السلام عليكم
هنا في هذا الموضوع سوف يتم وضع ماسوف تقمن بشغله واي سؤال او مشكلة تواجهكن
وانا جاهزة للرد
رابط الدروس
عرض للطباعة
السلام عليكم
هنا في هذا الموضوع سوف يتم وضع ماسوف تقمن بشغله واي سؤال او مشكلة تواجهكن
وانا جاهزة للرد
رابط الدروس
بارك الله فيك صبوره وان شاءالله ربي يجعله في ميزان حسناتك ويحققلك كل ماتتمني يارب
هيا بسم الله وسعن يا بنات شوفن الناشطه :p
ههههههههه
تعلمت غرزة السلسله توا وصورتها
طاااازه رقدت عصفورتي وبديت فيها
ان شاءالله صح ياربي
http://up.arabseyes.com/uploads/13_10_1213501150641.jpg
وهدي غرزه الحشوه
http://up.arabseyes.com/uploads/13_10_1213501191161.jpg
وهدي غرزه العمود
http://up.arabseyes.com/uploads/13_10_1213501268181.jpg
وتوا ابنرقد تصبحون علي خير وبكرا انكمل الباقي وان شاءالله يعجبكم شغلييييييي
هيا يا لوبا وينك وين باقي البنات
الله محلاها ميمى اتهبل حتى انى خاطرى انديرها
مادخلينيش تعرفى صبورة خاطرى نتعلمه ومدام ميمى تعلمت معناها ساهل ههههه
ماشالله عليك انى فى صفحة الاعلان مالقيتش شى الا الادوات نبو بداية بالشرح والتفصيل
وبالخطوة وبالصور لانه صعب الحق وانى لو مش هكى مش حنتعلم لو مش هكى
مشكوورة
وميمى وانتى لالف خير
المصراتية كبداية ماشاءالله فالحة
لكن حبيبة زيدي عاودي الشغل من جديد بيش ايدك تاخذ على السلسة
ياسويت مش في البداية طول تلقي
اقري شوي بعدين يطلعن عندك شنو نبو
وكان مالقيتيش توا ننسخ ونلصق ليك المطلوب ولا يهمك ادللي
المهم نبوا اكبر عدد يتعلم
المصراتية جربي اشتغلي باللون الثاني بيش توضح عندي اكثر السلسلة وغرزة الحشو والعمود
السلام عليكم
ربي يوفقكن يا بنات
وربي يبارك فيك يالصابرة علي انك بتعلمي البنات
مصراتية شغلك كويس وبنقولك نصيحة ديمة حطيها في راسك مع الكروشيه ماتشحطيش الغرزات لما تشتغلي بيش يجيك الشغل مفرود وكويس ومايجيش امكرمش ومكرش في بعضه
ماشاء الله عليك واصلي وخلينا نشوفوا احلى حاجات منك كيف حلاوت طبخاتك
يا عيني يا عيني
ماشاء الله عليك ميمي بداية جدا موفقه
يا فرححتك صبورة شكلهم البنات فالحات ويلقطن بسرعه بيش ما نتعبوك معانا واجد
وانتي يا ميمي حيه عليك من لوبا اكيد شمت ريحة خيانتك لها زمان تستنى وانتي سبقتيها وبديتي
يستر الله في كر الشعر بعدين قداش بتحزي في هالدورة يا الصابرة
السلام عليكم أختى الصابرة والله متابعة معاك وطبقت الدرس والحمد لله أتقنت الشغل مية مية لكن جهازى فيه مشكلة
لايستقبل أى صورة لكن بنتابع الدروس معاك ونحاول تجميع كل شىء وتنزيله عندما تنحل المشكلة إن شاء الله فى ميزان حسناتك وأثمنى الدورة تستمر حتى نتقن الكروشيه بالتوفيق إن شاء الله
نصيحتى للمصراتية تختار اللون يكون صادة ولونه هادى حتى تبان الغرزة
الصورة المتحركة هى غرزة العمود مش غرزة الحشو
بارك الله فيكن علي التشجيع
