مكتئبة ومحتاجتكم

يابنات محتارة وزعلانة وراسي صدااااااااااااااااااااااااااااااااااااع لين خلاص
نحس في روحي ظلمت انسانة والله من غير قصد
نحيلكم القصة وقولوا شن رايكم؟

طبعا زي ماتعرفوا لافترة اللي فاتت كنت ندور في حضانة لصغويرتي وبعد جهد جهيد لقيت حضانة مش عادية عجبتني ورائعة بصراحة المهم خليت فيها الصغيويرة واني مطمنة الحاجة الوحيدة انه صغاري يقعدوا في الأخير بروحهم مع ابلتهم ومافيش صغار تانين معاهم لأني نروح متأخرة من العمل
المهم امس لما جيت بنروح بيهم تفاجأت انه مع تدريستي للسيارة لقيت الأبلة اللي شادة الصغار وهي (أنسة) فاتحة الباب لشاب وتهدرز معاه ونسمع فيها تقوله :مازال مازال خش.
طبعا اني نصدمت وهي لما شبحتني نصدمت وهو كان بيخش وخر
فأني خشيت ولقيت صوت التلفزيون عالي وقلتلها وين الصغار قالتلي راقدين
خشيت لقيتها مسكرة عليهم الدار بالمفتاح وهما فعلا راقدين
طبعا قعدت نقول افرض ناضوا كيف تبي تسمعهم وصوت التلفزيون عالي
المهم خذيت الصغار ولبستهم جاكاتهم وجتني هي وقالتلي : جيتي بكري اليوم؟
قلتلها : ايه صارت ظروف خلتني نجي بكري شوية
قالتلي : ايه حتى خوي هذا جي يبي يروح بيا وقلتله مازال
واني طالعة لقيت الشاب نفسه مقعمز في الريسبشن وقعدت مدققة فيه
مايشبهلهاش نهائي ومع ذلك احسنت الظن وقلت يلا خوها ومع ذلك معجبتنيش فكرة انه راجل يخش للحضانة
مهما كان توا بدينا نسمعوا في حاجات غريبة والوحدة منا المفروض تخاف على صغيرها حتى من سلفيها وحتى من خوتها والله المستعان

المهم طلعت وربي العالم بحالي
الحق ياربي هي كويسة معاهم لكن الموقف معجبنيش فلما جي زوجي حكيتله اللي صار
قالي: هذي الحضانة تنسيها وتكلمي المديرة لسببين الأول باش تاخذ فلوسك والثاني باش توقضيها
قالي زي مانت خايفة على صغارك خافي على صغار الناس
المهم اتصلت بيها وحكيتلها اللي صار تفاجأت انها قالتلي: هذا اخر يوم لفلانة عندي قلتلها يا مدام راهو خوها قالتلي ممنوع حتى بوها ماتستقبلاش
تعرفوا والله العظيم من هذيك اللحظة واني حاسة بتأنيب الضمير والله ماكنت نحسابها بتقطعلها رزقها توقعت انها بتنبهها


ومن هذيك اللحظة واني مكتئبة يابنات هل اني غالطة ولا لا ؟

ولو كنتوا مكاني كيف تصرفتوا؟

اولا حبيبتى انتى بصراحه
الموقف صعب شويه وصدمتك قويه بصراحه
هادو صغارك وعندك الحق تخافى
لاكن فيه حاجه وحده تمنيتك درتيها هى انك
تاكتى باى وسيله من الشخص هل خوها او لا
مش على خاطرها لا لا بالعكس هى مداما القانون
يمنع استقبال حتا خوها يعنى عندك الحق تبلغى على المخالفه
الى ارتكبتها لاكن بصراحه على خاطر نفسيتك وتعديب الضمير
وباش ماتكتابيش
وبصراحه كان كنت مكانك حنتصرف زيك ونبلغ
لان بصراحه السكوت هو الى يسبب فى الاهمال
وبعدين تسكر عليهم الباب بالمفتاح علاش شنى بيهربو هما
لالا سامحينى هدا غلط ولازم تاخد عقابها
وسلامى ليك حبيبتى

حبيبتي مشاغبة المطبخ
شن بنقولك والله:
اني لما كلمت المديرة مرة تانية لأني بجديات حاسة بخنقة في صدري قلتلها اني هي البنية قالت خوها لكن المدام قالتلي اني مش في منو استقبلت خوها ولا بوها اني رافضة فكرة استقبالها لراجل اصلا
قلتلها اني انه خشتنا اني والشاب كانت في نفس اللحظة
قالتلي : هو ممنوع يخش الداخل اي راجل المفروض
حتى اولياء الأمور الرجال يخذوا في صغارهم برا مايخشوش بكل
وعلى العموم صحيتي يا وخيتي وبارك الله فيك تعرفي لعند قبل ماتردي واني كنت انحس اني غالطة لكن لما رديتي عليا حسيت بطمئنة شوية
تعرفي كل مانشوف صغاري نتفكر الأبلة متعهم توجعني اني قطعتلها رزقها عن طريق الخطأ والله المستعان

ليبيه ........السلام عليكم اختي والله مش عارفه شن بنقولك .............
كيف حسستي نفسك للحظه انك غالطه اختي نحن في هذه الدنيا واجبنا حماية ورعاية ابنائنا والحاجات الي زي هذي ما فيهاش لعب ولا مجاملات يعني قافله عليهم الدار بروحها مصيبه وزياده امدخله خوها للحضانه والله تستاهل الي جاها

