عرض للطباعة
السلام عليكم اخواتي الكريمات
الحمد لله ربنا من علينا وخطبنا لاخوي واخر عرس درناه كان من عشر سنوات فقلت مافيش احسن من الاخوات يساعدوني في انواع المالح والحلويات اللي ممكن انقدموها وتكون حاجات جديدة وتشرف قدام الضىوف بعد الانقطاع الطويل يارب خواتي افيدوني
والعقبة عند احبابكم يارب
وعليكم السلام
اول شي الف مبرووووووووك على وخيك حبيبة ان شاء الله ربي يهنيه ويهنيكم يارب
حبيبة لانه طلبك مش محدد يعني مش شي معين اني انقولك ديري بحث فى المنتدى بالنسبة للموالح عندك ركن المعجنات والمقبلات
ولو احترتي ممكن نعطوك خيارات
منورة ياغالبة
السلام عليكم
بارك الله فيك علي الاهتمام انا قصدي لواخت عندها فكرة عن انواع موالح وسلاطات تقدم في القاعة مع العشاء مثلا عدت لعرس وشافتهم وعجبوها لاني ليا اكثر من سبع سنوات ماعديت لقاعة ممكن انبارك في الحوش وبس ياريت تكوني فهمتي قصدي وانا عارفة انكن ماتقصرن
جزاكن الله كل خير
امدلله مرحبتين بيك
والف مبروك عليكم وان شالله بهناهم يارب
بالنسبة ليا ديما فالافراح جاهز الحق طلبيات من برا بحكم الضغط وقلة الفضوة
في يوم الصالة
بس فالعزومات والتهدريزات في الحوش مانحيرش ماشالله المطبخ امعبي
معجنات ومقبلات وهلبا انواع سلايط
بورك الجبد والبكلاوة الحارة والمبطن ووووو ديري دورة فالمنتدى مش حتلقي
الا الي يسترك ويرضيك
وان شالله تكملي مناسبتك على خير
ان شاء الله وحدة من الاخوات تقدر تفيدك أكثر
وتكون صاحبة خبرة
زي ما قالت سويت الآن كل شيء طلبيات جاهزة بصراحة
بس اني شخصيا نفضل بوريك باللحم المفروم وطاجين جبن
وفيه شاورما دجاج وكمان سلة بالجبن والسبانخ
و
بالنسبة للسلطات
أهم نوع عندي السلطة المشوية وبعدها يجي
سلطة البادنجان أو سلطة الجزر
وشوفي هده المواضيع ممكن تفيدك
[طلب] أفكار حلوة لأكلات عزايم سهلة التحضير
ارجوكم المساعدة و كل واحدة تعطيني رايها
بالله فيدوني بيان اختي بعد اسبوعين
ولو لقيت غيرهم نفيدك ان شاء الله
بس ياريت ادي
ري بحث ممكن تعجبك وصفة في المنتدى
بارك الله فيكن ياخواتي الله يفتح عليكن
ومردود لكن في الهناء ان شاء الله
ماشاء الله عليكن ربي يحفظكن