[ سكالوب دجاج ] من مطبخ mnona
السلام عليكم ورحمة الله وبركاته
http://www.libyan-kitchen.com/gallery/images/haha.gif
كيف الحال وخياتي ان شا الله تكون بخير
اليوم جبتلكم سكالوب الدجاج علي طريقتي
وان شا الله يارب تنال اعجباكم ورضاكم
طبعا حاولت بقدر الامكان اني نصورلكم صور وتكون واضحة
ولاني والحمد لله بطبيعة حياتي اني ديمة مستعجلة مصورتش الخطوات كلها
هي نبدو باسم الله بالمقادير
6 شرائح صدر دجاج
2 طماطم اخضر / 2 فلفل اخضر حار / فص ثومة / بصلة متوسطة / عصير ليمونة / ملح / فلفل اسود / تابل تونسي / ربع كوب ماء مخللات
خبزة مرحية / بيض
الطريقة
افرمي الطماطم والفلفل والثومة والبصلة في ست البيت ، وبعدها ضيفي الملح والفلفل الاسود والتابل وربع ماء المخلالات وخلطيهم مع بعض كويس
http://www.libyan-kitchen.com/gallery/images/1xcx.png
وبعدها تبلي الشرائح بالتتبيلة وخليهم لثاني يوم ، طبعا اني خليتهم حاجة ساعتين بس وكل ماتعطلي بيها كل ما افضل
http://www.libyan-kitchen.com/gallery/images/2ipi.png
بعد الساعتين خديت البيض وضفتله نكهة من التتبيلة ، خودي شرائح الدجاج غطسيهم في البيض وبعدين الخبزة المرحية والبيض مرة ثانية والخبزة المرحية مرة ثانية وانتي تكوني مجهزة زيت القلي ، حطي الشرائح المتبلة والمغلفة بالبيض والخبزة المرحية في الزيت لين تتحمر كويس ومدابيك تنقصي عليها النار باش ماتنحرقش منك وهدي صورته بعد القلي
http://www.libyan-kitchen.com/gallery/images/3eqe.png