اختي الكريمة روح مغتربة:
الشعور جاني لأنه البنية كانت كويسة معاهم وماغلطت وماقصرتش معاهم
والتأنيب جاني اني قلت علاش ماكلمتش المديرة على الفلوس وخلاص علاش نقطع في رزق المخلوقة؟
ونرجع ونقول زي ماقال زوجي وصغار الناس؟
المشكلة البنية اتصلت بيا تبكي: وقالتلي والله خوي (مش مهم اني مصدقتها ولا لا) لكن وجعتني تصدقوا ياجماعة مش جايني نوم من الموضوع هذا
ونحس في روحي بنبطل عمل ونقعمز لصغاري وخلاص

السلام عليكم ورحمة الله وبركاتة

ليبية

اولا واخرا انتي مش غلطانة هذول صغارك وصغار الناس والمفروض
انها عارفة القوانين
يعني عارفة انة اي رجل مهما كان المفروض ما يدخلش للحضانة
وعلى قولك الدنيا مفيهاش امان

هي غلطت وخذت جزاهااا لا تزعلي روحك ولا شي

المفروض الامانة امانة
وكيف تسكر على الصغار هذي بروحهاا غلطة كبيرة
كلكم راعي وكل راعي مسئول عن رعيتة

السلام عليكم
صدقيني ليبية اللي درتيه عين العقل بالله عليك وينه الخو توا إللي يجي ويقعد يستنى في اخته وهم ديما بصلتهم محروقة وانتي اللي تقعدي تراجي فيهم بالربع ساعة والنص الساعة ولنفترض حسن النيه وطلع خوها اعلاش هي ما تتعرفش قوانين الحضانة و إنه يمنع منعاً بات دخول الرجال للحضانة صدقيني لا يأنبك ضميرك لا سو المي والملح اللي بتاكله في الحضانة كمل وإن شاء الله ربي يرزقها في مكان احسن من الحضانة و عسى ان تكرهوا شيئاً و هو خير لكم وخلي تستفيد من أخطائها والله هادوما الاطفال الا امانة والامانة واااااااااااااعرة 0000وعلى نفسها جنت براقش

فضفض ياحبيبتي كلامك صحيح
اني احساسي بالذنب متعبني لأنه خشتي وخشت الشاب كانت في نفس اللحظة يعني ممكن اني استعجلت الأمور ولو تأنيت وكلمتها هي كان احسن من اني نكلم المديرة هذا اللي متعبني والله وخصوصا انها كلمتني بعدها تبكي قطعتلي قلبي
زوجي قعد مستغرب فيا يقولي: انت تتأسفيلها؟ هي غالطة وانت تتأسفي؟
يسمع فيا نقوللها: سامحيني ماكانش قصدي نقطع رزقك

ااااااااااااااااااااااااااه ياناس مش جايني نوم وتعبانة ومضايقة و
لكن تبوا الحق بردتوا عليا شوية
اني خايفة غدوة نمشي باش ناخذ الفلوس نلقى البنية منحبهاش هالمواقف هذي ادعولي نمشي ومانلقاهاش ويمشي الموضوع على خير

حيبتي والله واجعتيني ومعرفتش شني انقول لكن انت مش غلانه وبدات لو النت تعلم انه ممنوع دخول الرجال
صدقيني لو تعلم متعبيش روحك ولا اتخممي لانها تستاهل هدي حضانهوالدنيا مفيهاش امان والدنيا بدتت اتخوف والله معاد ينعطي التقه في واحد حتي في البنت نفسها واستغر الله هي الناس مش زي بعضها لكن اهو من هم الي انشوفو فيه
وصدقيني لو اتحصلي مراة اتكون تقه وتخليلها صغارك قداك وحدة من جاراك ولا هكي اتكون مطمونه احسلك فكك من حضانات والمرض الي كاتر
وربي ايعاونك

السلام عليكم
سا محينى اختى ليبيه هو عندك الحق لكن لو تريتى شويه افضل خير من تئانيب الضمير

يعنى فيها قطع ارزاق والله اعلم مرات يكون خوها بالحق لكن انى شخصيا تاترة من القصه وفى النهايه
اخواتى اعلاش القسوه ان بعض الطن اتم الله اعلم ممكن كنتى تتصرفى افضل من هكى هدا راى وسامحينى

يا عسولات اعلاش كل هاالقسوه

هيا الحضانه فيها قوانين معينه معقوله بتتجرا تجيب حد غريب الله اعلم الله يهدينا
لكن اختى ليبيه انتى الحكم فى هدا الموقف

حبيبتي نعومي والله خليتيني نبتسم ونشرح صدري لكلامك يا غالية بارك الله فيكم جميعا
فعلا قدر الله وماشاء فعل
تعرفوا سبحان الله الحضانة هذي ليا فيها ممكن اسبوع
فقلت سبحانك ياربي ترزق من تشاء وتمنع من تشاء
كأن الله خلاني نمشي للحضانة هذي لسببين باش يتم رزق هالملخوقة من هذا المكان
ويحفظ الصغار التانين من اي خطأ كان