سويت كيف ماقالتلك الصابره شوفي وتو تعرفي السلك واليباري وهيا بدي نشطي روحك
حبيبتهم بارك الله فيك علي النصيحه وتوا درت كيف ماقلتيلي بديت نرخي في يدي شويا وحتي اسهل حسيه
ام ميرال لوبا في الويك اند ماتطلعش من السوق يعني مستحيل تشتغل وهيا طلعت تعرف شويا غير ماتبيش تخبر
منار بارك الله فيك ولكن حاليا ماعنديش لون واحد وحنسمع كلامك ونشريه في اول طلعه بادن الله
تسلمي حبوبه
وصبوره توا بديت باللون التاني صوره ونزله
http://up.arabseyes.com/uploads/14_10_1213502091011.jpg
صبوره هدي غرزه السلسله عاودتها وان شاءالله تكون واضحه وقوليلي علي اي نقطه ناقصه وياريت اللي عندها اي ملاحظه تحطهنا
المصراتية
ماشاءالله الوخيات ماقصرن وفعلا نصيحة حبيبتهم جت في مكانها
وشغلك الجديد تمام هيا كملي الباقي وحتى السلسة واضحة بهذا اللون
اختي منار مرحبيتين بيك ولمتابعتك معنا
وان شاءالله تنحل مشكلة جهازك ونشوفوا شغلك
ومشكورات وخياتي ام ميرال وحبيبتهم للمساعدة وديمة خليكن هكي معاي حتى اللي ننساها اذكروني بيها
منار توا انتاكد من الصورة المتحركة اللي قلتي عليها
http://www.libyan-kitchen.com/galler...1410121350.jpg
المصراتية
في بداية اللون الاحمر بشوي عندك لخبطة مكان ما وضعت السهم
فحاولي حبيبة من جديد عشان اتجيك السلسة مضبوظة
لانها هيا والعمود والحشو اساس الكروشيه ويهل عليك تعلم اي شئ
ماشاء الله صبورة علي الشرح بارك الله فيك
شرح واضح واهم شي كتابة الرموز عربي وانجليزي
هاني شادة ورقة بنديرها حجيب ليا في الكروشيه وين ما نخدم
ربي يعطيك الصحة ويبارك ليك في وقتك وجهدك ويرزقك ماتتمني يارب
وطبعا زي ماقالت ام ميرال خيانه من وراي هكي ياميمي
بس شنو اسطي في الشغل ماشاء الله عليك ربي يعطيك الصحة
طبعا بعد ريت خيوطك جري للسوق والبحت علي كيفهم ولقيت اللون اللي نبيه
نبي اندير بيهم قبعة لي ابني ان شاء الله بتساعدني فيها الصابرة
بنديرها بغرزة الحشوة مع انها فددتني وطلعتلي عيوني العمود اسهل منها
بس هدي كويسه للسقع مايخش منها الهواء مكبوسة هادي اللي اندور عليها
مشكلتي الكبيرة المقاسات
وعندي مشكله تانيه في غرزة العمود لما نطلع للدور التاني من عمودالي عمود
هل نحط اخر عمود في السلسله التانية او الاولي للطابور اللي تحت مش هما
3 نركبوا بيهم للعمود وين نحطها شوفي
الشغل متاعي كان واضح قوليلي وين الصح ووين الخطا
هدي السلسلة بالمنزلقة
http://www.libyan-kitchen.com/gallery/images/l6.jpg
هادي السلسلة
http://www.libyan-kitchen.com/gallery/images/l5.jpg
هدي الحشوة اللي طلعتلي عيني بس حلووووووة
وندور عليها
http://www.libyan-kitchen.com/gallery/images/l7.jpg
http://www.libyan-kitchen.com/gallery/images/l8.jpg
هادي العمود مع الحشوة
http://www.libyan-kitchen.com/gallery/images/l10.jpg
