[دردشة مطبخية ] يومياتك يا ليبية في الكوجينة

السلام عليكم ورحمة الله وبركاته


عضواتنا الحلوات الغاليات

صحة شريبتكم

وربي يتقبل صيامكن وقيامكن يارب

http://i1159.photobucket.com/albums/...e/6FA11310.jpg

http://t0.gstatic.com/images?q=tbn:A...Z_9FvUM9rw&t=1

هنا

موضوع خاص بالدردشة والفضفضة بعد تعب المطبخ وحوسته

كل وحدة تخش تقولنا على يومها شنو دارت وشنو مفكرة بدير

وكيف تقسم في يومها ووين تفطر ومع منو ؟؟؟ يعني قصقصة من الأخير

وبعد المغرب تنظف حوستها طول او تشرب قهوتها وترتاح شوي ))))) زي حالاتي

http://i1159.photobucket.com/albums/...1324301054.jpg

http://i1159.photobucket.com/albums/...3422851263.jpg
وربي يقويكم ويقوينا ويتمم رمضان علينا بالخير والهني


هي خشوا ووسعوا خاطركم في أي وقت نهار ليل زي بعضه

الي تفضى شوي تجي اطل علينا راكم تنسوا


واني رح نرجعلكم بعدين اليوم النت حالة مقطوع طول النهار

سليمتكم توا

ام سارة رايفت عليك احبيبة
كيف حالك وحال بنوتاتك وكل سنة وانتى طيبة
نا اليوم فطرت عند اعربي بكرة ان شاء الله نحكيلك بالتفصيل قوليلي شن تبي اديري فطور بكرة عشان نقل منك:p

وينكم يلا بلا ش كسل شاركنا

مرحبتين بالغالية أم ساره وعبد العزيز

بارك الله فيك وخيتي ويهنيك ويعطيك ما تتمني

تقبل الله صيامك وقيامك أختي


بالنسبة لي غدوة عندي عزومة لو ربي كتب

وقاعدة نفكر شنو بندير حايرة

الأكيدة ان شاء الله الشربة والبيتزا والبوريك هذا ضروري

ونفكر في المحاشي لو ربي كتب

والباقي يصير خير في النوم نفكر فيه


ولو لحقت انصور ان شاء الله

وانتي شنو مفكرة وشنو درت اليوم وصورتي او مازال ؟؟

ايه معاك حق اليوم كلهم مش موجودات مش عارفة وين هاربات

حتى احني صايمات راهو

تعالي انتي وياها وياها خير لكم




بالنسبة لي لو فصلت معنها النت دراها فيا

اغلب النهار ما عنديش

اااه رجليا ورجليا ورجليا

يقول اول مرة نوقف في المطبخ

المهم اليوم فطوري كان فروبي + شربة عربية + شربة شوفان + طاجين جبن بالبطاطا امي بعتتهولي + سلاطة باذنجان تركية + سلطة باذنجان جديدة رح انزلها ساهلة وبسيطة ومتاخدش وقت بكل + سلاطة عربية + بوريك بف بستري بالسبانخ + بيتزا وخبيزة ملفوفة +بوريك بالمفروم عادي + بوريك بالبطاطا + حجيبات بالجلاش واحجيبات بالبف بستري+ رز مخلط ضروري يوميا ندير رز فااستفتحت بالرز المخلط + السحور كان كاسترد بالموز من امبارح باقي عندي + جيلو فرواولة وموز

هذا انا كان فطوري هكي , طبعا عزوزتي الله يحفظها لازم اول يوم تلم كناينها ونفطورو مع بعض وهي تفطر مع ولادها في سفرة الرجالة

اول يوم كان يهبل يهبل بس متعب متعب

يالله باانتظار فطوركم ياسمحات

ربى يساعدك ويتم العزومة على خير انا اليوم فاطرة برة وبكرة ان شاءالله نحكيلك
والله يا ام سارة انشوف فى المنتديات ماشالله ماينفتح الموضوع نين يوصلوا لصفحة مية ونحن نقعدوا في الصفحة الاول سنة

