[مسابقة أفضل طبق مكرونة]مكرونة مبكبكة من مطبخ أم يمنى

السلام عليكم :


http://www.libyan-kitchen.com/gallery/images/pyppyp.gif

هذا قلت ماخشش حد من الحلوات وطيب مكيرينة كل الليبيين يحبوها فى الزرادى ’ وأخف وأسهل أكلة وأول أكلة نتعلموها .
علاش , علاش ماطيبتوش مكرونة مبكبكة وخشيتوا بيها المسابقة .:mad::confused:
شمرت على ايديا ودرت صونيتين , وحدة سباقيتى والثانية حلزونة ,:mad::mad:

المقادير:
زيت
بصلة
طماطم معجون
طماطم أخضر
لحم
ملح
فلفل
بزار
مية
الطريقة:
حطى الزيت فى الطنجرة , وقرضى بصلة خليها شوية بعدين حطى اللحم حتى يولى لونه أبيض



http://www.libyan-kitchen.com/gallery/images/1ltl.jpg


ضيفى الطماطم والملح والبزار وشوية مية وخليه يغلى .


http://www.libyan-kitchen.com/gallery/images/2vpv.jpg


ضيفى المية وخليها ع نار متوسطة .



بعد نص ساعة أرجعى حطى مكرونتك وهدى النار ع الاخر .

http://www.libyan-kitchen.com/gallery/images/5jvj.jpg



http://www.libyan-kitchen.com/gallery/images/4nln.jpg

بعد ربع ساعة تكون طابت , قبل طيابها بشوية حطى قرنين فلفل حار وشوية حبق.



http://www.libyan-kitchen.com/gallery/images/6yey.jpg


توا شن فيها من صعوبة , حطيها فى صونية وقدميها .


http://www.libyan-kitchen.com/gallery/images/8tyt.jpg



http://www.libyan-kitchen.com/gallery/images/62nsn.jpg




http://www.libyan-kitchen.com/gallery/images/9mvm.jpg



هذه الطريقة علمتها جاراتى اماراتيات وعجبتهم , كانت طريقتهم ,
يطيبوا فى الصلصة بروحها ويسلقوا المكرونة بروحها , وبعدين يخلطوهم
مع بعض , ولما جربوا طريقتى عجبتهم , واعتمدوها .
وهكى طابت المكرونة , علاش مادرتوهاش .
أهى صوينية خاشة تداعك وتنافس وان شاء الله تفوز .:cool:


http://www.libyan-kitchen.com/gallery/images/9cfc.jpg

http://www.libyan-kitchen.com/gallery/images/8bpb.gif

ماشاء الله

رووووعة

تسلم الايااادي يالغلا

هههههههههههههه ضحكتيني ياام يمون على التفنيصة ههههههههههههههههه احنى الليبيات وين مانمشو لازم المبكبكة فجرتنا ههههههههههههههههههه ان شاء الله تفوز في المسابقة ياغالية واحلى مبكبكات من يدياتك حبيبة

اشيه ماشاء الله على البكبوكي الفايحة
تسلم الايادي
مشاركة مميزة
موفقة حبيبة

ممممممممممممممممم

جت في وقتها


يعطيك الصحة والله يسلم ايديك

اممممممممم والله ماعندكم ماتقولو على البكبوكى
وخاصه فى الشتاء تهبل
سلم دياتك

تعرفي تنوعت طرق المكرونة واشكالها

تضل البكبوكي هي معشوقتي ولما بالدات تكون سباجيتي

وتكون على لحيمات حولي وفيها قرينات هداك الفلفل الحاااااااااااااااااار

يسلمو ام يمون

وين بنهربو من المبكبكة لما نحير في الوجبة نريح روحي ونمشيلها طوالي

احلى وافضل وجبة للشعب الليبي بصراحة ما شاء الله وخاصة الاولى

وتسلم ايديك وصحتين لكل من داقها

تسلم ايدياتك أم يمنى

بكبوكي تهبل من ايدياتك

وأنا نموت فيها البكبوكي ولا يعلى عليها

صديقتك في السراء والضراء في الزرادي نمشولها نجروا

وقت الاستعجال وقت الشتاء نبوا حاجة سخونة

ومرات عشى وغيرهم غيرهم

فعلا البكوبكي احسن واسهل طبق ليبي ولا مكرونة تعلى عليها

أحلى تقييم لأحلى أم يمنى واحلى بكبوكي

ماشاء الله أم يمنى بكبوكي مقومة

وخاصة في الشتاء مش عادية

سلم ايدياتك حبوبة ومشاركة مميزة

وأحلى تقيييييم للموضوع السخون واللذيذ

يسلمو ايديك

ياسلام الصديقه الصدوقه سيدة المطبخ الليبي المتواضعه
المكرونه المبكبكه
يسلموا ايدياتك مكرونه اتجي في الخاطر وخاصه السباقيتي
ان شاء الله موفقه اختي

يسلمووووووووو أم يمنى مكرونه تجي في الخاطر

يسلموا ايدياتك مكرينة تسهف شكلها صحتين علي قلوبكم وموفقة ان شاءالله

ياسلمها شمارة ههههههههههههههه
ياعيطك الهنى ياربي
تسلم إيداتك ياربي مكرونة حلوة وقنينة
منورة ياحلووووووووووووو

ماشاء الله غالية
احلى بكبوكي تنوعت الاكلات و تشكلت تبقى اروع من بينهن
خاصة وخيتك نسيبة تحبها بالقديد وولا بالعصبان اليابس و الصنة الفايح
هي الافضل بدون منازع
سلمها يا ربي

تسلم الايادي

ياعيني على البكبوكي سلم دياتك فهي فعلا صاحبتنا اللي مالك عليها غنى