http://www.libyan-kitchen.com/gallery/images/l11.jpg
وسعوا المنتدي خلوا لوبا تفوت بي فردتها ههههه
اللي طولها اقل من شبر ههههههه
طبعا بي غرزة العامود وان شاء الله من هنا نتعلموا المزيد
اسمعي ميمي ماتجربيشي تو تشركيه
عارفاتك داكه ايديك ورجليك في كل صفحة ههههه
بس لو في بيبي في الطريق اوكي من امهر فنانات الكروشيه
معااااك لوبا هههههه
http://www.libyan-kitchen.com/gallery/images/l1.jpg
http://www.libyan-kitchen.com/gallery/images/l2.jpg
http://www.libyan-kitchen.com/gallery/images/l3.jpg
هههههههههههههههههههههههههههههههههههههههههههههههههه ههههههه
http://www.libyan-kitchen.com/gallery/images/l2.jpg
شنو يا لوبا دروحك بتعلمي تي وسعي بعيد وانتي ماشاءالله مدايره كناضر وتبيعي
هدي لبنبلت بنتي هاتيها جاي
والله تهبل عجبتني وقولولي غير كيف ترقو بيها التفصيله وكيف جت منك هكي كنظره اني نقول علي روحي مستحيل نقدر يستر الله
حاضر يا صبوره حنعاودها وانتي مركزه ههههههههههههههههه غير امتي تتعلم ههههه
ميمي وووك عليا منك تي هدا مقاس موليد مش بنابل شن هالهزوة
درتي احرف من ولدي قالي فيسع اعطيهلي بنلبسها لي تيدي
الدب متاعه قريب انجلطت قتله غير مبلبزة عيوني علي خاطر دبك
دور من بحداي هادي تقعد دركري كان حصلت بيبي تاني كم هادا تو نديرلها
حزام وندس فيها...........
خواتمي ههههههههههههههههه
يرقوا بيها باميمي يزيدوا في عدد العمدان
اصلا هادا مانعرف العمود وقريب طرت من الفرحة بغرزة الحشوة
وتو شادة العود اليوم ندرب في روحي عليها اعقد وافك لين السلك قريب يعيط مني
والله بحماسكم هذا خليتوني انحب الكروشيه اكثر
ماشاءالله لوبا شغل احترافي
مع بعض الاخطاء البسيطة
لكن ساهل حلها
بالنسبة للحذاء حبيبة حتى اني انشوف فيه صغير لكن كبداية ماشاءالله تبارك الله
اني المنتديات الثانيات اكيد حيحسدوني عشان عندي طالبات زيكم يلقطنها على الطاير ربي يحفظكم
حتى لو كنتن اثنين اني معاكن للنهاية باذنه تعالى وكان احيانا الله وتمينا من اهل الدنيا
ويالوبا بالنسبة لسطر الاسئلة حبيبة بكرة بأذن الله انزلك شرح بالتفصيل واسهم على الصور عشان يوصلكم شنو نقصد
وهيا حبيباتي مزيد من الحماس
عفوا يا معلمتي
راهو الشوز مش صغير هدا الحجم الطبيعي لي مواليد
اني شريت اول ماولدت بنتي شوز نفس الحجم هدا بالضبط
ويجي علي المواليد بكل سهولة يدخل ويطلع
حتي اني اول ما اشتغلته قلت خيره هكي صغير
حطيته علي متاعها الواتي نفس الحجم من كل الجهات
اكيد في انتظارك
لوبا بجد عجبني الشوز والله يهبل والحق انك شاطره اني نحس في روحي مستحيل نقدر ندير زيه
وحلو شغلك اللي توا
انكي متفوقه
ضحكني وليدك ههههههههههه صار لدبه مره وحده
حلوه فكره الميداليه هههههه
صبوره بارك الله فيك والله يرحم ولديك والله نحس فيك خير حتي من الاخت يعني تعلمي فينا وعالنت وصابره معانا
