http://www.libyan-kitchen.com/gallery/images/pyppyp.gif
السلام عليكم ورحمة الله وبركاته
حبيت نوريكم طريقتي في الكسكسي بالبصلة يارب طريقتي تعجبكم
المقادير بسيطة
بصل وطماطم معجون وحمص وبطاطا وقرعة حمراء بهارات مشكلةالطريقة :نقطع راس متوسط من البصل
http://up.arabseyes.com/uploads/15_05_1213370951511.jpgونحطه
في طنجرة عالنار ونخليه يتحمر بالزيت
نضيف عليه طماطم معجون وبزار وملح ونصب عليه المية
أول مايبدا يغلي نحط قطع اللحم ونركب الكسكاس
يكون الكسكسي جاهز عندي ومبوخ التبويخة الاولى
للأمانة الكسكسي اللي درته مفتول في الحوش بس بايدين عزوزتي
http://up.arabseyes.com/uploads/15_05_1213370954671.jpgنسقيه
بالدهن اللي على وجه المرق ونحطه في الكسكاس ونغطيه
ناخد كمية من البصل ونقطعها شرائح بس شرائح سميكة عشان البصلة
http://up.arabseyes.com/uploads/15_05_1213370984821.jpgنحطها
في طنجرة تانية ونصب عليها زيت وعلى نار هااااااااااادية لعند ما يقعد البصل أصفر
http://up.arabseyes.com/uploads/15_05_1213370985511.jpgنحط
عليها طماطم معجون وملح وحرارات وفلفل أكحل ونصب عليها من المرق
اللي تحت الكسكسي ناخد بطاطا حسب كمية الكسكسي (( استعملت حبة وحدة كبيرة الكمية متاع نفرين ))
ومعاها قطعة قرعة حمراء نقطعهم ونحطهم في المرقة اللي تحت الكسكسي
http://up.arabseyes.com/uploads/15_05_1213370987101.jpgنرجعوا
للبصلة لما ندوقها ونلقى ان طماطمها طايب والعلامة ما تلقي طعمتها حامضة
وقتها نطفي النار ونضيفلها حمص طايب ونصب عيها شوية ماء زهر ورشة قرفة
وياعيني ياعيني على ريحتها لوين توصل بعد هالاضافةالكسكسي طايب واللحم طايب والخضرة طايبة شني نديروا توة؟؟؟؟
نرفع اللحم والخضرة ونحطعم في طنجرة البصلاة بس ياخدو نكهتها نحط الكسكسي في طبق التقديم
ونسقيه باللحيمات والبصلة وتفضلو معايا
http://up.arabseyes.com/uploads/15_05_1213370989071.jpg