[ مشاركة تشجيعية في مسابقة تجهيزاتك المطبخية لشهر رمضان والعيد] مشترياتي لشهر رمضان المبارك من مطبخ أمـ ساره

السلام عليكم ورحمة الله وبركاته


http://www.libyan-kitchen.com/gallery/images/tool.gif



هذه مشتريات جديدة حبيت نوريهالكم وان شاء الله تعجبكم

عارفة بتقولوللي ما تتعبي من الشري وكله زايد

لكن الحق لما نشوف حاجة تعجبني ونعرف اني نستفيد منها

نشريها في رمضان أو غير رمضان لأنها بتقعد

ونلقاها ديمة ان شاء الله


بسم الله نبداً

مجموعة حافظات

الأولى بصراحة عجبتني وبقوة

وكنت بنشريها ولما شافتها عزوزتي خذت منها 10 5 ليها و5 ليا

قالت لي هدية منها وهي حافظة مكعبات الثلج


http://i1159.photobucket.com/albums/.../adawat3-1.gif

سعرها بـ 2,5 والمغطة سيليكون وفيها فتحة زي ما تشوفوا




وهذه حافظة للسوائل شرتها عزوزتي وحسبتني معاها

هي واخذتها للزيت تحطها فيها وخاصة الزيت متاع القلي

واني حطيت فيها العصير بعد ما نفتحه


نحفظها فيها أضمن وأحسن من الباكو

http://i1159.photobucket.com/albums/.../adawat8-1.gif




وهذه حافظة للحبوب والبقوليات شريتها

للكورنفلكس لبناتي عملية

وتسكيرتها كويسة ما تفتح بالساهل بـ1,75


http://i1159.photobucket.com/albums/...e/adawat-1.gif




وهذه 3 حافظات مش بلاستيك نوعية عادية

لكن المغطة سيليكون وتتسكر كويس لحفظ بواقي الطعام

أو السلطات أو الاجبان فيها بـ 3,75



http://i1159.photobucket.com/albums/.../adawat1-1.gif





وهذا صفاي لغسل الخضار والفواكه بـ 2,5

http://i1159.photobucket.com/albums/.../adawat2-1.gif




وهذه سفرة تقطيع الخضار حجم صغير

وملعقة (اسبايتولا) لكريمات والكيك

وكيس تزيين الكيك


http://i1159.photobucket.com/albums/.../adawat4-2.gif



وهذ طواجين 3 مع بعض تقريباً بـ 10 دينار


http://i1159.photobucket.com/albums/.../adawat6-1.gif



وهذا طاجين للتارت أقل ارتفاع من طاجين الكب كيك


http://i1159.photobucket.com/albums/.../adawat7-1.gif



وهذه كوؤس للعصير لقيتها

بـ 5 دينار بعد التخفيض وخذيت منها 6


http://i1159.photobucket.com/albums/.../adawat5-1.gif



ورمضان مبارك على الجميع

وربي يتقبل منا ومنكم يارب

وكل عام وانتم بخير

وكل رمضان وأنتم الى الله أقرب

اتبيديهم بالهناء
سلملك عزوزك تحسب فيك
عجبوني كلهن عمليات

ﻣﺎﺷﺎﺀ ﺍﻟﻠﻪ ﺗﺒﻴﺪﻳﻬﻢ بالهني

وعليكم السلام
ماشاء الله علي المشتريات
عجبتني هلبة حافظة مكعبات الثلج
وشكراً علي التفصيل كل حاجة لي شني والسعر
مشكورة وااااااااجد
تسلمي
جاري التقييم

كلهم حلوات ومهمات ومفيدات
بارك الله في عزوزتك ربي يعطيها الصحة
ومشكورة علي المشاركة الحلوة والتفصيل بمشترياتك
اكتر شي لفت انتباهي وعجبني
طاجين التارت الكامل مانحساب في منه زي الكب كيك في مرة
تم التقييم

ماشاء الله مشتريات حلوه وعمليه
تبيدين بالهنااااااااااء

مبروكات ان شاء الله وانت شن جبتى لعزوزتك..؟ وكل عام وانت بخير

http://i1159.photobucket.com/albums/.../adawat3-1.gif



ماشاااااااء الله أهما روووووووووعة
نبي منهم مادخلنيش قوليلي من وين شريتيهم؟
وحتى شيش العصير روعة وكلها على بعضها مشتريات تهبل
تبيديهم بالهناء وربي يسلم ويحفظ عزوزتك الطيوبة
لك 5 نجووووووووووم

مشاركة حلوة
تبيديهن بالهناء وربي يسلملك عزوزتك يارب
والحافظات عجبوني هلبة
طبعا اني ماعنديش الروح مع حاجة اسمها حافظة

الله يسلمكن ويهنيكن ويبارك فيكن يارب

وربي يتقبل منا ومنكم صالح الاعمال


مشكورات لمروركن الحلو وكلامكن الطيب


بنوتة بالنسبة للمكان في سوق الجمعة صالة اسمها ست البيت تقريباً أو ست العيلة ما نتذكر

نسومة هههههههههههه محلاك انتي والقصقصة متاعك ما نبيش نقول هههههههههه

لوبا لو تروحي حـ تتفاجئي بالحاجات الموجودة اهني

صح مرات الاسعار برا أرخص شوي لكن بجد أغلب الحاجات متوفرة

وبسرعه ما تنزل السوق ربي يرجعك سالمة غانمة يارب


صبورة تعالي نصاحبك حتى اي زيك واحرف منك

لو نصورلك الحافظات الي عندي هذا كاه ومازال ناقصيني ادمااااااااااااااااان حاشاك

ماشاااااااءالله كلهن يهبلن
خيرك احرف مني شكلك ديما وانتي في الماعين الله يبارك
ويحفظلك عزوزتك ان شاءالله
تبيديهن بالهني وكل رمضان وانتي بخير ان شاءالله وتشري وتورينا

ميمي

ههههههههههههههههه الحمد لله مش جارتي كان هذا في حالة اني وياك

ههههههههههههه نبصر عليك لكن بجد نحب نشري كل مرة حاجة خير من ناخذ كل شيء مرة وحدة

مشكورة لمرورك الحلو زيك ولدعواتك الطيبة يا طيبة

ربي يهنينا ويهنيك ويهني كل الليبين والليبيات يااااااااااااااارب