(مساعدة) كيف احمل فيديو من اليوتيوب لي جهازي

بسم الله الرحمن الرحيم
اللهم صل على محمد وعلى آله وصحبه أجمعين

نبي اسهــــــــــــــــــل طريقه حفط فيديو من اليوتيوب لي جهازي ضروري

وشكرا

حبيبة فيه عدة طرق مختلفة بس احسن وحدة وأسهلها

لو تستخدمي متصفح انترنت اكسبلورر 6 او 7 ((لأن 8 ما نجحت معاه الطريقة عندي ))

انك تمشي لهذا المجلد بعد ما تكوني فتحتي الفيديو وتفرجتي عليه حتى تم كله


C:\
Documents and Settings\
اسم جهازك\Local Settings


ثم تفتحي ملفات الانترنت والله بالانجليزي نسيتها بس بالعربي معناها ملفات النت المؤقتة

لكن هي تكون فيها كل ملفات النت الي فتحتيها من صور وفيديوات واي شيء ثاني


اديري كليك يمين ثم ترتيب بحسب الحجم

تجيك ملفات الفيديو هي الاولى تقريباً من ثم تنقليها على سطح المكتب حتى تقدري تفتحيها




ولو تبي الطرق الثانية قوليلي على المتصفح الي تستخدمي فيه حتى نعرف

وممكن لو عندك برنامج الريل بلير النسخة الجديدة تقدري تنزلي بيه

أو ممكن تنزلي برنامج خاص باليوتيوب

مشكوووووور والله يعطيك الف عافيه

انا بستعمل Internet Explorer وGoogle Chrome
برنامج الريل بلير نزلتة وفتحت اليوتيوب مطلعش تحميل ولا شي
ممكن تعطيني طريقه بي شرح الصور كان ممكن
وبارك الله فيك

وخيتي مون حاليا ما فيه صور اصبري على شوي


لكن الطريقة بسيطة وهي انك لما تفتحي اليوتيوب

تحطي الماوس على الفيديو تطلع لك نافذة صغيرة في أعلى اليمين

في الفيديو نفسه تضغطي عليها وتطلع لك تحميل ان شاء الله


ان شاء الله قدرت نوضح لك مبدئياً


لكن لازم نوضح لك أن النسخة لازم تكون مطورة يعني

اديري لها اب ديت لو كانت نسخة قديمة شوي

لا نعرفها الطريقه هادي متع واين توقفي علي الفيديو تطلع دون لود شوفتها عند جارتي لكن اني معنديش بكل نبي نعرف البرنامج كيف انحمله مش تطلعلي الكلمة هادي اعطيني رابط من واين انحمله واول منحمله زي اي برنامج طول انخش علي اليوتيوب يطلع عندي دون لود ولا في خطوات انديره مش تطلع ؟

حبوبة بحثت لك على الطريقة الأسهل ولقيت هذه

لكن للأمانة ما جربتها

[youtube]http://www.youtube.com/watch?v=eL7157i5yHg[/youtube]




وهذه نسخة الريال بلير 11

http://www.jsoftj.com/Software/351/RealPlayer/



واني شخصياً نحمل في النسخة متاع الريل بلير


ان شاء الله يفيدوك يارب

بارك الله فيك جريتهم 2 الطريقة الاولة ساهله

والطريقة التانية حملت البرنامج وفتحت اليوتيوب منه طلعت دون لود علي الفيديو واين فتحته من البرنامج
لكن واين فتحت الفيديو من قوقل مطلعتش دون لود

مشكوووووور والله يعطيك الف الف عافية علي مجهودك

مون انتي تقصدي انه في متصفح انترنت اكسبلورر طلعت كلمة داون لود

وتحمل منها اي فيديو عادي ؟؟؟؟

ومتصفح القوقل كروم بصراحة مش مجرباته عليه وما نعرف لو كان يشتغل عليه او لا

لكن الفايرفوكس جربيته عندي ونزلت بيه فيديوات عادي



وكويس ان الطريقة الأولى نجحت معاك

لا قصدي واين فتحت برنامج الريل بلير القيت فيه مربع البحت اليوتيوب وفتحت منه الفيديوات والقيت عليهم الفيديوات دون لود وحملت منه
لكن من واين خشيت من القوقل مطلعش شي زي قبل فهمتي عليا
خلاص مش مهم يطلع في القوقل المهم توا الطريقه الاوله بسيطة وهادي متع واين نفتح من برنامج الريل بلير

مشكوووووور والله يعطيك الف الف عافيه

ماشاءلله الغالية سارة ماقصرت

مون وخيتي

بالنسبة لبرامج التصفح مش كلها تمشي معاها نفس البرامج

يعني الي تمشي مع انترنت اكسبلورر مش بالضرورة تتماشي مع متصفح قوقل

المهم ان مكلتك انحلت والحمد لله وحملي على كيفك توا



وخيتي حرة مشكورة على كلامك الحلو

بارك الله فيك وجزاك الله كل الخير