http://www.libyan-kitchen.com/gallery/images/jyj.gif
السلام عليكم ورحمة الله وبركاته
صندوق الهدية بالمكسرات
http://www.libyan-kitchen.com/galler...s/la335jfj.jpg
مقادير العجينة :
3\4 تلات ارباع كوب زبدة دائبة بحرارة الغرفة - 3 ملاعق زيت
بيضة - ملعقة سكر - نصف كوب عطر ( او نصف كوب ماء مخلط مع عطر او زهر او ورد )
ملعقة صغيرة بيكنج بودر - رشة ملح- دقيق للعجن ( حوالي 2 كوب يزيد او ينقص )
http://www.libyan-kitchen.com/gallery/images/la324.jpg
الحشو :
اللي تفضليه من المكسرات وهدي الخلطة انت تتحكمي في كمياتها
بالنسبة ليا خلطتي
http://www.libyan-kitchen.com/galler...s/la327qzq.jpg
كاكاوية محمصة ومرحية في فرامة اللحم العيون المتوسطه
لوز محمص ومجروش ( ضربته بالشوبك في كيس نايلون );)
قليل من جوز الهند وسكر العادي
وملعقتين او حسب الحلاوة اللي تبيها شربات
واضفت عليه ماء فيه قطرات من ماء الورد ( او الموجود عندك من المنكهات )
يجب تكون الحشوة زي العجينة الرطبه لو جفت زيدي ماء او شربات
http://www.libyan-kitchen.com/galler...s/la328eee.jpg
الشربات:
تقيله تكون 2 كوب سكر وواحد نصف كوب ماء
نحبها تكون فيها قرمشة شويه
ولو تبيها رطبه هلبه خلي شرباتك خفيفة
http://www.libyan-kitchen.com/galler...s/la314vgv.jpg
طريقة العجن :
توضع الزبدة والزيت والبيضة والسكر وتخلط كويس تم نضيف باقي مكونات العجين
لازم تكون العجينة متماسكه وناعمة عشان تقدري تفرديها يعني مش رطبة
http://www.libyan-kitchen.com/galler...s/la325oso.jpg
http://www.libyan-kitchen.com/galler...s/la326ovo.jpg
نفرد العجينه ونقطعها مربعات او دوائر بالطاسه حسب الحجم اللي تبيه
http://www.libyan-kitchen.com/galler...s/la329rpr.jpg
نحط الحشوة في المربع او الدائرة ونرفع الزوايا بالنسبه للمربع ونضمهم مع بعض
او ترفعي حواف الدائرة واتبتي كل حافتين متقابلات مع بعض
ونتبتوهم بنصف حبة لوز
http://www.libyan-kitchen.com/galler...s/la330krk.jpg
وننقشها وطبعا هدا المنقاش تطبيقي من الاخت زينب محمد بارك الله فيها ومعاه تجيني
النقشه رقيقة وحلوة غير الحكه اللي استعملتها صغيرة
http://www.libyan-kitchen.com/galler...s/la331ana.jpg
وهدا الرابط طريقة صنع المنقاش من زينب محمد
نحطهم في فرن ساخن علي حرارة 175 مئوية
http://www.libyan-kitchen.com/galler...s/la332pwp.jpg
ونحمرهم من فوق
http://www.libyan-kitchen.com/galler...s/la333pmp.jpg
ونحطهم في الشربات وهما الحلويات ساخنه ونخليهم حوالي دقيقتين او اقل ونرفعهم
http://www.libyan-kitchen.com/galler...s/la334yvy.jpg
http://www.libyan-kitchen.com/galler...s/la337nqn.jpg
وهدي هديتي ليكم بمناسبة الشهر الكريم وكل عــــــــــــام وانتن بخير وكل ليبيا بخير وهني
http://www.libyan-kitchen.com/galler...s/la336glg.jpg