الساجدة ماشاء الله ان شاء الله ديمة ملمومين ونبى منك طريقة سلاطة الباذنجان

انا درت 2 بالباذنجان اي وحدة وحدة مدايرتها من قبل في الركن عندي تو نعطيك الرابط

[ مشاركة في مهرجان الصيف ] سلطـةالباذنجان من مطبخ الساجدة لله

اما السلاطة الجديدة مبتكرة مني عجبت العيلة

وهي باذنجانات مشويات ومقشرات واطحنيهم بالمووس + فص توم + لبن رايب مقدار بالعين يعني لعند ماتحسي ان السلاطة تكونت عندك

واندمجت + 1 ملعقة مايونيز لايت + ملح + رشة كسبر مرحي وعند التقديم ديري على الوجه شوية زيت زيتون وحتى في الخليط زيت زيتون

وتقدم راهي قنينة رح انزلها في موضوع بروحها في الركن عندي

السلام عليكم وصحتين شربتكم
ماشاء الله على الناشطات والفالحات

اني اليوم زوجي مش فاطر معنا مسافر غدوة يروح ان شاء الله
درت فطوري اني وصغاري

شربة وبيتزا وسمبوسك وبطاطا مبطنة

وغدوة مازال مافكرت حتى بالكذب شن حا اندير

أم ساره وعبد العزيز اصبري وان شاء الله تلقي هلبة مشاركات

قاعدين الجماعة ينضموا في وقتهم شورهم

ان شاء الله نشوفوا هلبه مشاركات


ماشاء الله ساجدة عزومة كبيرة صحة على قلوبكم

وحلوة لمة العيلة في رمضان والزحمة والدوشة

السلام عليكم
اني ديمة نمشي نفطر في حوش العيلة اهل راجلي
ومانفطرش في حوشي الا لما يكون عندي ضيوف
لكن ديمة اندير في حاجات نرفع فيهن معاي
ودرت فطيرة خضراء وعسلة بنزلها توا
والفطيرة كان فضيت انزلها
لاني اني معكوسة الحكاية عندي انتوا ترقدوا تنوضوا اديروا فطور
اني اندير اللي بنرفعها بعدين نرقد تخيلوا اني نكتب ونشتغل في الكوجينة
هذه حكايتي

وخيتي الساجدة سلاطة الباذنجان اللي قلتي عليها اني اندير فيها بس بدل اللبن اندير في زبادي طبيعي وفعلا طعمتها تهبل

مرحبا اخواتى بالنسبه لليوم الاول العيله كلها ملتمه
وعلى قد ما كان متعب بس حلوه اللمه والماعين ماتموش ابدا ههههههه
وبالنسبه لفطورنا شربه وكفتاجى وبوريك ومبطن وحلزونه
وبيتزا وكفته دجاج ومحشى وطاجين جبن اما بالنسبه للحلو
لقمه والتمريه وتشيز كيك واكيد المهلبيه

وعليك السلام الساجدة ...شنو انقولك,مع إنى انحبه وانموت فيه,لكن نحن الليبيات وخصوصا أعضاء المنتدى ,مانريحوش روحنا,فى رمضان نبوا انديرو كل حاجة,فطرنا فى حوشنا بروحنا كالعادة,اليوم فطورنا ,شربتنا الليبيه,ابراك درناوى؟,مبطن كرنب,سندوتشات تن,مقلوبة,فتوش ,بصراحة لو فيه فيديو معاى فى المطبخ أوكى لكن تصوير صعبه شوية,وحوستى سلم بناتى,واليوم ما فيش حلو,كان خاطرى اندير لقمة لكن ماصارش,إلى اللقاء غدا.

