[كيكة في ماكينة التوست] من مطبخ ام عبسي
السلام عليكم ورحمة الله وبركاته
http://dc14.arabsh.com/i/02376/7um59dh63p65.gif
كيف حالكن ياحلوات
اليوم جايبتلكن طريقة سريعة جدا لتتطييب الكيكة ما تستغر ق منكن وقت والاحلى انها ماتستني الكيكة لين تبرد وتقصصيها وتزينيها
ومش عارفة اذا كان حد منزلها من قبل في المنتدى والا لا المهم الكيكة هذي مرة مشيت لبيت هلي واختي قدمتها ليا ونحسابها توست عادي ولما ذوقت الطعمة
لقيتها حلوة فنحسابها طريقة جديدة لنوع حلو فقالتلي انها كيكة عادية بس اطيبيها في ماكبنة التوست بصراحة استغربت طريقتها وجديدة عليا وقلت انزلها لوخياتي
نبدا بالمقادير بعد هالقصة الطويلة..بسم الله
3بيضات
ظرف بيكنج بودر
علبتين زبادي ا ي نكهة
كوبين دقيق
نص كوب زيت
كوب الاربع سكر او اقل لان الزبادي حلو
ملعقتين كاكاو سادة
الطريقة
اني عن نفسي نخلط المقادير السابقة مع بعض بدون تدريج..هنا قسمت المقدار قسمين وحطيت في واحد منهن كاكاو
http://www.libyan-kitchen.com/galler...2013090493.jpg
http://www.libyan-kitchen.com/galler.../201309cgc.jpg
وبعدين نسخن ماكينة التوست وماتخليها تسخن واجد زي مادرت اني لانها طابت مني بزيادة حطي مقدار الكيكة وسكري الماكينة
http://www.libyan-kitchen.com/galler.../201309zyz.jpg
وهذا شكلها شفتو طابت مني واجد لاني سخنتها واجد بدون تعليق لوسمحتو:mad:
http://www.libyan-kitchen.com/galler...2013090494.jpg
http://www.libyan-kitchen.com/galler.../201309hth.jpg
وهذا شكلها من داخل يعني مش نية(قولولي بعد هالحرقة مازال تبيها تقعد نية:D) وعلى فكرة طيابها ياخد اقل من خمس دقايق
http://www.libyan-kitchen.com/galler.../201309clc.jpg
وهنا بعد ماخبينا العيوب:cool:
http://www.libyan-kitchen.com/galler.../201309sws.jpg
ولكي الاختيار والتفنن في التزيين واني انقول تقدري تستعملي حتى ماكينة الدونات او المعمول اني هذين ما عندي شن رايكن انديرها في الشواية :D لان هذي اللي عندي ههههههههههههههههه والله ضاربة في راسي ;)
وصحتين وعافية
