[ باكورة هندية ] من مطبخ أم يمنى

http://www.libyan-kitchen.com/galler...2011092400.jpg

هذه سفيرة رمضانية , زى ما طلبوا العويلة , اليوم بعد مافطروا فى الصبح قالو : مانبوش غذى نبو نفطروا معاك (كنت صايمة ) طيبت مكرونة بالبصلة , وفاقون الشربة , وباكورة هندية , وسلاطة , وقلاية (شوية ).وسلامتكم:o

وبالنسبة للباكورة الهندية كليتها فى عزومة عند جارتى الاماراتية فى شهر رمضان , وطريقتها :
كوب دقيق , كوب طحين حمص , 2 بصل مقطع شرائح ومذبل شوية فى زبدة أو زيت , قرن فلفل حار مقطع شرائح , ربع كوب كزبرة مفرومة , ملعقة صغيرة بيكنج باودر , ملعقة صغيرة كركم , ربع ملعقة صغيرة كمون , شوية ملح , ثلث كوب ماء ,
تخلط كل المقادير وتجيك رطبة زى اللقيمات , تأخذى بالملعقة وتنزليها فى زيت سخون ,ولما تتحمر طلعيها , جربوها مش عادية , ملاحظة ( يفضل قليها فى وعاء عميق وليس فى الطاوة ) .وبالهنا والشفاء

هيا عاد نبى تشجيع قوى , انشطوا , نبى نشوف ردكم كلكم ,

ماشاء الله لا قوة الا بالله

سفيرة تجي في الخاطر والله تبي تقعميزة باهية

بالهني والعافية

وربي يسلم ايدياتك الحلوة يارب

مشاء الله
سفيرة تفتح النفس حقا
صيامك مقبول انشاء الله

ماشاء الله صفرة اتهيبلر

وان اشاء الله تفطريه في جنه يا رب

بس نزلينا طريقة الباكورة الهندية نتعرفو عليها هههههه

تسلم يدك
وصحيحتين عالمكرونة نموت فيها

تقبل الله صيامكم
سلم ادياتك اخية سفرة مرتبة و فطور شهي صحتيننننننننننننننننننننننننننن

ياعيني ياعيني علي المكيرينة الي بالبصيلة تسلم ايدياتك ماشاء الله صنة البصلة بالقربة واصلة لهني

تسلم هاليديات وصحة فطورك ان شاء الله

ماشالله سلم ايدياتك صفرة مرتبة وزي ماقالت الاخت سحابة صيف نبو نعرفوها الباكورة الهندية

صيامك في الجنة ماشاء الله سفرية تجي في الخاطر يسلموا

صحة صحة ان شاء الله بالهناء

والله الصورة ماشاء الله تتكلم ومكرونة البصلة صنتها فايحة

صحة صحة أوخيتى ام يمنى ا سفيرة تهبل الباين

عليها بنة وصنة ويعطيك ألف عافية حبيبتى

شكلها مكرونة فاااااااااااايحة يسلموا ايدياتك وصحتين ليكم وصيام مقبول

صحتين صيامك فى الجنة يسلمو الايادى

صيامك فى الجنة أيمنى سفيرة مقومة تسلم أيدياتك

صفرة حلوة
وصحة فطورك

مشكورات هلبة هلبة , وتفضلوا فى أى وقت .

مشاء الله سفره اتهبللللل صياما مقبولا

غاليتي العزيزة
ياريت تكتبي طريقة الباكورة في نفس الموضوع وليس كتعليق هذه قوانين المنتدى كي يتسنى للجميع الاستمتاع باكلاتك

غاليتي وياريت تكملي باقي الوصفات او تكتبي الموضوع بااسم الباكورة الهندية

وتسلم ايدك على الوصفة ياغالية

حاضر , حاضر , ياالساجدة لله . باذن الله , ح نزل طريقة عمل الباكورة ونصورها , انى ماكنتش نحساب حد بيسألنى عليها , لكن ان شاء الله الايام الجاية , نديرها ونصورها ونعرضهالكم .

ماشاءالله يسلمو ايدياتك

ماشاء الله أم يمنى
تسلم إيدياتك ياربي
وصفرة يم يم بس لو صورتينا الباكورة قريبة بس
هي فهمتها بتكون زي العجة صح ؟
المهم مشكورة أم يمنى النشيطة

ماشاء الله
سفيرة دايمة وان شاء الله صيامك فى الجنة
وسلم الله ادياتك يا حبيبة

ماشاء الله تبارك الرحمن

بجد بجد روووووووووعه

تسلم الايااادي يالغلا

سلم ايديك ماشاء الله

بس وينها الباكورة مش باينة علينا

ياريت حطيتيلها صورة بروحها

ربي يتقبل صيامك وصحتين على قلوبكم

ربي يتقبل ياعسوله وصحيحه وهني

يسلموا ايدياتك
صفرة تشهى
بوركتى

سلمت يداك

مشاء الله سلم ايديك