[ استفسار ] طرق استخدام القمح (الطعام)

السلام عليكم ورحمة الله وبركاته



وخياتي ربي يبارك فيكن يارب

عندي حوالي كيلو قمح مش مرحي ما عرفت في ايش نستعمله

تكسب فيا اجر الي تقولي كيف ندير له

وهل لو عجبنت بيه خبزة أو نوع معجنات يحيني كويس ؟

نستنى في مساعدتكم يا حلوات

اهلين ام ساره

القمح يديروا بيه في طبيخة المنجم او البقوليات

المهم هيا يكون فيها كل شي من البقوليات ومعاهم القمح

اهني نلقوا فيهم مخلطين البقوليات والحبوب كلهم في كيس واحد

و زينب منزلتها في الليبي لكن انسيت شنو اسمها


وجربي ديري بيه بازين حيجيك يهببببببببببببل

احلي بازين بازين القمح بصراحة ولايعلي عليه


نعرف صديقة تزرع فيه في اصيص
في المطبخ ووين يطلع العشب الاخضر تقرض منه وتحطه في السلاطه
تقول انه ليه فوائد هلبه ومهم

وان شاء الله نكون افدتك ولو بالقليل

بس خبرينا بعدين شنو درتي بيه منك نستفيدو

أهلين لوبا

ربي يسلمك ويبارك فيك حبيبة

بالنسبة للبازين للأسف ما ناكلوا فيه في الحوش

أما الهريسة (هكي معروفة عندنا ) أو الجغوم حتى هي ما ناكلوا فيها

ههههههههههههههههههههه قوليلي شنو تاكلوا امالا

اني ما نحب الحلبة بصراحة وما ناكلها ولا زوجي أبداً أبداً حتى ريحتها لا



شفتي ليش حايرة اني ؟؟

ام ساره الي عندك قمح او حلبا
دوختيني شنو علاقة القمح بالحلبه

بالنسبه للقمح امي ربي يحفظها كانت الديرلنا فيه زي المحلبيه
ان شاء الله انجيبلك الطريقه منها بالضبط لو اتحبو تاكلها هههههه
الحق اني عمري ما درتها لما اتجي في خاطري انقوللها عليها وادرهلي

هههههههههه ماتاكلي في البازين وجعتيني الحق فات عليك هههههه

اما الجغوم فندير فيه بدون حلبه لانها عدوتي واكرههاااااااااااااااااااااا

وبسيسه ماتاكلي فيها حتي هيا يديروا فيه بالبسيسه

تو نفكروا معاك

أم خديجه
اني سألت على القمح والحلبة خشت في الموضوع ههههههههه


ياريت تجيبي لي الطريقة على الاقل نديرها لبناتي

ولو تسألي أمك بالك تعرف حتي هي فيش نستخدمه

نكون شاكرة لك وليها جزاك الله خير وخيتي




لوبا

زمان واني صغيرة كليته شوي لكن يغصبوا عليا

لهذا ما عاد كليته وكنت نكرهه حاشا النعمة

بارك الله فيك لوبا




وياريت نشوف ردود البنات ويفيدوني

وعليكم السلام ورحمة الله
أم سارة ديري بيه كسكسي طعام بصراحة أني كليته وعجبني
وخبزة طعام طيبها في الكوشة بيش في التنور
ولا دشيشة طعام
والبسيسة

وميساء بارك الله فيك حبيبة على الاجابة

بس ما قلتيلي نرحيه في البيت عادي ونحمسه قبل او لا

بالنسبة للبسيسة ما ندير فيها نشريها واتية

اختي ام سارة انقعي القمح ليلة كاملة وبعدين اسلقيه وبعدين كل ماتبي تاكلي منها تاخد المقدارالي بتاكلي وتضعي عليه حليب وسكر وتاكليه

القمح أنا ندير بيه في حاجتين ونشري فيه مخصوص للحاجتين أهما
الأولى البليلة وزهرة الحبق قالتلك عليها بارك الله فيها
الثانية تنقعي القمح في المية ساعة ولا 2 المهم نين تنتفخ الحبة
وبعدين تصفيه وتنشريه على قماش لمدة ساعتين
وبعدين حمصيه في الملح على النار زي ماتحمصي الكاكاوية مثلا
طبعا يقعد يتفرقع ههههه زي السبول (البشار)
ولما يتغير لونه ويتحمر تنزليه وتغربليه في صفاية
وتحطيه في منشف وتحكيه زين نين يمتسح من الملح
وتحطيه في فازوات واستمتعي بأحلى قراميش وتسالي هههههه
كمية الكيلو هلبة تقدري تجربي كبايتين بس
ولما بتحطي في الطاجين وتحمصي حطي كباية وحدة
وان شاء الله تعجبك الطريقة

ام سارة
بنت حواء قالتلك على الطريقة الثانية اللي خاشة بنقولك عليها وفعلا مقرمشات مش عادية

