[ مشاركة تشجيعية في مسابقة لا شرقية ولا غربية لركن المعجنات الليبية ] السفنز من مطبخ أمـ ساره

السلام عليكم ورحمة الله وبركاته


حبيت نقدم لكم طريقتي في السفنز الليبي وما ادراك ما السفنز

زمان أمي ربي يحفظها كانت ادير فيه في الاعياد

وكنت نسهر معاها ونتفرج عليها واني صغيرة

ربي يحفظها كانت ما ترقد ليلة العيد وهي تجهز في كل اللازم

والله ايامات حلوة وكانت ليها طعم ولا أروع


هذه الطريقة طبعاً وأغلب الليبيات فالحات فيه ماشاء الله

حاولت نكيل المقادير بالتقريب


المقادير

كيلو دقيق

ملعقة ونصف كبيرة خميرة

ملعقة كبيرة سكر

ملعقة صغيرة ملح ( أو حسب الرغبة )

ملعقة كركم ( هذه اضافتي )

مرة قابلت وحدة نصحتني باذافة البزار للعجين حتى يقعد رطب ويتحمل لثاني يوم

واني من حبي للبزار ما ترددت وجربته


ماء دافيء للعجن ( حوالي كوبين ) أو حسب نوع الدقيق



http://www.libyan-kitchen.com/galler...es/mosabka.gif



الطريقة

نضع الخميرة والسكر في نصف كوب ماء دافيء

ونجهز الدقيق ونخلط معاه الملح والبزار ( الكركم )

بعد ما تتفاعل الخميرة وتفيض في الكوب نضيفها للدقيق

ونعجن مع اضافة الماء حتى نتحصل على عجينة رطبة وتلصق باليد

نغطيها بكيس بلاستيك ونتركها تتخمر في مكان دافيء حوالي نصف ساعة

أو أكثر حسب درجة حرارة المكان




http://www.libyan-kitchen.com/galler...s/mosabka1.gif




نقوم بتقسيم العجينة لكور متوسطة الحجم أو حسب الرغبة

اني نحبها تكون صغيرة شوي حتى نتحكم فيها

ونضعها في سفرة مدهونة بالزيت وخليك كريمة في الزيت

وتترك لترتاح شوي


http://www.libyan-kitchen.com/galler...s/mosabka2.gif


نجهز طاجين أو طاوة غارقة ونضعها على النار بعد ما نصب فيها زيت

وطبعا الزيت يكون غزير وسخون حتى نقلي فيه السفنز

وبعد ما يسخن الزيت كويس

ثم نقوم بفرد كل كرة لوحدها في صينية أو سفرة مدهونة بالزيت


( شوفوا شكلها صفراء اتقول مكشخة عليها هههههههههههه )


http://www.libyan-kitchen.com/galler...s/mosabka3.gif


ونقلي كل وحدة بروحها ولازم يكون الزيت سخون والنار عالية


http://www.libyan-kitchen.com/galler...s/mosabka4.gif


ولازم تراقبيها وتقعدي تصبي الزيت على الوجه الي من فوق بالملعقة

زمان ادير فيها امي وديما نتسأل نقول علاش

لكن هذه خطوة مهمة في السفنز حتى تكون النتيجة مرضية

واول ما تتحمر من تحت نقلبها ونخليها شوي ونرفعها من النار


http://www.libyan-kitchen.com/galler...s/mosabka5.gif


ونضعها في صحن مغطي جزئياً بكيس نايلون حتى ما تجف

وهكذا حتى تكتمل الكمية كلها


وتمتعوا بسفنز سخون وحلو وخاصة عالصبح


http://www.libyan-kitchen.com/galler...s/mosabka6.gif


http://www.libyan-kitchen.com/galler...s/mosabka7.gif


http://www.libyan-kitchen.com/galler...s/mosabka8.gif




طبعاً طريقة أكلها منوعه

أما ياكل لوحده مع الشاهي بالنعناع

أو يوزع فوقه العسل أو مربى أو مع الجبن يا سلااااااااااااااااام


وهذه طريقتي ( الطرابلسية ) فيه الي نعرفها من زمان


وبالهني والعافية على قلوبكم

ام ساره يسلموا ايديك تبي الحق الموضوع ما قريتاش بس عارفه انا حلو مادامه منك ومستعجله نبي انرد اول وحده وناخد السفنز كانه فيه لاول واحد ايرد
موفقه ام ساره وما شاء الله عليك ناشطه تبارك الله

