[ بيتزا بتوست الشعير ] من مطبخ أم الجميلات
http://www.libyan-kitchen.com/galler.../untitleme.gif
من اختراعي مرة يا حنة جوني جاراتي بيتعرفوا عليا على غفلة حرت شن بنقدملهم
فالقيت التوست الشعير قدامي قلت مافيش الا بيتزا بالجبنة دايت وانا كنت يومها عاملة رجيم
لكن هدي عاد مانبيش نكدب عليكم كيف درتها طازة شربت بيها شاهية اني وجميلاتي
المقادير
توست شعير
جبنة لايت
صلصة بيتزا غير ضيفيلها قطيرة خل تفاح
الطريقة
تاخدي التوست وترصيه في الطاجين وتدهنيه بالصالصة وبعدين
ديري اللي تحبيه اني اكتفيت بالزيتون والجبنة فقط
http://www.libyan-kitchen.com/gallery/images/99.jpg
وكان تحبي تضيفي تن مصمصيه من زيته والاملاح ورشيه فوق الصالصة هدا اختياري
http://www.libyan-kitchen.com/gallery/images/2dhd.jpg
وهدي الصورة الاخيرة مع طويسة الشاهي الخضراء
http://www.libyan-kitchen.com/gallery/images/94tot.jpg
وان شاء الله تنال اعجاب الجميع
يا فضااوي شن رايك في البتزا الكدابة حشاك