صحة صحة علي الكل ام ساره تسلمي علي هاللمة

ام عبدالعزيز وساجدة وترهونية يابختكم تفطروا جميع ماحلاهم هاللمات
نموت عليهم وحتي تعبهم مانحسة
صحة علي الكل
فطوري كان شربة عدس وارز بالشاورما والبيض الاسكتلاندي والكريب باللحم وسلطة سبانخ
وقبل بندير بوريك النشا مالحقتش
بنااااات اعلان نزلت صور فطوري في الاطباق الرئيسية هالله هالله علي الردود وخشوا انتم
فاطرين لانكم معزومين علي السفرة

واااو كلكم راقدات في المطبخ من الصبح شكلكم تخشوا العفو ماخليتن شي لباقي الشهر ههههه

ماشاء الله يا بنات

ان شاء الله سفركم عامرة يارب

وبالهي والعافية الي درتوه وكلوته سلم ايدياتكم


نبي مساعدتكم عندي عزومة ونبي نشكل ونوع فيها

شنو تنصحوني وخياتي

السلام عليكم
كل عام والجميع بخير
اليوم تاني يوم في رمضان شنو ناويين اديروا فطوركم

أخواتي :

بالنسبة لي كما تعرفون أنا تحت التدريب أو سنة أولى مطبخ :
المهم
أولا : أولا نسقت مع الشيخة اللي في المسجد شبه قريب مني من أجل مراجعة حفظ القرآن .ويستر الله بسبب الهبوط في السكر على هذا الاتفاق اللهم يسر أمري
ثانيا : اختكم دوختني هذه المعجنات هذه للبتزاء وهذه للخبزة الملفوفة وهذه ل ... وهذه ل .... والله العظيم دخت من كثترة الوصفات فقررت ان اكلم احد الخبيرات في المعجنات وهي تعتبر طباخة ماهرة عندنا في الحي لذي اسكن فيه وكبيرة في السن جزاه الله عني كل خير ذهبت اليها و قلت لها بالله عليك اعطيني وصفة معينة أنا دخت من كثرة الوصفات وشرحت لها كيف تلخبطت من كثرة الوصفات وريحني اختك مشغولة وهبطلي السكر

نظرت لي وقالت طيب :
مع العلم هي تعزني ودائما تساعد في .

سوف اعطيك وصفة للحار والحلو والحمد لله كانت هذه الوصفة ممتازة ومفيدة واسم الوصفة ""* عجينة كل شيء """* والله يا أخواتي ارتحت وهذه الوصفة تعتبر سر طبختها . واذا سنتحت لي الفرصة سوف اضعها ولكن لا اعرف اين في أي قسم أضع الوصفة اسمها """*عجينة كل شيء للحار والحلو """"*...

وأسئل الله أن يشفيني وان الله يسر امري

والسلام عليكم ورحمة الله

اليوم عرفت روحى أكيد امس كنت صايمه,لانى دخلت على اساس انه موضوع الساجدة,ان شاء الله ياأم ساره تنسترى وتجيك عزومه كيف ما تبيها,انا متأكده ان حتكون امورك تمام,بس طبعا لازم من التعب,اليوم مش عارفه شنو اندير,فيه ابراك من امس,ممكن اندير بوريك فى الفرن ,بيتسا,...انشوف,نحب انقول لجماعة طرابلس ربى ايهنيكم برمضان وفرحانه ليكم وعندى امل حتى لاهلنا فى سوريا,السنه اللى فاتت كانت قلوبنا معاكم,رمضان اللى فات ,يخلى الانسان يشعر بقيمة اشياء كان دائما يعتقد انها من البديهيات

وعليك السلام أم رميصاء...خيرك شغلتينا عليك,ردى بالك من نفسك,حتى لو اضطرتى تفطرى-ولا تلقوا بانفسكم الى التهلكه-,توا النهار طويل,اول مره من ٣٣ سنه,عليك بالخشاف ممتاز ,ربى يشفيك أخيه.

