مافيش مشكلة ام ميوسة معاك من تحت الصفر
لكن قوليلي انت من اي مدينة عشان نعرف اندلك على العنوان وياريت تطلعي من مدينة نعرف وين يبيعوا فيهن
عرض للطباعة
مافيش مشكلة ام ميوسة معاك من تحت الصفر
لكن قوليلي انت من اي مدينة عشان نعرف اندلك على العنوان وياريت تطلعي من مدينة نعرف وين يبيعوا فيهن
الصابرة انا نسكن في طرابلس
بس زي ما قتلك مانعرفش وين يبعوا فيهم الادوات
اختي ام ميوسة انا انجيب من طرابلس من محل اسمه دازة اصبري نين يجي راجلي وناخذلك منه العنوان بالمزبوط
اختي ام ميوسة ولكل الاخوات اللي في طرابلس
عنوان المحل او بمعنى اصح اقرب وصف له
اسمه دازة
جامع مولاي محمد من عند باب دخول المصلين بجانبه الخطوط الليبية ومحل اخر
اسئليهم يدلوك على العنوان او بعد ماتوفتيهم على ايديك اليمين منعطف تجديه
ان شاءالله الوصف سهل وواضح
بارك الله فيك أريد الإنضمام إلى الدورة
مرحبا بك وخيتي بنت الاشراف
وتي الادوات وصوريهن ونزليهن
انتظر صورك وصور الجميع
بارك الله فيك اختى الصابرهوالله يرحم السمحه ويغفرلها الصراحه خاطري من زمان انتعلم والله
وان شاء الله على ايديك انتعلموا يارب وندعولك بالخير
بس حددي لنا موعد بدء الدوره من قبلها بفتره علشان نلتزموا بالموعد وفهمينا شن نشروا
يا اختى هنا في بنغازي وين نلقاهم الأدوات
اختي الكتومة ان شاءالله ربي يسترني معاكم
واكيد حبيبة قبلها بفترة بنبلغ على الموعد
والاعلان توا عشان كل واحد يجهز الادوات اقري بداية الموضوع تو تعرفي شنو المطلوب
بالنسبة لبنغازي اذا ماتغيرش نعرف مكانين
1 / سوق المصرية تقريبا تخشي من عند الباب الثامن او تخشي من جهة الباب اللي مقابل السوق اكبير
و تسألي يوروه لك
2 / سوق الجريد من عند شارع الشريف المحلات اللي برا تلقيه محلين بس يبعوا فيهن تقريبا محل بينه وبين محل يبيع في الذهب حوالي 3 محلات برا ماتخشيش للسوق من داخل
لكن هذا اغلى ام بتاعين سوق المصرية اسعارهم اقل شوي
هذا على حد علمي ليا هلبة ماجيتش بنغازي وان شاءالله اكون افدتك ومرحبا بك معاي
ما شاء الله صابرة افكار وابداع ان شاء الله الكل يستفيد من الدورة وان شاء الله نحاول نشارك لو فيه وقت
وبارك الله في مجهوداتك