ان شاءالله اجرك حاصل يارب
اني نبي نسال علي المفارش واي شي طريزته واسعه في نوعيه اخري مزال بنتعلموها واللي هدينا هنا يوسعو فيهن ولا كيف
معليشي عالسؤال هوا صح سؤال غباء لكن اني ديما مستعجله خخخخخخ
صبوره هدا شغلي اليوم والحمدلله حسيت روحي اسرع واحسن من قبل
استخدمت فيهن غرزه السلسله والعمود والحشوه
وسرحت في الشغل ومش هاين عليا انسيبه هههههه قريب يريح حبل
http://up.arabseyes.com/uploads/15_10_1213503042881.jpg
وهدا من قريب
http://up.arabseyes.com/uploads/15_10_1213503042882.jpg
صبورة سامحيني مكترة اسالتي
بس واني نكتب في رموز و نرسم في اشكال الغرز
شفت انك حاطه اتنين تشكيله مختلفة لغرزة العمود وحدة رمزها T
والتانية تي وعليها كسرة في النص حتي طريقتها مختلفة حسيتهم طلعوا
بالتلاته طول بدون لفات تانية علي الابرة هادي الصورة تو بنرجع بيش ناخد الجواب
ماهو دايرة جدول للرسمات واسمائهم
http://files.mothhelah.com/img/rhB19899.jpg
ماشاء الله ياميمي يهبل الشغل
اسمعي ماتقوليش مستحيل ومانقدرش هانك تقدري مادام عرفتي اديري ولو غرزة وحدة
معناها حتعرفي كل شي
قوليلي اللي حوالين الحبل اخر غرز شنو سلسله والا حشو حلوة من داخل شكل ومن برة شكل عجبتني هالفكرة
لوبا قصدك عجبك شغلي
اممممممم يا سلام فرحتيني
في البدايه بديت بالعمود شويا وبعدين كملت بالمنزلقه وخلاصصصصصصصصص
ومعاش تكتري الاسئله ههههههههههههههههههه قصدي معاش تحرجيني خخخخخخخ
السلام عليكم لوبا حلوة الكندرة لكن صغيرونة هلبه شكلها ويا مصراتية شنو بتديري بيه الحبل بتربطي بيه ضحية العيد مثلا هههه لكن شغلك حلو ماشاء الله تعلمتي بسرعة معليشي يالصابرة اني بنجاوب المصراتية حسب مافهمت و الصابرة تفهمك اكثر مني قصدك المفارش اللي تكون فيها فتحات واسعة هذي سلسلة بعدد معين وبعدها عمود او حشو
بارك الله فيك حبيبتهم
وهكي نقصد بالزبط
باهي كيف جي هكي واسع من علي بعظه
اعذروني وخياتي
بكرة باذنه تعالى ارد على كل اسئلتكم
وان شاءالله تسامحوني لاني عارفة انكن متحمسات لكن والله تاعبة شوي
والرد لازم يبي تركيز فاعذروني بكرة انصحصح ونجاوبكم مزبوط لاني خايفة انجاوب اليوم انلخبطكن بدل ما انساعدكن
فياريت تلتمسن ليا العذر الان
السلام عليكم
الصابرة ان شاء الله لا باس عليك
المصراتية
هذا جي واسع هكي لانه اغلب الشغل فيه سلسلة عرزة السلسلة هلي اللي توسع وتخلي المفرش امشبك مش مكدوس علي بعضه
وكيف ماقلت في ردي السابق عرزات المفرش هذا سلسلة وحشو وعمود ومنزلقة يعني اللي انتي توا تعلمتيهن (هذا شغلي يا مصراتية مش صورة من النت )لو تبي تشوفي الباترون نصوره
صبوره خودي راحتك واهم شي سلامتك وان شاءالله لاباس عليك ولا يهمك و حبيبتنا قاعده معانا ماشاءالله
ماشاءالله عليك حبيبتنا والله شكله ماهو صاير مني وصورينا اي حاجه من شغلك وقوليلي كيف تعلمتي بس....