ام ساره ديري بيتزا وشربة ورز مخلط او براك ومعاهم بوريك الباف او النشا
سلاطات متلا عادية الخضرة وتانية جرجير او سبانخ او الجزر اه ديري
.فطائر الدجاج لي زينب وديري عصيرسمودي لي ام عدنان ماديريش هدا كله اختاري مايناسبك وربي يعاونك ويعينك

بارك الله فيك أختي أم عدنان

لا تنشغلي علي
أصلا اليوم تعبت كثيرا مع العلم اني ...

الحمد لله
بارك الله فيك على سؤالك

بعيد السو عليك ام رميصاء بعيد السوووو
حبيبة عليك بقمر الدين والخشاف وبالذات قمرالدين

الوصفة احدفيها برشادة اهني اكتبيها ولما اطبقيها حطيها في واحد من اركان المعجنات

ام سريوة ديري شريبة ورز بالخلطة وبوريك البف بالسبانخ واخر بالمفروم

وبيتزا ونفس العجينة متع البيتزا احشيها دجاج وديريها زي التارت او ديري طاجين البف برجر ( الهامبرجر) او تارت الدجاج متع ام عبدالعزيز وكانيلوني

والسلاطات ديري سلاطة عادية وسلاطة مشوية

اما اليوم فطوري

شريبة عربية + رز مخلط من امبارح قاعد عندي بنسخنه + صدور دجاج محشية + بوريك بف باللحم والسبانخ + بيتزا + سلاطتين متع امس بنديرهم هما اليوم + مش عارفة شن تاني
يالله خلي نغطس ونولي تاني

بارك الله فيك اختي ساجدة

سوف اضع وصفة لخبيرة في المعجنات وعندما اطبقها سوف اضع الوصفة بعون الله

عجينة كل شيء

سر طباخة حيينا بارك الله فيها أعانتني في رمضان

3 أكواب دقيق _ 3 ملاعق حليب مجفف - ملعقة كبيرة خميرة بيرة - ملعقة كبيرة بيكنج بودر - 1/3 كوب زيت - 1/3 كوب سكر في الحلو وملعقة في الحار - كوب ونصف ماء .

ملاحظة الدقيق احيانا يشرب الماء لا تتقيد به
واذا اردت ان يكون الدقيق فاخر اضيف ملعقة نشا الى كيلو دقيق .

وموفقات اخواتي

ان شاء الله لاباس ام رميصاء كولي هلبه زيتون
اني سألتلك دكتور قال بيكونوا اللي عندهم هبوط مالهمش نية في الاكل وخاصة الحلو
فقالك كولي زيتون مالح هلبه واشربي مية وبعدين كولي حلو زي حاجة معسلة او عصير الباكوات زي العنب
هدا كله ساهل عدي طبقي فوا مادمتي .............ام رميصاء هيا انفضي عليك التعب وتعالي معانا وانشطي لي اهل بيتك
ربي يدوم عليك الصحة

ساجدة صحة فطوركم وكله قنين لكن وين صور السفرة مش معانا هكي انت وام عدنان
تسمعونا وماتورونا

اني اليوم فطوري ان شاء الله مازال مابديتش فيه
عصير خوخ من زينب
وكفتة الارز من زينب
وارز من امس بنسخنه هو والبيض الاسكوتلاندي
وشربة وبيتزا او ممكن ماندير الكفته مازال حايرة
لانه نصبحوا عطشانين اكتر من جيعانين وكله بقعد ومانسحروش الا حليب
او قليل من الفطور
وشن صار في ام ساره

أم رميصاء ان شاء الله طهور وخيتي

وربي يشفيك ويسهل عليك الصيام يارب




حتى اني اليوم تعبت وعطشت من الساعة 12 واني في المطبخ

درت تشييز كيك ومهلبية التوفي وان شاء الله بعدين بندير سلاطة فواكه لو لحقت

هذا الحلو مع القهوة بعد صلاة العشاء



والفطور

شربة ليبية وبيتزا وبوريك محشي دجاج وبطاطا وطاجين بطاطا ودجاج ودرت محاشي فلفل وضولمة

