ابريكة استفسار عن الطواجين تقصدي
انت تبيهم من امريكا ولا في ليبيا
لو تقصدي في لبيا مش عارفة لكن لوتقصدي في امريكا موجوات اا مرة شبحة موقع امريكي عارطهم ويوصلو هولك لباب حوشك واسعارهم معقولة وانت وحطك لوتبي الموقع نعطي هولك
ارنوسة يا حلوة هي اتفضلي على العشي
وخوذي اللحم
أرز بالخضرة ولحم الضأن بالفرن
ولو ما سدت نعطيك قلاية العيد تكملي بيها
هي يا بنات تعالوا معانا
ابريكه انتي تقصدي طاجين قطعة وحدة او زي الكب كيك
او قطعة وحدة زي الي تستخدم فيهم حورية المطبخ الي يطلع شكل الكيكة مش عادي
على العموم
هما الاثنين ان شاء الله موجودات في ليبيا
لكن طبعا الجودة تفرق لو الي غادي كويسات خوذيهم
الي تكسبيه تكسبيه
مرات تلقيهم هني أغلى
سحابة لاااااااااااا نسأل ان كانو موجودات في ليبيا
هنا فية عارفة لذلك كان فية في ليبيا مافي داعي نرفع معاية من هنا
ام سارة
اااااااااااااااااااااايوة
هدوم اللي نقصدهم
باهي صار فية نلقاهم
الله يبارك فيك مافية مارفعتهن معاية
صحيتن سموحات
ايه وخيتي موجودات ان شاء الله
وشنو شكلك راجعة لليبيا رسمي ان شاء الل
هياااهيااا
سلم ايدياااااااااااتى
درتلكم عشاااااااى من عندى
http://www5.0zz0.com/2010/12/01/21/772809881.jpg
هذاا صوره
من عشاااء اسبوع بنتى فى ليبياا لمى مشيت زياااااااره
حتى المصيررررررررررر
هيااااااااااااااا
http://www5.0zz0.com/2010/12/01/22/814284193.jpg
ماشاء الله أريناس
انت من وين في بنغازي؟؟؟
ام سارة
ان شاء الله رسمي ان شاء الله ونهائي زوجي قريب يكمل وننطلق على بركة الله
ارينااااااااااااااااس
سلمها وسلم مقاعدها الودادة
ودك بالخير يا حبيبة
ماشااااء ماشاااااء الله يا اريناس
سلم ايديااااتك يارب
وربي يخلي لك بنيتك وتفرحي بها
يلا بسم الله .....مدوا ايديكم مش اديرولي زي التوورته هههههههه
السلام عليكم اهو جيتكم انا
تعالو شوفو اول موضوع انزله العفو خيركم ماجيتونيش
http://www.libyan-kitchen.com/kitche...hread.php?t=88
مقدمك ياساجده هههههه جيت اني هههه
نراجي في المجموعه الثانية
وبنسألك حقه : الفورمات متاع تيسكوما شنو مخززوش عندك
الماركة هاذي الحق طليانية واغلب اللي شريته منها باهيه
لكن ان نسكن على البحر وخايفة نشري فورمات يخززوا
ماقاعدلي الا فورمات البلاستيك ؟؟
حتى انا على البحر نسكن بس انتي حافظي عليهم يعني لما تغسليهم جفافيهم كويس وحاولي تحطيهم في شنطة او اي شئ يتسكر
ايه والله مانحكيلك تمصميص وتسقطير وبعدين تجفيف ..وعذاب
هذا اللي يسكن في جنب البحر ههههه يتحمل
هي امالا تصبحي على خير
وتصبحوو على خير يابناويت ورااي جامعة الصبح
سلامات
شكلي قاعدة بروحي هيا تصبحو على خير ونتلاقو بكره واذكرو يوم جديد امل جديد حلم جديد وتصبحو على الف خير
و انتن من اهل الخير حبوبات
مبارك عليك أختي أم سارة العتبة وأنشالله لمتنا تكون في طاعة الله وأني سعيدة بوجودي بينكم لاني اول مرة نكتب لاي موقع لكن الفضل يرجع لله ثم لسيدةالمطبخ الاولى اللي فضلها علي كبيرأبلة زينب الله يذكرها بالخير
ههههههههههههههههههه
يعطيك الصحة نوارتنا
اكيد قضيتي عالتورتة
صحة علي قلبك
لكن حصتي نبيهاااااااااااااااااااااااااااااااااااااااااااااا ا
مبارك عليكم العتبة الجديدة يا احلى ليبيات
يارب تكون فاتحة خير على الكل
ما شاء الله على الاكلات الروعة
