[ مشاركة في مسابقة التطبيقات لمواضيع المنتدي ] تطبيق عجينة البازين لمغتربة 7 من مطبخ لوبا

http://www.libyan-kitchen.com/galler.../goodmapwp.gif




السلام عليكم ورحمة الله


هدا تطبيقي التاني لبازين مغتربه 7

وجاني ارووووع بهلبه من الاول واعتمدته دائما وابدا واني اللي عصدته وملسته


حبيت نشارككم بيها بيش نخبركم عن الفرق مع الاول


التطبيق الاول اللي جاني قاسي شوية اني خليته علي النار اكتر من 30 دقيقة

والمفروض يبقي 30 دقيقة مايفوتهمش بيش تحصلي علي عجينة ساهله ومتوسطة الليونه لاهي يابسة ولا هي رطبة


وبارك الله فيك صديقة مغتربه 7 علي اخبارها لي هيا ومغتربه عن السبب


وهو التوقيت كلما حبيتيه يكون اقسي تخليه اكتر من 30 دقيقة يركرك علي النار

فشكرا جزيلا وبارك الله فيكم مغتربة 7 وصديقتها المسلاتية ربي يجزيكم الجنة




هنا رابط الوضوع الاصلي


هذي صور تطبيقي

http://im34.gulfup.com/71S8i.jpg


http://im34.gulfup.com/snsi6.jpg



http://im34.gulfup.com/bDNKD.jpg


http://im34.gulfup.com/jqtK5.jpg

ما شاء الله تطبيق متقن

منو يعصدلك ويملسلك قبل فرحانه كاينك اول مرة اديريها

الطريقه هذه ورتهلي عزوزي تقريبا قتلي بازين معجون اسمه
درناه مرة بدقيق شعير مخضور


لوبا شنو نوع الدقيق المستخدم

موفقه

اقتباس:

---

المشاركة الأصلية كتبت بواسطة أم خديجه

ما شاء الله تطبيق متقن

منو يعصدلك ويملسلك قبل فرحانه كاينك اول مرة اديريها

الطريقه هذه ورتهلي عزوزي تقريبا قتلي بازين معجون اسمه
درناه مرة بدقيق شعير مخضور


لوبا شنو نوع الدقيق المستخدم

موفقه

---

اهلين ام خديجة نورتي الموضوع .... لالا ماتفهمونيش غلط مش اول مرة نعصد ;)

نعصد بروحي ونملس في البازين التاني اللي بالدقيق طول في المية

وهذا اول مرة نشوفة او نسمع بيه وعجبني واااجد:rolleyes: واللي يعصدلي ...:cool: اخخخخخ

وكدلك في وقت الازمات والزنقات هو من يعصد ربي يحفظه ويسلمه :)

واني المرة الاولي خليته هلبه في الوقت :confused: فجاني قاسي

دقيقي المستخدم روبن هود او من الديمينون

كيس لونه اصفر مكتوب عليه whole wheat

ونغربل فيه هلبه النخاله اللي فيه لو نخليها كلها يجيني يابس هلبه ويبي هلبه هلبه ميه

فنغربل فيه بس مش هلبه انقص منها شوية النخاله


وسوالي ليك شن معناها دقيق مخضور

ربي يسلمك ليه ويسلمه ليك

حبيبتي حتي انا ما نعرفاش زين بس الي قدرة نعرفه انه شعير يطحنوا فيه وهو اخضر قبل ما يجف ومن هنا سموه مخضور

سلم إيديك لوبا....طالع معاك ميه الميه,صحتين وعافيه,سلم مغتربه وصاحبتها على الطريقه.

السلام عليكم
ما شاء الله علي التطبيق الثاني لبازين
الله يعطيك الصحة وإديريه دائماً بطريقتين
بالعافية عليكم
تطبيق الأول والثاني روعه
تسلمي على توضيح المدة
منورة
جاري التقييم

http://up.arabseyes.com/do.php?imgf=...3591277665.jpg




يسلم اديكي انا نموت في بازين بس مانعرفش نديره
عندي صعوب في تعلمها بس شكلها روعه ربي يحفضك

ماشاءالله تبارك الرحمن
بازين يجي في الخاطر
سلم دياتك وديات مغتربة
بازين روعة سهفتيني فيه
لك تقييمي

ماشاااااااااااااء الله
الله يسلم دياتك وديات مغتربه
وصحتين والف عافيه

ماشااااااااء الله تطبيق رااااااائع
تسلم يديك وبارك الله في مغتربة 7 وصديقتها
لك تقييمي و 5 نجووووووم

تسلموا علي المرور و تواجدكم الرااائع في الموضوع

بارك الله فيكن وربي يعطيكن راحة البال

محلاه البازين منظره إيشهي
تسلم إيدياتك وإيديات مغتربة
حتى إحني هذي الطريقة اللي إنديرو فيها أكثر من المعصد ميزته إنك تقدري تعجنيه بعد إيطيب إيجيك ناعم
دقيق مخضور هو دقيق الشعير الأخضر قبل ما يولي أصفر وايطيب يصنعو منه حتى زميته مخضور حلوة بنتها
تم التقيييم