هدا اللي اشتغلته اليوم
يا لوبا كان ابتضحكي هدي فرده شوز هههههههههه
http://up.arabseyes.com/uploads/16_10_1213503876411.jpg
قريب تلبسني اني مش حتي بنتي ههههه
http://up.arabseyes.com/uploads/16_10_1213503876413.jpg
وهدا دروحني بنجرب المفرش
http://up.arabseyes.com/uploads/16_10_1213503876412.jpg
السلام عليكم
يا مصراتية ديريها ليك الكندرة وخلاص تنفعك جايك الصقع توا هههه
الحق شغلك يعتبر كويس لانك كيف بديتي تتعلمي واني زمان تعلمت محسوبك ابلتنا في الاعدادي بتعلمنا عليه وماعلمتناش تمام علمتني مرت عمي شوية حتى هي مش اوي بعدها خشيت عالمجلات وتعلمت من شرح المجلات وبعدها من النت
اني بنقولك اسهل شئ ليك انتي توا في المفارش تشتغلي الشغل اللي اسمه كروشيه فيليه
هذا يعتمد عالسلسلة والعمود بس مع تتبيع الباترون ومن اسهل الباترونات
وتفضلي اسألي اللي تبيه بعد موافقة الصابرة طبعا
وعليكم السلام
اهلين حبوبتنا
عندك الحق هيا كنضره جحا ههههههه تجي علي لوبا
باهي والله حسك فرحتيني باني كويسه كبدايه يعني نقولو ان يصير مني بعدين
هدا الباترون ..... مستحيييييييييييييل نحلم اني نتعلمه كانه ماكينه سبحان الله وماشاءالله ربي يحغظلك ايدياتك يارب
وبارك الله فيك
توا بكرا ابنسال عندي اسذله اكيد ولكن توا الساعه ٣ الا في نص الليل :cool:
خودي راحتك حبيبتهم
غير اني قبل نبي نعلمهن وحدة وحدة
الدائرة والمربع واساس شغلهن بيش يزبطن بعدين كل حاجة لكن بسلامتهن مستعجلات
فعادي حبيبتهم المهم انهن يتعلمن
اه نسيت المصراتية فردة الحذاء هيا ماشي حالها كمبتدأ
لكن ماشاءالله يصير منك
وسلم دياتك حبيبتهم وربي يعطيك الصحة شغل متقن ومرتب
السلام عليكم
عذرا مصراتية والصابرة المفرش الاخير اللي نزلته بالباترون مش شغلي هذي صورة من النت
اني اشتغلت مفرش هكي برسمة تختلف لكن توا ماعنديش الباترون عندي المفرش بس
ويالصابرة عرفت انهن مستعجلات بيش ايديرن حاجة يفرحن بيها واني نقترح عليك بعد مانزلتي الدرس الاول اتنزلي باترون فيه عرز الدرس بس وتوضحي شغله كيف وكيف طريقة قراءة الباترون بيش يحس اللي بيشارك انه دار حاجة
ان شاءالله حبيبتهم
اصلا اني نزلت درس ثاني فيه كيفية قراءة الرموز اللي في الباترون
وبعد يسجلنهن عندهن انخشوا على المربع والدائرة لانهن يعتبرن من الاساسيات كان ماعرفنهنش فكل حاجة بتصبح صعبة عندهن
ومشكورة حبيبتهم على وقفة معاي والمتابعة اول باول
ههههههههههههههههههههه
قوية اللقطة سلمها يارب وسلم هالبنوته الحلوة ربي يحفظها من كل شر
ماشاء الله عليها وطمعوها في الشوز شكله بديره لي بنتها
ماضارش داراته لي روحها ههههه دايرتيه ليك هكي كبر رجلك مش منك من ايكال الكيكات
قداش المقاس اكيد يعطي في 44 ربي يعين الراجل علي تدوير الكنادر