سبحانك ياربي علام الغيوب
استغفرك واتوب اليك ياربي

اختي الحبيبة تائبة والله يا حبيبة اني لهذا السبب ضميري متعبني
لكن زي ماقلت: انه المديرة قالتلي في الهاتف انه ممنوع دخول الرجال نهائيا للحضانة حتى اولياء الأمور ياخذوا في صغارهم من الباب وهي حرفيا قالتلي حتى لو كان بوها اللي مدخلاته ممنوع
حاولت اني نرطب قلبها ونخليها تسامحها لكن قالتلي خلاص هذا الموقف لا يسكت عليه

صحيتي يا تائبة على كلامك وفعلا قلبي يفكر زي ما انت قلتي وعقلي يقول اللي قاله زوجي والبنات

ومع ذلك وصلت لنقطة معاش نعرف فيها الصح من الغلط

اختي سحابة يعطيك الصحة على كلامك
اني حسب مافهمت من المديرة انها منبهتها قبل هكي على استقبال الزوار لأنها استقبلت صحباتها قبل هكي ونبهتها والله اعلم
وبالنسبة للحضانة ياغالية اني لو نبي نخدم ماعنديش حل الا الحضانة امي بعيدة عليا وعزوزتي مرة كبيرة
وحضانة العمل مزرية جدا لكن شكلي بنحطهم فيها وخلاص ولا بنقعمز ونهني روحي

اختى ليبيه انت تسرعتى (سامحينى )على صراحتى لكن من منا ملتزم بقوانين العمل ميه ميه كلنا عندنا تجاوزات

هو ممكن خوها كان بيرفعها معاه ويستنى فيك تجى تاخدى الصغار ويرفع اخته معاه.حطى نفسك فى مكانها لو قالو لك فى العمل مايجيكش راجلك اكيد كان حيجيك ولو ليوم واحد.وانت ماعندك الا تنسي اللى صار وكلنا نسفيدوا من اخطاءنا

حبيبتي نسمة عادي ياغالية اني طرحت الموضوع باش نشوف اراء الكل
ممكن كلامك صح لأنه حتى اني هكي كنت نفكر لكن صايرلي تلخبيط مش عادي
يعني لو انت كنت مكاني كنت تخلي صغارك في الحضانة وكأن شيئا لم يكن؟

خلاص حبيبه قدر الله وما شاء فعل
معليش عليك بدعاء والا ستغفار وصلى ركعتين قبل ما تنامى وربى غفور رحيم
هدى تكون درس للانسان باش مره تانيه معاش نتسرعو بالحكم على الاخرين بمجرد الا حساس
وربك غفور رحيم والا عمال بنيات حبيبتى معليش هدا الا مكتوب
خخخخخخخخخخخخ تقولى جريمه

والله ياتائبة الأحساس بالذنب اللي عندي مخليني حاسة اني انا اللي درت مصيبة رغم انه كل من سمع القصة قالي هي اللي غالطة وانت ماعليك ذنب
جريمة وسكتي.
انا قاعدة مستغربة في اللي يقتلوا ويخنبوا كيف عايشين مش عارفة؟
انا لسبب زي هذا وربي العالم بحالي

اخواتي انا ما ضنيتش في البنت يعني هو خوها ومتاكدين انا خوها بس شن الي يضمني انا انسان سوي ومعنداش مشاكل او امراض نفسيه هذي نقطه والنقطه الثانيه كيف تقفل الباب علي الصغار .................يا ناس احني ما نلقوش في صغارنا ملوحين في الشارع بيش انجازفو بسلامتهم وما فيش حد بيعاني زي الام لما يصيب طفلها مكروه لا مدرسه ولا مديره والرزق علي صاحب الرزق بيش المره الجايه تعرف كيف تتصرف وكيف اتكون قد المسئوليه ووالله يا ليبيه اني انحييك لو كل ولي امر شاف غلط وبلغ عنا والاداره تصرفت بحزم زي المديره هذه ما كناش انشوفو المصايب الي اتصير رب يلطف بينا ويحفظ اصغارنا يا رب

اختي الحبيبة روح مغتربة شكرا لكلامك فعلا خليتيني نحس بطمئنة مفاجأة الله يطمن قلبك
فعلا :
انا مش غلطانة , انا تسرعت قليلا لكن حتى لو كلمت البنية قبل المديرة شن كان بيصير
كانت المديرة بتسألني على سبب انسحابي من الحضانة؟
واني بصراحة مانحبش نكذب
ولو ماعطيتهاش سبب حتصر عليا
وغير هكي صغار الناس حتى هما بينخاف عليهم
بنات جاوبوني على هذا السؤال:
لو صغاركم كانوا في الحضانة ولقيتوا انه الأبلة اللي شادتهم واللي المفروض مدايرة بالها عليهم حاطتهم في الدار ومسكرة عليهم واكتشفتوا انه عادي يخش راجل للحضانة (لأنه هذا اللي كنت نحسابه اني في الأول ولكن المديرة اكدتلي انه ممنوع استقبال اي رجل داخل الحضانة)
هل حتسكتي؟
هل حتنسحبي بهدوء؟