وطريقة امي تحب انه يكون من غير تنقيع تحمسه بدون ملح ولااي شئ على النار وحتى هو تحصلي على مقرمشات رائعة

بارك الله فيكن وخياتي

بجد استفدت منكم هلبة ومعلومات جديدة عليا

وان شاء الله نجرب البليلة والمقرمشات يمشوا مع بناتي

جزاكن الله خير الجزاء وكل عام وانتم بخير

وربي يهنينا في رمضان ويقدرنا على صيامه وقيامه يارب

مرحباا ام ساره معليش ردى متاخر
انا نحب البليله موت وطريقتى فيعا انى نقع القمح ليله كامله وفى الصبح نطبخه ولنا تطيب الحبه نحط على الطنجره حليب وسكر ونضرب بره حليب ونشا ونحطها عليه ونخلط لحد ماتخثر
بعدين نحط فانيليا او ماء زهر
ونحطها فى صحون وعند للتقديم ترش بالفستق

ﺍﻟﻘﻤﺢ ﺍﻧﺪﻳﺮﻭ ﺑﻴﻪ ﺑﻠﻴﻠﻪ ﻫﻲ ﺯﻱ ﺍﻟﻤﻬﻠﺒﻴﻪ ﻟﺎﻟﺰﺑﻄ ﻏﻴﺮ ﺯﺍﻳﺪ ﻋﻠﻴﻬﺎ ﻗﻤﺢ ﻣﺴﻠﻮﻕ
وﻋﻨﺪﻙ ﺍﻟﻘﻠﻴﺔ ﻭﻫﻲ ﻗﻤﺢ ﻣﺤﻤﺺ .. ﻭﻋﻨﺪﻙ ﺍﻟﻬﺮﻳﺴﺔ ﻭﻫﻲ ﻃﺒﻴﺨﺔ ﺑﻘﻮﻟﻴﺎﺕ ﻭﺣﺒﻮﺏ ﻭﻫﻲ ﺧﻴﺎﻟ ﻭﻣﺶ ﻟﺎﺯﻡ ﻣﻦ ﺍﻟﺤﻠﺒﺔ .. ﻭﻋﻨﺪﻛ

ﻭﻋﻨﺪﻙ ﺍﻟﻤﻐﺎﺭﺑﺔ ﺍﻳﺪﻳﺮﻭﺍ ﻓﻴﻪ ﺑﻂﺮﻳﻘﺔ ﺗﺠﻨﻦ ﻭﺧﻴﺎﻝ ﻭﺍﻟﻠﻬﻲ ﺍﺗﺠﻴﺒﻲ ﻟﺤﻢ ﺧﺮﻭﻑ ﻓﺨﺪ ﻣﻘﻂﻊ ﻭﺍﺗﺤﻂﻴﻪ ﻋﺎﻟﻨﺎﺭ ﻣﻊ ﺯﻳﺖ ﻭﺑﺼﻞ ﺟﻮﺍﻧﺢ ﻭﻣﻠﺢ ﻭﺛﻮﻡ ﻭﺯﻧﺠﺒﻴﻞ و ﻗﺮﻓﺔ ﻭﺣﺮﺍﺭﺕ ﻭﻓﻠﻔﻞ ﻭﺑﺰﺍﺭ ﻭﺗﺨﻠﻴﻪ ﻋﺎﻟﻨﺎﺭ ﻟﻴﻦ ﻗﺮﻳﺐ ﺍﻟﻠﺤﻢ ﻳﻂﻴﺐ ﻳﻌﻨﻲ تقرﺗﻘﺮﻳﺒﺎ بعد نص ساعة ﺑﻌﺪﻫﺎ ﺍﺗﺠﻴﺒﻲ ﻗﻤﺢ ﻣﻨﻘﻮﻉ ﻭﺣﻤﺺ ﻣﻨﻘﻮﻉ و ﺗﻀﻴﻔﻴﻬﻢ ﻋﺎﻟﻠﺤﻢ ﻭﺗﺨﻠﻴﻬﻢ ﻋﺎﻟﻨﺎﺭ ﻧﺺ ﺳﺎﻋﺔ ﻭﻟﻴﻦ ﺗﻨﺰﺡ ﻣﻴﺔ ﺍﻟﻠﺤﻢ .. ﺟﺮﺑﻴﻪ ﻃﻌﻤﻪ ﺧﻴﺎﻝ ﺧﺼﻮﺻﺎ ﻟﻮ ﻛﺎﻥ ﺑﺎﻟﻠﺤﻢ ﺍﻟﻮﻃﻨﻲ ﻭﺷﻜﻠﻪ ﻳﻘﻌﺪ ﺯﻱ ﺍﻟﺎﺭﺯ ﺍﻟﺠﺎﺭﻱ المبكبك