استفساراتكم بالفوتوشوب حلها هنا بعون الله

http://www.libyan-kitchen.com/gallery/images/1ses.gif



السلام عليكم ورحمة الله وبركاته:

اخواتي الكريمات :

يسعدني ويشرفني جدا ان اقدم لكم هذا الموضوع كي تعم الفائدة على الجميع

بعد الاعلان عن دورة الفوتوشوب تقدمت بعض الأخوات بالعديد من الأستفسارات فحبيت انه الكل يستفيد من هالأستفسارات و نعطي فرصة للي يحب يشارك فيها فتحنا هذا الموضوع للاجابة عن استفساراتكم في الفوتوشوب ، ياليت قبل السؤال تشوفوا الدروس و تطبقوها


http://www.libyan-kitchen.com/gallery/images/2ere.gif


كل من عندها اي استفسار بخصوص الفوتوشوب ياريت تلتزم بالقوانين التالية:

- طرح الأستفسار هنا بخصوص الفوتوشوب فقط.

- اذا فيه اي عضو عنده فكرة عن اجابة السؤال ممكن يساعد وله الأجر بعون الله.

- تمنع الردود السطحية .. وسنقوم بحذفها ان شوهدت.

- أن توضح استفسارك والا سيهمل .

- هذا الموضوع للاستفسارات فحسب! ويمنع وضع طلبات التصميم هنا ..

وشكرا للجميع

دعواتكم لنا يا اخوات وبارك الله فيكم


http://www.libyan-kitchen.com/gallery/images/3fqf.gif

تسلمي ليبو على الجهد المبدول ياقمر

الله يسلمك يا حلوة نورتي

اختى ليبيه انا بديت فى الدرس الثانى بس بنسالك الفرشه اللى بنختارها انا نديرها حوالين الصوره من اولها لاخرها والا نختار الفرشه وفى طريقه هى اللى تدير الفرش حوالين الرسمه يارب تكونى فهمتى السؤال

انا اسفه جدا

االدرس الثانى لما نضغط كنترلn
الصفحه اللى تطلع لى بيضه مش شفافه زيك انت
كيف نغيرها ونخليها تطلع شفافه مش بيضاء

نسومة بالنسبة للدرس التاني اني حطيته على اساس تتعلموا كيف تستعملوا الفرشة وتستخدموها لحتى تعملوا بيها ايطار يحلي الصورة

لكن على راحتك مرات رسمة وحدة من فرشة تعطي جمال رائع للصورة احلى حتى من الأطار

عند فتح صفحة جديدة اضغطي على ctrl+N

ولك الحرية بأختيار لون الخلفية

هل تريدينها شفافة؟

هل تريدينها ملونة؟

هل تردينها بيضاء؟

لك كامل الحرية

فقط تتبعي الخطوات التالية:



background content

راح تطلعلك قائمة فيها:

white

background color

transparent

انت اختاري transparent

http://www.libyan-kitchen.com/galler...transparen.gif


نهارك سعيد ومبارك وليئ بالمفاجأت الحلوة بأذن الله

السلام عليكم

فى صندوق الطبقات كيف نجعل طبقة الاطار هى العليا والصوره اسفل منها؟

ومشكوره ديمه متعبينك

حبيبتي نسومة ولا يهمك يا غالية اهم شيئ انك تفهمي الموضوع ونشوف تطبيقاتك الحلوة


ركزي في صندوق الطبقات وهو موجود على صفحة البرنامج على اليمين من الأسفل

وبعدين طبقي التالي:

http://www.libyan-kitchen.com/gallery/images/4apa.gif


لازم السكرابز يكون فوق الصورة باش يغطيها

ولازم الصورة تحددي الجزء اللي تبيه يطلع منها وبالكنترول +T


لو مافهمتيش قوليلي باش نزيد نوضحلك ان شاء الله دعواتك حبيبتي

يارب ياليبيه يفتحها فى وجهك وين ماتديريه


والمشكله انه فى صندوق الطبقات عندى الصوره تطلع فوق الاطار ماعرفتش كيف نعكس

وفى سؤال ثانى لما حفظت اطارات سكرابز من النت تنحفظ عندى مثلا لو حفظتها فى الصور نلقاها بس لما نبى نفتحها من الفوتوشوب ماتنفتحش معايا

بارك الله فيك وفى وقتك وخيتي ليبية

السلام عليكم

في الاول نحب نشكر الاخت ليبيا كل الشكر

وبالاخص في هذا الدرس لانه يتعلق بتحميل الصور باكثر جمالية وهذا المهم

وللاخت نسمة ليبية مشكلتي كانت زي مشكلتك لكن مع كثر المحاولات انحلت والحمد لله

ومعليش بعد ادنك ياليبية نقول كيف درت

لما اتجي الصورة فوق السكرابز نسحبها بالماوس سحب الى اسفل من صنوق اللير

وبهذا تكون الصورة اسفل وان شاء تكوني فهمتي عليا لانها المشكلة عانيت منها وما خطرتش علي بالي الا في الاخير

نسومة حبيبتي مشكورة على الدعوة الحلوة يا غالية

بالنسبة لموضوع الطبقات بكل بساطة

تجي على طبقة الصورة في صندوق الطبقات وتسحبيها بالماوس تحت طبقة السكرابز وبها الطريقة تولي طيقة الصورة تحت السكرابز

لو مافهمتيش قوليلي

بالنسبة للسكرابز كلهم نفس الشي ولا صور معينة اللي مابوش ينتحولك؟

مغتربة امين وفيك بارك الله وصحيتي على تنويرك الموضوع بالرد الحلو هذا

حبيبتي ام تغريد سامحيني لو شفت ردك ماكنتش رديت على نسمة لأنه ماشاء الله ردك يكفي ويوفي مشكورة يا حلوة ويارك الله فيك

مشكورات ام تغريد وليبيه

وان شاء الله نحاول ونشوف

شنو معاش فى دروس تانيه ياليبو ؟؟

حاضر يا ام عموري اصبروا عليا شوية بس يا حلوة

ليبيه درت زى ماقلتى لى بس ماصار شى سحبت الصوره بالماوس تحت طبقة السكرابز وبمجرد ترك الماوس تعاود الصوره لمكانها

طبقة الصورة ولا السكرابز عليهم قفل؟

اوكى حبيبتى ليبيه نستنو

ليبو ايه صورة السكرابز عليها قفل

نسومة تتبعي الخطوات التالية باش تنحل المشكلة

http://www.libyan-kitchen.com/gallery/images/uwu.gif

مشكوره احلى ليبيه وجارى التجريب

السلام عليكم ليبو بنسبه لقفل الطبقه نبي نعرف كيف نفتحه

معليش ليبو القيت نسومه سابقتني والحل اصبح عندي بارك الله فيك

ولا يهمك مغتربة اي سؤال تدللي

مشكوره ليبو تم حل القفل الله يحلها فى وجهك