ماشاء الله صاار

وكل شى بنصيب مقدار انك اتجى فى تلك الحظه

ممكن بيش تنقضى اطفالك وااطفال ناس غيرك

وممكن نصيب هاابنت تم من هاالعمل

وصلى ركعتين للوجه الله

وااكثرى من الاستغفاار

وربى يهدينااا ويهدى بنيتناا للخير وصلح الحال

احبيبة اللي صار مقدر ومكتوب وربي مايوريك هم ان شاء الله

وكلام البنات ماعندي مانزيد عليه

حويجة باش ترتاحي يالغالية
استغفري لروحك واستغفريلها ...وربي ان شاء الله مايكون الا خير

ومرات فيها خيره ليها
ولي الروضة وليك يالغالية

كل شئ بسبب
واللي درتيه هو المفروض اللي يصير
والأدارة هي اللي مفروض تتصرف بعقل

وفكري لو سكتي وكان مش خوها شنو كان ممكن يتسبب هذا الشئ

وعلى قولتك اللي نسمعوا فيه يالطيف
ربي يحفظنا ويجيرنا منه

وسامحيني طولت عليك

صحيتوا يابنات وبارك الله فيكم والحمدلله حالي اليوم احسن من امس بهللللللللللللللللللبة
والفضل بعد الله سبحانه وتعالى يرجع ليكم يا حبيبات بارك الله فيكم وجزاكم الخير كله
اريناس كلامك عين العقل صحيتي
نوارتي يعطيك الصحة يا غالية وربي يصلح احوال الجميع

اللهم اني استغفرك واتوب اليك

السلام عليكم
هذا وين قريت موضوعك ... وبصراحة حسيت روحي تعبت هلبة منه
موقفك مش ساهل بكل.... واني عن نفسي كنت هنحس زيك.... وهذه طبيعة البشر (وبالأخص النساء) إنهم مايحبوش الأذى لغيرهم بس تصرفك منطقي وسليم

ونبي نقولك شي.... برغم إنا كمسلمين المفروض نحسنو الظن باخوتنا المسلمين..... لكن بصراحة مش قادرة نقتنع انه خوها..... علاش بتقولك حتى خوي جي وقتله مازال إلا لو تبي توصلك انه خوها؟

يعني... هيا حرة في تصرفاتها خوها أو لأ ومش شرط هذا يكون دليل إنها سيئة... المهم كان المفروض تحترم مكان عملها وقوانينه....

وبالنسبة للروضه نفسها.... بصراحة لو هذا فعلا موقفها من أي تسيب معناها ماتسيبيهاش ردي صغارك ليها... لسببين الأول زي ماقلت انها مارضتش بالتسيب
والثاني.... إنها حتحطك في اعتبارها واديرلك حساب وتاخد بالها من صغارك خوفا منك....

وإحساسك بالذنب ماتلتفتيلاش زي ماقالو البنات.... ومع الأيام هتنسيه..... ولو كانت البنت مظلومة في حكاية خوها.... أهي تعلمت درس باش تكون جدية أكثر في شغلها... واهي خبرة خشت رصيدها... ومش من الساهل الشخص تكون عنده خبرات... امالة كيف الشخص بيبدع لو ما تعلمش من أخطائه

هذا رأيي والله أعلم

وبصراحة كلام نوارة رائع خودي بيه

السلام عليكم ورحمة الله وبركاته

انا حاسة بشعورك أختي ليبية رغم ان العقل والمنطق معاك لكن مع هدا تحسي من الصعب انها توصل لقطع رزق حد وأنتي عزيزتي ماكنتش نيتك أنها توصل للمرحلة هادي أنتي كلمتي المديرة لأنك خايفة على صغارك وهادا من حقك والاعمال بالنيات ليبية ما تخافيش ربك عالم بينا وبقلوبنا وتوه اللي صار صار وأنت نيتك كانت التنبيه مش الطرد وهيا مساهمة في اللي صارلها ربي أن شاء الله يرزقها بمكان أخر وتكون هادي تجربة ليها وأنت زي ما قاللولك خلي صغارك في الروضة هادي لأن المديرة ما شاء الله حازمة وحاسة بقيمة أن صغار الناس يقعدوا عندها لأنها مسؤلية كبيرة وأنتي معاش تقولي خدمتي بنسيبها ردي بالك حبيبتي نصيحة من واحدة مجربة شدي في الخدمة بيديك وسنونك راهو اللي تخدم صعب تقعد في الحوش ألا لو ضمنتي خدمة أخرى دوامها أقل وصغارك بأذن الله ربي يحفظهم ويوفقك ربي وتلقيلهم روضة باهية

http://www.libyan-kitchen.com/kitche...t-top-left.gifاقتباسhttp://www.libyan-kitchen.com/kitche...-top-right.gifhttp://www.libyan-kitchen.com/kitche...ot-by-left.gifالمشاركة الأصلية كتبت بواسطة طمطمhttp://www.libyan-kitchen.com/kitche...t-by-right.gifhttp://www.libyan-kitchen.com/kitche...p-right-10.gif

السلام عليكم

هذا وين قريت موضوعك ... وبصراحة حسيت روحي تعبت هلبة منه
موقفك مش ساهل بكل.... واني عن نفسي كنت هنحس زيك.... وهذه طبيعة البشر (وبالأخص النساء) إنهم مايحبوش الأذى لغيرهم بس تصرفك منطقي وسليم

ونبي نقولك شي.... برغم إنا كمسلمين المفروض نحسنو الظن باخوتنا المسلمين..... لكن بصراحة مش قادرة نقتنع انه خوها..... علاش بتقولك حتى خوي جي وقتله مازال إلا لو تبي توصلك انه خوها؟

يعني... هيا حرة في تصرفاتها خوها أو لأ ومش شرط هذا يكون دليل إنها سيئة... المهم كان المفروض تحترم مكان عملها وقوانينه....

