السلام عليكم
http://www.libyan-kitchen.com/galler.../goodbasta.gif
كيف حالكم ان شاء الله الجميع اتكونوا بألف خير
وسامحوني ع الانقطاع المتكرر لأن العمل فارض علي هكي
جايبتلكم طريقتي في البيتزا بشكل مختلف وطيب وخاصة لمحبي الجبنة
العجينة
اي طريقة معتمدة عندك ولكن خليها متماسكة شوي علشان التشكيل
طبعا بالنسبة لعجينتي
دقيق تقريبا تلات اكواب
ملعقة ونصف كبيرة خميرة فورية
ملعقة كبيرة سكر
ملعقة صغيرة ملح
3 او4 ملاعق حليب نيدو بودرة اونصف كوب لبن (حسب المتوفر) اني عن نفسي نحب نعجنها باللبن
وكمون اسود او زعتر مطحون(اختياري)
وماء دافئ للعجن
http://www.libyan-kitchen.com/galler...2012102528.jpg
وبعدين نحضر الصلصة(زيت ع النار ونحط فيه بصل مبشور +
ثوم مفروم+طماطم حب مبشور+نص ملعقة كبيرة طماطم معجون+كركم+ملح قليل+حراراتك اللي تحبيها )
تشويحة بسيطة وفي الاخير نحط المعدنوس المفروم ونطفي عليها
http://www.libyan-kitchen.com/galler...2012110631.jpg
ونحضر مكونات البيتزا من فوق(جبن مبشور وافضل الانواع بالنسبة ليا جبنة الشمع الاحمر
+الموزاريلا ونبشر النوع الاول بشر رقيق والنوع الثاني بشر اكبر شوي+طماطم شرائح
+فلفل اخضرحلو شرائح في الصورة حاطة خيار لان الفلفل ماكان متوفر:Dعلشان الصورةبس:cool:+زيتون+تن)
http://www.libyan-kitchen.com/galler.../201210xxx.jpg
http://www.libyan-kitchen.com/galler.../201211ifi.jpg
ونبدا في تقريص العجينة الى قرصين او تلات اقراص دائريةكبيرة وبعدين نقص
العجينة من الخارج الى الداخل بدون مانكمل القص الى الداخل (مثل قص البيتزا العادية الى متلتات)
والصورة توضح اكثر ومن ثم نحط في كل نهايةللمتلت الخارجي جبنة مثلتات
(او اي فكرة تخطر علي بالك للحشوة )واني في الصورة درت تشكيلتين
وحدةكأنك تسكري في سمبوسة يعني تلاقي الطرفين مع بعض والتانية
زي القمع يعني تسكري طرف واحد ( اني ما نعرف نشرح مزبوط لكن ان شاء الله تكون الصورة وضحت اللي انقول فيه)
http://www.libyan-kitchen.com/galler.../201210hkh.jpg
وبعدين نحط مكونات البيتزا العادية الصلصة والتن والزيتون والفلفل
والطماطم وندخلها الفرن وبعد ما اطيب نحط الجبنة المبشورة وعلى طول ع الفرن الساخن اندوب الجبنة بس
http://www.libyan-kitchen.com/galler...2012102529.jpg
وهنا لما قصيتها شفتو لوين نبي نوصل لما تقصي البيتزا يطلع
في نهاية كل طرف بيتزا متلت اوقمع محشي جبنة ومطيبها لما
تكون سااااااخنة والاحلى لما تكملي طرف البيتزا وتوصلي في
الجزء هذا
http://www.libyan-kitchen.com/galler.../201210vnv.jpg
وهذي بيتزا عادية درتها في يوم تاني غرقتها بالجبنةوعجبتني وديتكن بيها هي تفضلن صحتين
http://www.libyan-kitchen.com/galler...2012110933.jpg
http://www.libyan-kitchen.com/galler.../201211jpj.jpg
وهذا لأول وحدة ترد
http://www.libyan-kitchen.com/galler.../201211xhx.jpg
ودومتن في حفظ الرحمن