هادى يسلم ايدياتكم يارب
صباح الخير يا حبوبات كيف حالكم اليوم
الباين بيصيرلي زي ماصار زمان ... نخش على الهدرزة بروحي و بعد ما نطلع تربخ وراي
فوفو2010 .... مرحبتين بيك يا حبوبة و مشكورة على الورد الحلوة يا غالية
أريناس .... نورتينا في الدويرة يا حبوبة ... ما شاء اللع على العشاء ... الله غالب فاتوني زوز عشاوات
ابريكه ..... هلا هلا بالغالية ... حتى جيتي فاضية ... وجودك ساد بيناتنا ... بالنسبة للطواجين اللي ذكرتيهم .. راهم موجودات و كيف ماقالتلك ام سارة لو ان النوعية اللي لقيتيها كويسةو تتحمل اشريها من غادي .... لأنه اللي موجودة هنا يقولو تيفال ... لكن الحق خفيفة شوية و ماعمري جربتها
الساجدة لله .... مكبر بطنك .... جاية نازلة زي الحمراية على العشا .... انتي جبتي الخرفان و خلي الباقي على مولاة الحوش ... تدبحهم و الا تربيهم
ام سارة .... ما شاء الله على التعشاية الحلوة ... رغم اني ما لحقتش عليها ... لكن معليش ... وخيتي ساجدة عبيت عليها تقيملي شوية .. ماهو عطيتها الحافظة متاعي .... بدل ما تقيملي قعدت تاكل وفاتتني بالطويل
زهورة الأمورة .... مرحبتين بيك يا حبوبة نورتينا ... و ما شاء الله على التورتة اللي تفتح النفس ... و ربنا يهنيك انتي و زوجك
أم همام .... اهلا و سهلا بيك اختنا بيناتنا
حنان .... الله يبارك فيك يا حبوبة و ان شاء الله على الجميع
السلام عليكم
مبورك عليك الدويره ام سرورا الله يجعلها عامره بحسك
سامحونى جيت فاضيه معليش مستعجله مرة تانيه ان شاء الله نجيبلكم حاجه تليق بمقامكم
الكريم ونتلاقو ان شاء الله ديمه على خير
كيتى يا عسل تى وينك ان شاء الله امورك تمام
وين مغطسه ههههههههه فى زير الدهان على قولة العزايز
التائبة لله ..... مرحبتين بيك يا حبوبة نورتينا
ههههههههههههههههههههههههه ايه كنت غاطسة في زير الدهان ... ما تشوفيش فيا كلني نتعسل و القرقوش حاصل في الشعر
هههههههههههههه حلوه لصق فى الشعر تى كيف حالك وحال العويله
تى وينك من زمان وانتى زى الزئبق المهم اصحيحه هدى البركه
الحمد لله كويسة ...... تعرفي وخيتك غاطسة ما بين الخدمة و الحوش
مش عارفة لو ندير صغار مش راح تلقوني نهائي و راح تختفي كيتي من الوجود هههههههههههههههههههه
انتي اللي كيف حالك و حال عويلتك .... قوليلي مشيتو لمصر و الا قاعدين
السلام عليكم
سا محينى كيتى والله كنت مشغوله شويه
والله حالى لله الحمد والله زى ما قلتيى الواحد معاش يفضه بكل ان شاء الله ربى يرزقك ما تتمنى يارب ويعطيك لين ترضى
بنسبه لمصر ان شاء الله الشهر هدا كان سخر ربى
ولما نحددو الموعد تو نقولك بادن الله
يا رب تمشي و تجي بالسلامة
و ان شاء الله يتسخر موضوعك
و تفرحينا يا رب عن قريب
السلام عليكم كيف حالكم يا عسولات
و عليكم السلام يا حبوبة
كيف حالك يا سحابه
نورتينا
التا ئبه لله و سحابه صيف
منورين ^_^
السلام عليكم ياحبيبات كيف حالكم اليوم
انتى الحلو كله نوراه
شن الاخبار
ساجده وعليكم السلام
كيف حالك
يااااابنات من عنده خبره فى تنظيف كبوط الكشمير و الصوف من الزووووووووبار
وعليكم السلام ارنوسة الحبوبة كيف حالك وحال البيبي ان شاء الله تمام
بخير والله
قااااااااعدين حال الثقل ههههههههههههه
وجهد معاش فى
وين البنات اليوم مكسداات
مش عارفة شكلي نخوف فيهم كل مانخش يهربو ياارنوسة