وبالنسبة للروضه نفسها.... بصراحة لو هذا فعلا موقفها من أي تسيب معناها ماتسيبيهاش ردي صغارك ليها... لسببين الأول زي ماقلت انها مارضتش بالتسيب
والثاني.... إنها حتحطك في اعتبارها واديرلك حساب وتاخد بالها من صغارك خوفا منك....

وإحساسك بالذنب ماتلتفتيلاش زي ماقالو البنات.... ومع الأيام هتنسيه..... ولو كانت البنت مظلومة في حكاية خوها.... أهي تعلمت درس باش تكون جدية أكثر في شغلها... واهي خبرة خشت رصيدها... ومش من الساهل الشخص تكون عنده خبرات... امالة كيف الشخص بيبدع لو ما تعلمش من أخطائه

هذا رأيي والله أعلم

وبصراحة كلام نوارة رائع خودي بيه

http://www.libyan-kitchen.com/kitche...t-bot-left.gifhttp://www.libyan-kitchen.com/kitche...-bot-right.gif

والله ياطمطوم يعطيك الصحة على كلامك المريح ربي يجزيك الجنة
كله اني معاك فيه لكن ترجعي لصغاري للنفس الحضانة صعب لأنه زوجي كلامه كان واضح قالي الحضانة هذي انسيها يأما حضانة المدرسة يااما مش لازمك شغل
والله المستعان
حضانة العمل الله لاتوريكم مأساة العدد كبير والدار صغيرة ومافيش تهوية
والمديرة واعرة مانقدرش نكلمها لكن شكلي اليوم بنتوكل ونكلمها يأما دارتلي حل وكانت متفاهمة
يأما حصلت تكشيخات ونسيب العمل وخلاص مهما كان صغاري اهم
http://www.libyan-kitchen.com/kitche...t-top-left.gifاقتباسhttp://www.libyan-kitchen.com/kitche...-top-right.gifhttp://www.libyan-kitchen.com/kitche...ot-by-left.gifالمشاركة الأصلية كتبت بواسطة أم ميوسةhttp://www.libyan-kitchen.com/kitche...t-by-right.gifhttp://www.libyan-kitchen.com/kitche...p-right-10.gif

السلام عليكم ورحمة الله وبركاته

انا حاسة بشعورك أختي ليبية رغم ان العقل والمنطق معاك لكن مع هدا تحسي من الصعب انها توصل لقطع رزق حد وأنتي عزيزتي ماكنتش نيتك أنها توصل للمرحلة هادي أنتي كلمتي المديرة لأنك خايفة على صغارك وهادا من حقك والاعمال بالنيات ليبية ما تخافيش ربك عالم بينا وبقلوبنا وتوه اللي صار صار وأنت نيتك كانت التنبيه مش الطرد وهيا مساهمة في اللي صارلها ربي أن شاء الله يرزقها بمكان أخر وتكون هادي تجربة ليها وأنت زي ما قاللولك خلي صغارك في الروضة هادي لأن المديرة ما شاء الله حازمة وحاسة بقيمة أن صغار الناس يقعدوا عندها لأنها مسؤلية كبيرة وأنتي معاش تقولي خدمتي بنسيبها ردي بالك حبيبتي نصيحة من واحدة مجربة شدي في الخدمة بيديك وسنونك راهو اللي تخدم صعب تقعد في الحوش ألا لو ضمنتي خدمة أخرى دوامها أقل وصغارك بأذن الله ربي يحفظهم ويوفقك ربي وتلقيلهم روضة باهية

http://www.libyan-kitchen.com/kitche...t-bot-left.gifhttp://www.libyan-kitchen.com/kitche...-bot-right.gif
والله ياميوسة ربي يريح بالك يا قمر
موضوع العمل هذا متعبني خصوصا اني نحب العمل بشكل كبير
ومش شكرانية في نفسي لكن والله المكان اللي يحطوني فيه نخدم فيه بضمير ومن وسط قلبي وخاطري وعلى فكرة معاشاتنا بسيطة جدا وحالتي المادية ولله الحمد لكن اني نخدم لأني نحب الخدمة و على خاطر القراية اللي عميت عيوني وحرمت روحي على خاطرها من هلبة حاجات

والله يلهمني الصواب
والله المستعان

اختي الكريمة عندك الحق في تصرفك ولو كنت مكانك ح نتصرف بنفس الشئ ...هي ارتكبت مخالفة والمفروض تاخد جزائها....الحق لازم يحق والساكت عن الحق شيطان اخرس....وهادي ماهيش قسوة تصرفك سليم مية في المية من وجهة نظري

حبيبتى ماتزعليش

كان انا مكانك
رانى درت كيفك
الدنيا رايحه اعوذ بالله

استغفرى بالله
ومعاكى الحق انك اتخافى على صغارك من اقرب الناس
مش من انسان غريب

السلام عليكم
اخوات لمادا كل هدى القسوه ليش
معقوله هدى ردة فعلكم الله المستعان صح نحنو فى زمن مش الاول بس الكلمه الطيبه صدقه والله وبالله وتا لله اختى ليبيه خلاص الموضوع انتهى وعفا الله عما سلف
لكن سبحان الله ليش كل هدى القسوه

