوع من غساله الصحون ومصورينها من الداخل وموجود فيها وين تحطى الملاعق اما بالنسبه لنوعيه او لماركه الموجوده فى الرابط مش عارفه هل هى كويسه ام لا.وموجود فيها شكل الصابون والملح الخاص بالغساله واين يوضع
وهذا الرابط التانى موجود فيه وحدا تسأل على غساله الصحون فاشوفى الردود وخاصه فى الصفحه 3و4


ممنوع وضع روابط لمنتدى آخر


وان شالله تستفيدى يارب

بارك الله فيكم حبيباتي ما قصرتوا

السلام عليكم


اولا نحب نهنيك بعيد الام وكل عام وكل ام بالف خير

وثانيا هذا رابط لغسالة الصحون تبعي وان شاء الله يكون الشرح وافي

وبصراحة نوعيتها كويسة مية في المية ولكن زي ما قالت الاخت ام ليليا المونيوم لا وخشب لا

والباقي كله حطيه وما تخافيش
وهذا الرابط ليها افتحي وشوفي
وان شاء الله تشريها وما تندميش عليها والف مبروك مقدما

http://kitchen.libyan-kitchen.com/showthread.php?t=2750