[ وصفة منقولة ] ملوخية خضراء بلحم الغنم

السلام عليكم ورحمة الله وبركاته::

http://www.libyan-kitchen.com/gallery/images/jczc.jpg

http://www.libyan-kitchen.com/gallery/images/jmzm.jpg
قطع صغيرة نوعآ من لحم الخروف بدون عظم
بصلة كبيرة نوعآ مفرومة ناعمآ
ماء ساخن حوالي ليتر
كيلو ملوخية خضراء مقطفة ومفرومة بالاداة الخاصة
رأس ثوم ممدقوق ناعمآ مع حبة فلفل اخضر حار وملح وكزبرة يابسة
http://www.libyan-kitchen.com/gallery/images/jiii.jpg
نأخذ قطع اللحم مع البصلة نضعها علي النار حتي يجف ماؤها وتتحمر خفيفآ
ثم نضيف الماء الساخن ونتركها تغلي علي نار هادئة حتي تنضج تمامآ
نحضر الملوخية ونضيفها للمرق السابق ونقلب علي ان تكون ثقيلة نوعآ دون ان تغلي ثم نضيف لها ملعقة متوسطة من خلطة الثوم المفروم وباقي الثوم نحمره في زيت زيتون مضافآ له قطعة من الزبدة او ملعقة سمن ونقلبها علي الملوخية وقد يتم تسخينها عند التقديم دون ان تغلي فقد يتغير طعمها
الف صحة وهنا :)

الملوخية مانحلهاش بكل بكل
لكن مشكورة على النقل المفيد
إن شاء الله يستفيدو منها العضوات

الملوخية مانحبهاش
لكن مشكورة على النقل

هي مجرد فكرة واعرف ان اخوات ليبيات مايحبوش الملوخية هلبا وفي مين يحبها
شكرا لمرورك على موضوعي

شكرآ لمرورك العطر ام بيلسان
رغم ان البعض في ليبيا يطيبها بصورة مختلفة ملوخية يابسة تغلي لعدة ساعات ويحبوها هلبة
هي فكرة للي ميعرفهاش

مشكورة وخيتي على النقل الحلو

وننتظر مشاركاتك الحلوة وابداعاتك

مشكورة يااختي عالنقل زوجي عاشق ملوخية

تسلمي اوخيتي ام سارة علي مرورك العطر

طلع من يحب الملوخية زي ماقلت في ناس تتقبلها وناس تكون غريبة عليها شكرآ اوخيتي بنية بوها علي مرورك العطر

وانى نموت فيها موت
وعندنا تطيب ساعات هلبه وكان كمية شوى
5 ساعات
ونعزموا عليها فى المناسبات(العرس)
وتخيلوانديروا بيها بازين مش عادية بكل
الحاضر يعلم الغايب ههههههههههه
ملوخية حبيبة عمرى ياالله
تسلمى ياهناء عالنقل

فرق كبير من طريقة تحضير هذا الطبق فالملوخية لاتغلي حتي دقيقة واحدة وطبقك ياخدوج يغلي 5 ساعات عالعموم طريقتك نعرفها ونحبها هلبة واحلي ملوخية لاحلي خدوج

تسلمي على الموضوع المميز وجزاك الله كل خير ورزقك ماتتمني

الملوخية عمرى ما ذقتها ولكن خاطرى ندوقها عندى صاحباتى يشكرو فيها
ولكن على حسب ما سمعت انها تاخد ساعات فى الطهى زى ما قالت اختى خدوج
تسلمى على الوصفة الحلوة