وين الترحم والتسامح هدى مشكله
صدق الا قال كبرها تكبر صغرها تصغر مش محتاجه كل هدا الكلام الا اكبر من الموضوع تستاهل ومش عارفه ايش احبتى وين صفات الانوتة ولا حتى هيا تغيرة مع الزمن و تطورته الله المستعان اليك احبتى مقتطفات من
الصفات التى يجب ان نتحلى بيها والله المستعان والله مش متفهه الموضوع لكن ما يحتاجيش كل هدا التعصب اليكم هده الكلمات التى هزتنى وارجو ان تكون لها صدى عندكن وللعلم منقوله الله يجزى صاحبها او صاحبتها كل خير


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ



(( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ ))

http://up.arab-x.com/Oct09/BaW22970.gif

فكـــــر قبل أن تتكلم
إذا ما كانت الكلمات التي ستخرجها ستؤذي مشاعر الآخرين

ولن تستطيع بعدها الاعتذار لعمق الجرح الذي سببته فالكلمات أقسىواكبر من ضرب السيوف


فكـــــر قبل أن تتكلم
بكل كلمة تخرج من فمك فإما أن ترفع قدرك عند الناس
وإما أن تذلك وتبقى نادما على كلمة خرجت منك دون تفكير
فكـــــر قبل أن تتكلم
إذا ما كانت كلماتك ستكسبك الأجر عند الله أم تغرقك بالذنوب
فأما كلمات تخرج كأنها درر وأما كلمات تبعد عنك البشر..
فكـــــر قبل أن تتكلم
قبل أن تغتاب فلان وتسب فلان وتعيب على ذاك الشخص وذاك
فلست وحدك من يرى عيوب الآخرين فكل الناس ترى عيوبك وكل الناس لها أفواه
فكـــــر قبل أن تتكلم
إذا كنت ستغضب فاصمت فإنك لا تعرف ما قد تقوله في لحظة غضب
فأما ستقول حقائق مؤلمة أو أكاذيب تطفي من نار غيظك
فكـــــر قبل أن تتكلم
لا تجعل عواطفك تتكلم عنك تكلم بعقلك ثم زنه بقلبك فليس كل الناس لها قلب كقلبك
وليس كل الناس لها عقل كعقلك
فكـــــر قبل أن تتكلم
في مدى الكلمات الرائعة التي يجب أن تقولها لشخص عزيز فأنت
لا تدري متى ستفتح عينك ولا تجده أمامك…فأرجوك فكرلأن الزمن لا يعود ابدا الى الوراء

http://up.arab-x.com/Oct09/BaW22970.gif
حمد لله القائل في كتابه : (يا أيها الذين آمنوا اتقوا الله وقولوا قولاً سديدا يصلح لكم أعمالكم ويغفر لكم ذنوبكم ومن يطع الله ورسوله فقد فاز فوزاً عظيما)، والصلاة والسلام على رسوله القائل :" من كان يؤمن بالله واليوم الآخر فليقل خيراً أو ليصمت ".
بالكلمة عقدت الأحلاف بين المسلمين وغيرهم ، وبالكلمة دعا الرسول صلى الله عليه وسلم الملوك وزعماء القبائل والاكاسرة والقياصرة إلى الإسلام .. وبالكلمة بعث السرايا واستقبل الوفود.. وأتم تبليغ هذا الدين ..ورسخ الإيمان بكلمة التوحيد ونبذ الكفر وما جره من القول على الله بغير علم .
ولا يكون الزواج والطلاق والبيع والتجارة بين الناس إلا بكلمة .. وفي المقابل ما غزانا العدو ابتداء إلا بكلمة ، وما رُوَّج للفساد الفكري والأدبي والثقافي إلا بكلمة، وما تنافر الخلق وانتشر الحسد والبغض إلا بكلمة !!
ومن هنا تبرز أهمية الكلمة ودورها في حياة الفرد والمجتمع ..
فعجبا لتلك لكلمة تكون برحمة الله سبب رضوانه وبسخطه سبب عذابه ونيرانه ففي حديث أبي هريرة المتفق عليه: ((إن العبد ليتكلم بالكلمة من رضوان الله لا يلقي لها بالاً يرفعه الله بها درجات ،وإن العبد ليتكلم بالكلمة من سخط الله لا يلقي لها بالاً يهوى بها في جهنم)).
فالكلمة نعمة ميز الله بها الإنسان عن سائر المخلوقات بالكلمة المفهومة ، وأمرنا بحسن انتقائها واستخدامها : [وقل لعبادي يقولوا التي هي أحسن إن الشيطان ينزغ بينهم إن الشيطان كان للإنسان عدواً مبيناً] ـ الإسراء ـ 53. وقوله سبحانه : (يَا أَيُّهَا الَّذِينَ آمَنُوا اتَّقُوا اللهَ وَقُولُوا قَوْلا سَدِيداً يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعِ اللهَ وَرَسُولَهُ فَقَدْ فَازَ فَوْزاً عَظِيماً) [الأحزاب:70-71]. وجعلها الله سبحانه ضابط الحسنات والسيئات إلى جانب الفعل والإرادة وجعل عليها رقيبا (ما يلفظ من قول إلا لديه رقيب عتيد) ليميز بها المصلح من المفسد