واني نقول عليش توصي في حاجتها من الهند للعرس المقاس مش طبيعي ههههه
البنية اللي لابسه الكندرة هادي تعطيها مني بوسه خفيفة علي خدها وبعدين نتشه في يدها وبعدين بوسه قوية
علي خدها التاني هههههههه فهمتي الدرس والا نعاود
http://up.arabseyes.com/uploads/16_10_1213503876411.jpg
والله كان نلقاها الا مانلبسها وتبقي عندي احلي دكري
اسمعي بنقولك علي حاجة مهمه لما درت كيفك ماهو اني درت فردتين
الاولي فكيتها شينه هيا اللي فيها تعلمت العمدان
انه الغرز عندك مرخيات
يعني الفتحات بينهم كبيرة يعني راخيه ايديك هلبه وتطلعي بالخيط والابرة فوق نشبح فيهم اطوال العمدان قريب ايميلوا
جربي انك ماتكريش هلبه لي فوق وانت اطلعي في الغرزة من العين بالابرة
الاول هكي صارله وبعدين خليته ممسوك ومستف فهمتي عليا والا شنو زعمه ؟؟؟؟
منورة المفرش يهبل كيف درتيه يعطيك السلامة عجبتني تفصيلته تعرفي ينفع انك تحطي عليه
اكوابك علي سفرة الاكل اسمعي
المفرش اللي انت دايرتيه لو اديريه بسلك حبيبتهم يطلع حلو المفارش يبوا اسلاك رقيقة
لقيت منهم لكن المشكلة كلهم كركوبتهم كبيرة هلبه هلبه
منورة هلبه وواااااجد هكي الحماس والا بلالالالاش
صبورة خودي راحتك عارفاتك شارقة هاليومين ربي يعينك
صحيتي حبيبتهم بارك الله فيك زمان وتوه وسامحينا علي تعبك
ااني تعلمت اول خطوات الكروشيه منها ماشاءالله عليها
لوبا هههههههه ضحكتيني عطك الهني
هدا رقمه 33 ههههه يجي علي دب وليدك
وصلن البوسات والنتشه:p تسلمي يا حلو علي احلي بوسه
وشكرا باهي عجبك المفرش خلاص معناها في مني شويت امل والي الامام
صبوره بالعكس رانا قاعدين امتابعين معاك غير البدايه ديما طهقه نبو نديرو حاجه كبيره مش دروحنا شاطرين ونرقو في معناوياتنا بس
حبيبتهم ماشاءالله حتي كان مش انتي امدايرتيه المهم امدايره زيه ربي يحفظلك يدياتك
صبورة ماتبديناش في المربع والدائرة لين تكملي شرح كل الغرز علي خاطر في بنات زي لوتي وغيرها يعرفوا اللي شرحتيه هداوممكن يدخلوامعانا في باقي الغرز وياريت تعطينا بالغرزتين علي خاطر الحقوا علي عالم الكروشيه وبعد الغرز نبوا باترونات بالمربع والدائرة وهكي ممكن بعض البنات يغيروا في غرزتهم بالغرزة الجديدة عليهم من اللي اعطيتيه وحتي احني مانبوش عملنا يقتصر علي العمود والحشوةلاني شفت اوشحة وقبعات نسائية تبي غرزة الفيشارة والعمود الاماميه والخلفية رجاءاوليس امرا ان تكملي كل الغرز قبل وكل يوم اتنين وربي يعطيك الصحة ومافي بالك
ايوه صبوره
حتي اني نقولك كيف كلام لوبا كان تكملينا الغرز احسن وبعدين تعطينا الباقي لان
وشنو يا لوبا غرزه الفيشاره والاماميه والخلفيه اشيه نحسابه هدا حدا اني هههههه العمود والسلسله والمنزله وو وخلاص
معناها كل يوم درسين ويادوب انلحقو
صبوره ان شاءالله مافيش اي ازعاج وانتي اللي تفهمي اكتر