[مشاركة في مسابقة تجهيزاتك المطبخية لشهر رمضان والعيد] طريقة تحضير وتفريز رشدة الكسكاس من مطبخ لوتي

http://www.libyan-kitchen.com/gallery/images/2wnw.gif

السلام عليكم ورحمة الله وبركاته

كل عام وإنتن بخير

اليوم بنقدملكن طريقة رشدة الكساس وتفريزها مش بس لشهر رمضان حتى في الأيام العادية إختصار للوقت

المقادير

8 بيضات - كوب شاي ماء زهر - حوالي 2ونصف كوب ماء تقريبا - ملح - دقيق

http://i1163.photobucket.com/albums/...psda235681.jpg

الطريقة
نخلط المقادير مع بعض ثم نضيف الدقيق ونعجن حتى تتكون لدينا عجينة متماسكة

http://i1163.photobucket.com/albums/...psa3fc4b08.jpg

تقرص العجينة أقراص ويفرد كل قرص بماكينة الرشدة بمساعدة الدقيق من الرقم واحد حتى أخر رقم حسب الرغبة في سمك العجينة
ثم تمرر في الجهة التي تصنع الخيوط الرقيقة في الماكينة بمساعدة الدقيق للحصول على شرائح رقيقة
تنخل (تغربل) العجينة قبل وضعها في الكسكاس للتخلص من الدقيق الفائض حتى لا تتعجن الرشدة
توضع في كسكاس به ماء يغلي مع مراعاة رشها بكمية من الزيت النباتي قبل أن نضع عليها كمية أخرى( يعني لما تحطي دفعة وتخليها علي النار مابين جهزتي الدفعة التانية رشي بينهم زيت قبل منا تحطي التانية علي الأولى)

http://i1163.photobucket.com/albums/...ps031f7539.jpg

وتترك حتى تنضج

http://i1163.photobucket.com/albums/...psd6d1cece.jpg
تبرد وتقسم على أكياس بلاستيك وتوضع في الفريز

http://i1163.photobucket.com/albums/...ps5af0d53c.jpg

عند الإستخدام تخرج من الفريز وتوضع في الكساس وتحتها الطبيخة حتى تفك وتسقى وتقدم







http://www.libyan-kitchen.com/gallery/images/400aqa.gif

الله لوتي عالطريقة

اول مرة نعرف ان الرشدة يديرولها بيض

وبعدين نحن لما نبوخوها نحطوا بالكمية الصغيرة وشي ونحوها ونحطوا غيرها

لكن طريقتك جديدة

بارك الله فيك على المشاركة المميزة

وبالهني عليكم وربي يتقبل منا ومنكم

تستاهلي كل النجوم

تسلمي أم سارة
البيض بيش إتجي مش معجنة يعني محببة
شكرا علي ردك والنجيمات

ماشاءالله يعطيك الصحه
وحتي اني اول مره نسمع بالبيض لكن حنجربها مره تانيه
بارك الله فيك علي المشاركه الرائعه
ولكي تقيمي

حتى ان انديرلها في البيض لكن بيضه وحده تكفي وما أندير لهاش في ملح العجينة بيش ما تيبسش واتجيني طويله ومش امكسره ولا امعجنه

سلم ايدياتك. وان شاء الله بالصحه والعافيه

ماشاء الله عليك
وربي يعطيك الصحة
حتى اني اندير فيها هكي
قيمت قبل الرد تستاهلي

ماشاااااااااء الله رشدة تشهههههي
وحتى أنا أول مرة نسمع يديرولها بيض جاري تطبيقها
وفكرة تفريزها اختصار الوقت رووووووعة
تسلم يديك وصحتين عليكم
لك مني 5 نجوووووووم

بارك الله فيك عمل ومجهود ومشاركة مميزة
ربي يحفظك ويخليك
تم التقييم

مشاركه قيمه
تسلمى لوتى

يعطيك الصحة على الوصفة الحلوة
والشرح الوافي .. والتصوير الرائع
حتى انا نديرلها بيضة وحدة بس
وانا عندي بالبيض احلى من اللي بالدقيق بس
يسلموا ايديك .. ولك احلى تقييم

تبارك الرحمن عليك رشيدة خفيفة تأخد العقل.
والزهر كل ما تكتري منه في العجن لما تبوخي ريحته تأخد العقل وتبنن في العجينة أكتر.
يسلموا ايدياتك وإن شاء الله ربي ينورك بنور الايمان والقرآن.

تسلم الايادي

ماشاء الله ربى يسلم ايديك وكل عام وانتم الى الله اقرب

بارك الله فيكن علي ردودكن ودعواتكن الطيبة