http://img134.imageshack.us/img134/6554/s032qy9.jpg

ومن فوائد الكلمـــة الطيبـــة:
1)الكلمة الطيبة شعار لقائلها ودليل على طيب قائلها.
2)الكلمة الطيبة تتقى بها النار.
3)الكلمة الطيبة تحول العدو الى صديق بإذن الله ،وتقلب الضغائن
التي في القلوب إلى محبة ومودة.
4)تثمر عملاً صالحاً في كل وقت بإذن الله .
5)تصعد الى السماء فتفتح لها أبواب السماء ،وتقبل بإذن الله
( إليه يصعد الكلم الطيب ...).
6)أنها من هداية الله وفضله للعبد قال تعالى (وهدو ا إلى الطيب
من القول ...) .
7)الكلمة الطيبة ثوابها ثواب الصدقة
.قال رسول الله ( الكلمة الطيبة صدقة ) الكلمة الطيبةأصلها ثابت
وفرعها في السماء
منقول للفائده واختامها بقول الشاعر
ولله در الشاعر حين قال :

أُخيَّ إنَّ البرَ شيءٌ هينُ *** وجهٌ طليقٌ وكلامٌ لينُ
اخواتى

لسانك حصانك ان صنته صانك وان اهنته هانك
*نفسي والشيطان والدنيا والهوى*

* كيف النجاة وكلهم أعدائي.

هي طب للقلوب* نورها سر الغيوب *ذكره يمحو الذنوب

*لاالـــــــه الا اللـــــــــه*

- أجمل من الورد –وأحلى من الشهد – ولا تحتاج إلى جهد

* سبحان الله وبحمده*

السلام عليكم ورحمة الله وبركاته

أختي ليبية ربي يفرج همك حبيبة ويريحك ان شاء الله

ما عليك الا الدعاء والاستغفار وعليك ان تصلي صلاة استخارة

قبل ما تفعل أي شيء حتى وان كنتي ناوية الخروج من البيت


وبالنسبة لموقفك قدر الله وما شاء فعل

وربي يعينك ويعين البنت المطرودة والله لأنها وجعتني جداً

فالوقت هذا صعب الواحد تحصل عمل بالساهل ولكن في نفس الوقت

ربما أخطئت وأستحقت العقاب .... الله أعلم

قد تكوني على حق أو مخطئة الله أعلم ولا ينفعك الآن الا الدعاء فقط


وربي يفرج همك ويعينك على أطفالك

اختي التائبة لله اسمحي لي بالتعليق على كلامك وما تزعليش مني لو حطيتي روحك في مكانها كنتي ح تتصرفي نفس التصرف ربما هذا رايك لانك غير متزوجة وما جربتيش ان يكون عندك اطفال هادي مش قسوة حبيبتي هذا قلب الام وهل هناك ارق من قلب الام؟؟؟ تصرف اختي ليبية كان بعيدا عن الانانية لو وحدة تانية راهي حولت صغارها لحضانة تانية بفم ساكت وخلاص لكن هي بلغت الادارة علي خاطر الصغار التانيين باش ما يتكررش الغلط واحنا ما كبرناش المشكلة ولا حاجة احنا قاعدين نطمنو في اختنا ليبية ونهونو عليها وخلاص وربي ان شاء الله يغفرلنا لو اخطانا وردي بالك تاخدي كلامي بحساسية لاني نكلم فيك وكاني اخت ليك

السلام عليكم
اول حاجه اختى سراب انى متزوجه وام للا طفال

بعدين انى قلت لى ا ختى ليبيه ياريتك تريتى شويه قبل
اخبار الا داره ممكن فى تصرف افضل من هكى حبيبتى

لان قطع الاعناق ولا قطع الارزاق بعدين انى انتقلت لموضوع تانى
للقسوه الا بدت فى قلوب العباد اختى سراب مش لدرجه هدى انتم كبرتو الموضوع وعطيتوه اكبر من حجمه بعدين اختى
قوليلى ايش صار هو الحمد لله اطفالها بخير انى معك
تصرفها انها سكرت عليهم هدى غلطه كبيره الدنيا فيها كل شى لكن نحدر الاخت و نقوللها انى لو تكرر الخطاء بنقول للادره والله من وراء القصد والله المستعان


بعدين حبيبتى اختلاف الاراء لا يفسد للود قضيه
ومشكوره حبيبتى حتى انى تقبلى رايى
والله هو مجرد راى مش بضروره تاخدو بيه ومشكوره اختى سراب لا والله كلامك على الراس من فوق وسلامات يا عسل

