عرض للطباعة
السلام عليكم ورحمة الله وبركاته
تشيتوس للاطفال
http://www.laro7ak.com/userfiles/s1j8jo.jpg
المقادير
كوب دقيق
ماء للعجن
زيت للتحمير
ملعقة صغيرة ملح
كمون
زعتر جاف
التحضير:
نمزج الدقيق بالملح والكمون والزعتر ونعجنة بالماء عجينة يابسة نوعا ما
نترك العجين يرتاح 10 دقائق ثم تفرد بالنشابة نصف /سم تقريبا ونقطع مثلثات ومربعات وحروف ونقليها بالزيت حتى تقرمش ويصير اللون ذهبى ونضعها على ورق مكرمش حتى نتخلص من الزيت ونقدمها لاطفالنا .
على فكرة اختى صغارها ماعندهمش الروح مع البطاطا متاع المحلات وهى ماتحبش تشريهالهم لانه تخاف عليهم هلبه وخاصة انه مش صحية فحبت اتجرب الطريقة هادى ولما جربتها طلعت معاها حلوة وصغارها عجبتهم والحمد الله توة افتكو من متاع المحلات وياكلو فى هاذى بس
انى الاولى لما نمشى لحوش اختى نقوللها ديريهالنا :d
غريبة الفكرة
انجربها وانقولك شن راى
صحيتى
والله فكره
انا ما نحبه بكل ولا نشرى فيه بس راجلى وبناتى يحبو واجد ونخاف عليهم
ممكن نجربه
الصراحه فكرة حلوة
حتى انا انخاف على صغارى منها
الله يجزيك خير حبيبتى
http://iraq-4ever.com/upload/1301135803-bda84.gif
ودى ومحبتى
بارك الله فيك وصفة منقولة مميزة
يلا جربوها وقولولى كيف كانت معاكم وان شاء الله تعجبكم
بارك الله فيك
السلام عليكم
بارك الله فيك يا اخت سنيورة لو ممكن اتصوريهالنا المرة الجاية
انشالله انجربوها
نقل راائع
بارك الله فيك حبيبة
صحيتي حبوبة تسلم الايادي
نقل رااااااااااااااائع يسلمو
سنيورة
اول ماشفت الموضوع ورديت عليه
على طول للمطبخ
وجربته
طهمه حلوة لكن اول مجموعة قليتها
بكت في وجهي الزيت قريب انحرقت
وحتى بعد طفيت عليها قعدت تطربق
هههههههههه
قوليلي الحمدلله عالسلامة هههههه
اختك كيف دارتها