وبندير سلاطتين وحدة مشكلة وحدة باذنجان

ودرت بوريك الباف باللحم المفروم لكن خسارة طاب هلبة من تحت

ونفكر ندير رز أصفر زوجي يحبه


وتوا مازال البيتزا بس مش طايبة والباقي شبه جاهز كله ولله الحمد

والعصير طبيعي ان شاء الله ممكن اندير نوعين واحد خوخ والثاني كيوي وليمون




وربي يبارك فيكم وخياتي على الإقتراحات الحلوة لكن ما قدرت نخش بكري

ونقرا ساحوني ان شاء الله ناخذهم للأيام الجاية كان ما انتكست وتعبت من جديد



أم عدنان الله يبارك فيك ويهنيك وخيتي

صحة عليهم
وعليك ربي يدوم صحتك وكلهم يهبلوا اللي دايرتيهم ها ماتنسيش
اتصوري السفرة ولو نصها ونزلينا المهلبيه بالتوفي عشان نطبقها مانعرفهاش

جزاكم الله خيرا
شكرا لوبا على النصائح
ان شاء اتبعها بوركتم

والان اعمل في الخشاف لأختنا زينب محمد
وشربة باكو عصير عنب يستر الله
والحمد لله

جيت موخرة أمس قريت ومرديتش منورات الليبيات الفالحات ربي يعطيكن الصحة
لا باس أم رميصاء عندك فقر دم وإلا شنو طهور إن شاء الله تعالى
أما أني فوضعي مختلف في المطبخ عامل مساعد إنخش إندير حاجة أوإتنين حسب الجو ومرات مندير شي واليوم درت المهلبية وقوارب التونة لزوبة وبديت إنوتي في سفر الفطور وتوا إمقعمزة نقرا قي يومياتكن الحلوة
أم سريوة الأخوات ما قصرن ربي معاك إن شاء الله وتنستري في عزومتك لكن زي ما قالت لوبا نبو طريقة مهلبية التوفي

السلام عليكم

رح نحاول نصور سفرتي قبل الهجوم عليها من 4 محاور

هههههههههههههههههههههههههههه

ماشااااااااء الله على موضوعك ياأم سارة
وماشاء الله على سفيراتكم وفطوراتكم الحلوة تبارك الرحمن


شنو ياساجدة هذا عشاء أول يوم ولا مهرجان؟؟
http://im28.gulfup.com/2012-07-22/13429069041710.gif




ومغتربة ماشاء الله هذا راجلها مهناش امال لما يجي كيف


http://im23.gulfup.com/2012-07-22/13429068194910.gif




هههههههه صحة وهناء على قلوبكم ياحبوبات سهفتونييييييييييي
بنمووووووووت من الجووووووووع والعطششششش

http://im15.gulfup.com/2012-07-22/13429066309310.gif



ههههههههه

أنا ياوخياتي راجلي خطرله بيدير برنامج صحي & رجيم
ومافيش ولا حاجة طايبة
وأنا بنسايره طبعا
إهئ إهئ إهئ

http://im19.gulfup.com/2012-07-22/1342906446721.gif




كل الأكل عبارة عن:

فاكهة _ تمر _ لبن _ زبادي _ بسيسة باللوز _ قهوة عربية
وبسسسسسسسسسسس

http://im24.gulfup.com/2012-07-22/13429065464610.gif





يوم في الأسبوع نمشو للعيلة (أهل راجلي) ناكلو مالذ وطاب ههههههه
وبعدها

http://im29.gulfup.com/2012-07-22/13429067237310.gif








خلااااااااااااااااااص



كان لحقت وصورت حويجة يوم نمشو باهي وكان هذا
إهئ إهئ إهئ إهئ

http://im15.gulfup.com/2012-07-22/1342906630471.gif

إهئ إهئ إهئ آآآآآآآآ أهاااااي



هههههه يلا سلااااااااااام
ورمضانكم مبارك وكل عام وأنتم بخير

حاضر يا لوبا ويا لوتي ان شاء الله انزل تطبيقي للمهلبية

وعلى فكرة اني منزلتها من قبل لكن بنزل صور اليوم ان شاء الله


وبالنسبة للسفرة الحمد لله لحقت صورتها في الأخير ان شاء الله انزلها لكم


وتوا كيف كملت التشيز كيك وماظال شوية حوسة في المطبخ باقي الماعييين

سبحان الله هي الكوجينة زي صالة الولادة ما تنضم بكل



بنت حواء

معقولة رمضان كله هكي بتمشيه والله ربي يصبرك



باقي وخياتي

صحة شريبتكم كلكم وربي يتقبل منا ومنك ان شاء الله

لاياسمحة مش مهرجان مايغركش الاحتفال متع اول يوم لان المحروس ماياكلش وباقي افراد الكتيبة متاعي

يدللو وبصدق ماياكلوش الا في السلطات هههههه لدلك اللي طيبته من امس قاعد منه الرز وعجينة البيتزا قسمتها على امس واليوم

يعني مايغلبونيش بس يبو التنويع ومايبوش الكترة اخخخخخخخ طبعا الاستاد يبي يوميا رز والسلاطات لازم منهم نقعمز في المطبخ

نعصر دماغي ونقلب التلاجة واللي مانلقاشي نبعت لعزوزتي كان مالقيتاشي نبعت طوول لدكان

ربي يعينا وخلاص

ربي يعينك سجودة ويعين دماغك على كثرة التفكير

لكن بجد كويس انهم يحبوا السلطات فيها فائدة


تعرفوا يا بنات من كثرة التعب لين ليقيت روحي راقدة بكري ومخلية بنتي تلعب جنبي

وتوا نضت كليت وبنولي نرقد شوي قبل الفجر ان شاء الله


وأحسن شيء ان فطوري غدوة واتي

ناقصه الشربة والبيتزا بس

ياسرني اليوم من الساعة 12 الظهر واني نجري في الكوجينة

لين رجليا يسطروا من كثرة الوقوف

صحة صحة ام سريوة

الحمدلله فطورك واتي , باهي في من رجالة يتشرطو في الاكل هلبه لين يفددو المراة

انا مايتشرطش ويتشرط في نفس الوقت يعني يعطيك الحاجات اللي يحبها ويقولك نوعي بيها

متلا الرز يبي كل يوم رز بس يبيه كل مرة نوع وهكدا والمشقشقات هادم انا ووقتي بس اللي لازم منه

سلاطات اليوم كررت سلاطة الباذنجان التركية ودرت سلاطة مشوية ومعهم سلاطة عادية

بس بكرا اكيد في تغيير

بلاهي عليكم خشو بكرة بدري بش نتشاورو في شن نبو نطيبو

تفكيري اصابه التصحر

السلام علكم وخياتي
شكلي فايتني الجو كله
بحكم اني نفطر في حوش العيلةانروح موخر
وان شاءالله الف لاباس عليك ام رميصاء
وان شاءالله ربي يعينك ام سارة
والله تنحسدي وخيتي الساجدة ياريت يتشرط راجلي المهم ياكل
ما فيش ماكلة بكل وهو نازل النص من الخدمة
وعييت جربت جميع طرق التسمين الصحية ماصار شئ
وبالصحة والعافية لوبا
وصحة ليك لوتي من قدك حلوة خشت الكوجينة بالطربات
معقولة بنت حواء بتقضي رمضان كله هكي ربي يكون في عونك هو يدير رجيم وانتي كوليها في عظامك

يابنات شنو قصة الرجلين,حاله من نقدرش نوقف,مش عارفة المشكلة وين,هذا مع بناتى ايساعدوا فى ومازال,انصبر فى نفسى انقول كم يوم و نتعود على الجو,اليوم درت لقمة قاضى جت مش عادية مع انى درتها مستعجلة.

بالصحة عليك وخيتي ام عدنان
وقصة الرجلين لان نحسوا في ضغط علينا ونجروا من حاجة لحاجة عشن الصيام
فترة بس وبعدين يصبح الامر عادي