السلام عليكم
والله في البداية قريت الردود وقلت باهي الحمد لله الأخيات ماقصروش
واوخيتنا الليبيه اطمنت وبالها ارتاح
لكن بعدين حسيت اختلاف الآراء !!
واللي بالتأكيد لن تفسد للود قضية
وعن نفسي نقول:
إنك تصرفتي بعين العقل يالليبية ، طالما فيه قوانين ،
واللي بالتأكيد الأخت موقعه عليها وعارفتها قبل تستلم شغلها
وكلنا نعرفوا بأن الكل تحت القانون مهما كـــــان .. اسمه قانون
لو الأخت كانت تشتغل بنية صافية وضمير ، وحريصة على شغلها
راهي نبهت خوها ، وخوها احترم قوانين الحضانه ورحب بيها بدل مايتجاوزها!!!
ريحي بالك أختي الليبية واطمئني لأنك مش السبب في اللي صار
السبب هو مخالفة الأخت للقوانين ........... فقط
ندعو الله لها بالتوفيق وربي يستر عليها ويبعتلها الأرزاق من حيث لا تحتسب
فلربما ماحصل كان رغم ارادتها ، ربي يعينها
وإجابة عن سؤالك نقووول:
إني مستحيل انخلي صغاري في حضانة هكي!!
بعدين ماقلتي قداش عمرهم صغارك ؟
عشان نقولك اصبري هالسنتين ثلاثة لغاية مايخشوا المدرسة ويكونوا معاك وترتاحي
فالتطمئني ولتهدأي بالاً .. وأنسي الموضوع
والخلاصة لو كنت مكانك لتصرفت نفس التصرف .. والله من وراء القصد

حلو منكم هدا التفاعل ..... ربي يحفظكم كلكم ويدوم الود يارب

السلام عليكم ورحمة الله

الموضوع اليوم بس قريته يااخوات خلينا نتفقو على ان الاختلاف في الراي لايفسد للود قضية
اول شئ انا ماعجبتنيش انك كتبتي الموضوع اهني ربما البنت كانت عضوة في المنتدى او قريبة ليها كانت اهني مش بتقراه الكلام بلاهي شن حيكون موقفها ..... وشئ تاني ضميرك مش البنات اللي حيقنعوه انه مش غلط صدقيني لو مكانش اللي صار فيه خطا مكانش تعبك هلبه والمفروض انك تريثتي قبل اخبار الادارة او انك اكتفيتي بااسترجاع المال فقط او انك تنبهي البنت على الموقف اللي صار , اما البنت ان شاء الله ربي يكتبلها مكان تاني ونصيب في شغل تاني هدا رايي الخاص ولكل منا وجهة نظر خاصة بيه وان شاء الله ربي يغفرلنا ذلاتنا يارب , وفي الاخير ماقدر الله وشاء فعل , ونتمنى من الاخوات مايقعدوش يفصصو في طبيعة العلاقة اللي بين البنت والراجل اللي كان معها لان بعض الظن اثم ومرات يكون خوها فعلا وبلاهي عليكم علاش تحملو ذنب البنت في قولت خوها والا لا .

http://www.libyan-kitchen.com/kitche...t-top-left.gifاقتباسhttp://www.libyan-kitchen.com/kitche...-top-right.gifhttp://www.libyan-kitchen.com/kitche...ot-by-left.gifالمشاركة الأصلية كتبت بواسطة الساجدة للهhttp://www.libyan-kitchen.com/kitche...t-by-right.gifhttp://www.libyan-kitchen.com/kitche...p-right-10.gif

السلام عليكم ورحمة الله

الموضوع اليوم بس قريته يااخوات خلينا نتفقو على ان الاختلاف في الراي لايفسد للود قضية
اول شئ انا ماعجبتنيش انك كتبتي الموضوع اهني ربما البنت كانت عضوة في المنتدى او قريبة ليها كانت اهني مش بتقراه الكلام بلاهي شن حيكون موقفها ..... وشئ تاني ضميرك مش البنات اللي حيقنعوه انه مش غلط صدقيني لو مكانش اللي صار فيه خطا مكانش تعبك هلبه والمفروض انك تريثتي قبل اخبار الادارة او انك اكتفيتي بااسترجاع المال فقط او انك تنبهي البنت على الموقف اللي صار , اما البنت ان شاء الله ربي يكتبلها مكان تاني ونصيب في شغل تاني هدا رايي الخاص ولكل منا وجهة نظر خاصة بيه وان شاء الله ربي يغفرلنا ذلاتنا يارب , وفي الاخير ماقدر الله وشاء فعل , ونتمنى من الاخوات مايقعدوش يفصصو في طبيعة العلاقة اللي بين البنت والراجل اللي كان معها لان بعض الظن اثم ومرات يكون خوها فعلا وبلاهي عليكم علاش تحملو ذنب البنت في قولت خوها والا لا .

http://www.libyan-kitchen.com/kitche...t-bot-left.gifhttp://www.libyan-kitchen.com/kitche...-bot-right.gif
والله حتى انى اليوم شفت الموضوع
وراى من رايك
وشوى اضافة
معظم المدرسات والموظفات يروحوا بيهم ازواجهم
ومرات خوها يجى بيروح بيها؟؟؟؟؟
وبعدين خوك بوك زوجك ممكن يمر عليك فى المدرسة ويخش الادارة وينادوك؟؟
وبعدين يفترض المديرة
احر من يروح
والبت هاذى متحملة شغل الادارة وين الادارة
هنى اللوم كله عالى خلو البنت بروحها
وتقدرى تصلحى الموقف انت والمديرة
وسامحينى ياليبة
قطع الرزق صعبيقول المثل(قطع الاعناق ولاقطع الارزاق)
تقبلى بكلامى بصدر رحب
واختلاف الراى لايفسد للود قضية

معليش نبى نقفل الموضوع كفاية الى هذا الحد