هذه وين فتحت اعيوني وشفت الموضوع ما شاء الله سفنزات علي قولتك ينفع فطير

وربي يحفظلك اميمتك ويعطيها الصحه وفعلا السفنز كل اليبين يعرفوه وعن قريب ان شاء الله انشارك بيه بطريقه الزمنيه الجنوبيه علي قولتكم لانه الطريقه القديمه فيها اختلاف بسيط لاكن جوهري في الطعم والشكل وربي يقدرني ونشارك بيه في المسابقه

اوووووه ام سريوة ياسمحة تسلم الايادي ياغالية وسفنزات مميزات لي عودة من جديد لتفصيص الموضوع هههههههههه

هههههههههههه تعرفي علاش ضحكت لما شفته سفهني وخطر علي بالي في ها الصقع والجو الممطر عندنا
قالتلي بتي ما نشبعوش الا لما فيه موضوع جديد
فقلتلها اللي يسمع ايقول امك بايرة واني اليوم بطوله في المطبخ سلامتهم

عموما تسلم ايدياتك ما شاء الله وحلوة منك فكرة الكركم

وان شاء الله موفقة في المسابقة

يسلم ايدياتك ام اسراء ما شاء الله يعطيك الصحة سفنزات حلوات منورة

الله الله على السفنزات السخينات يعطيك الصحة والهني ماشاء الله الله يسلم ايديك الحلوة

الله الله يسلموو ايدياتك

ماشاء الله عليك ام سويرة
سفنز سخون فى ها الصقع يقيم القلب
فكرة البزار جديدة عليا شفتها فى موضوع منونة وموضوعك ان شاء الله انجربها
تسلم الايادي حبيبة

تسلم الأيادي يا عسللللللللللللللللللللللللللللللل

الله الله سفنزات اسهفو ماشاء الله الحق روعه

روح حبوبة يعطيك الهني والله ضحكتيني

صار فتحتي عيونك وشفتي الموضوع

ادللي وخيتي اندير لك سفنز ليك بروحك

مشكورة على مرورك الحلو زيك

سجودة حبيبة

ربي يبارك فيك على مرورك وردك الحلو زيك وخيتي

مدي ايديك اتفضلي وسمي بسم الله

ههههههههههههههههههههههههههه

ضحكتيني يا أم تغريد وربي يحفظ لك بنيتك وصغارك كلهم

وحاشاك من البيارة ووكان انتي بايرة امالا اني شنو ؟؟؟


مشكورة حبوبة على المرور الحلو زيك

تسلم هل اليدين ياااااااااااربي
وربي يحفظلك إميمتك يااااااااااااربي
منورة أختي على الموضوع الرائع
موفقة

ماشاء الله ربي يبارك

أسفنزات يهبلوا تسلمي أوخيتي

أم هداية

النور نورك وخيتي شرفتيني في موضوعي


ليبية

الله يسلمك حبوبة على مرورك الحلو زيك


أم عموري

الله يسلمك وخيتي ومشكورة عالمرور

ياسلام سفينزات سخينات مع طويسة شاهي
روعة ام سارة يا ربي حط ايدياتك في الجنة

مشاءالله عليك يسلمو ايديك

تسلم يديك
احلى حاجة فطور يوم الجمعة

يا سلام يا سلامين

سهفتيني يا ام سرورة وجاني خاطري في سفنز

يسلم ايديك يارب

تسلم الايادي بارك الله فيك ولك تقييمي :o

http://files2.fatakat.com/2011/8/13125428681118.gif

ربي يحفظ اميمتك وفعلا الطعام فى بيت الاهل له طعم ثانى

واسفنزات يهبلوا

ماشاء الله ... يسلموا ايديك ديمه فالحة

ماشاءالله روووعه وطريقه البزار جديده عليا ان شاءالله نجرها
يعطيك الصحه وربي يحفظلك اميمتك ويطول في عمرها يارب
لكي تقيمي

يديرلوله في التمر تقريبا يعجنو فيه معه

ما شاء الله عليك
تسلم ايديك

ماشاء الله يعطيك الصحه تسلم ايدك