عرض للطباعة
السلام عليكم
الطلب الاول
يا اخواتي هذا شوكلا نوع خام سادة لون قهوي اسمها ( سان بيتر )
شوكلا خام مش عادية وراقية رغم انها صناعة مصرية
وبصراحة من قبل الزواج استعمل فيها لكن كانت متوفرة في بنغازي
وفي طرابلس لم اجدها
وهذه موصية عليها من بنغازي
فأتمنى منكن من صادفتها في طرابلس ان تدلني على المكان او اي نوع شوكلا يكون ذا جودة عالية
http://www.libyan-kitchen.com/galler...s/file0896.jpg
http://www.libyan-kitchen.com/galler...s/file0897.jpg
الطلب ثاني
محل لبيع الجلوكوز ولكم جزيل الشكر مقدما
الصراحة أني منعرفش لكن إن شاء الله الأخوات يفيدوك ونستفيد معاك لكن وين في بنغازي يبيعو فيها بيش حتى أني نوصي عليها
اول مرة نعرفها الشوكلا هذه
ان شاء الله البنات يفيدوك يارب
تقبلي مروري
مشكورة غروبة ولوتي
لوتي ... في اي محل تلقيها في بنغازي اعطي اي حد الاسم يجيبها لك
وشوكلا مش عادية بصراحة روعة
وها مازالت نستنى حد يساعدني
محل زاد الأسرة سوق الجمعة 15 الطير سابقا
مشكورة اختي زاد الاسرة لكن ماوضحتيش شنو اللي عنده الشوكلا او الجلكوز او الاثنين مع بعض
ان شاء تلاقى طلبك
بس حبيت نقولك انى حتى انا هى المعتمده عندى وعند عائلتى سانبيتر
صبورة
بصراحة أول مرة نشوفها وما قابلتني من قبل
لكن ان شاء الله اول ما نعرف مكانها نقول لك حبيبة
طبعا نسومة عاد كيف ماتكونش عندكم
ام سارة تعرفي لو تعرفي طعمتها وامكانيتها مش عادية
مع احترامي للبستان تو تزعل مني لاني ماعندي غيرها توا
شكلي بنبعت عليها وخلاص لاني تأملت اني نلقى حد يعرفها في طرابلس
والله مره اسالت صاحب محل ...اعطاني نعتة محل خاص بالشكلاته امتاع الحلويات ..
الراقيه وقالي تلقي عنده حتي الغالي ....
قالي في زاوية الدهماني ,,,, فيه محل ايبيع في الخزنات ...الشارع اللي لاصق فيه بالزبط خشي شويه تلقيه ...
محل متخصص بالشكلاته ....
المضحك في الموضوع ..قتله علاش متجيبهاش انت .. قالي زبايني يبو البستان بس ..
علاش الخساير انجيبها لين اتم صلاحيتها ... ميخدها حد
قالي هكي اريحلي يا اوخيتي .. والله ضحكني ..
المهم ان شاء الله انكون فدتك ..
او لاي استفسار عيوني ليك ...سلامات ي عسل
لان اول رد جاني منك لما شاركت ....
سلمك يارب
وطبعا اني مانفهم هلبة في طرابلس لكن النعتة توا انقولها لراجلي اكيد يزبطها
وتصدقي نفس الموقف صارلي حتى اني لما مرة سئلت صاحب محل قلت ليه خيركم تجيبوا غير في البستان فرد عليا نفس الرد
مع ان الله يسامحها البستان مانلقى الا فيها خير ماتزعل ومعاش نلقوها حتى هيا هههههه
صابرة النوع هذا من الشوكلاتة اللي سألتي عليه شريت منه الاسبوع اللي فات من محل زاد الاسرة في سوق الجمعة شارع 15 الطير وعنده حتى الخام البيضاء ..
الله يبشرك بالخير يازوبة ويعطيك ماتتمني يارب
الله يسلمك ويحفظك صبورة ... ويعطينا كلنا مانتمنوا
بارك الله فيك زوبة انتي وصبورة أفدتينا كلنا ان شاء الله نشروها وانجربوها .
وفيك بارك الله
هذا النوع من زماااااااااااااان متوفر فى المنطقه الشرقيه كلها وهو نوع عادى اما السعر مايزيدش عن 2 دينار
اختي كيميائية
انتي شكلك ماقريتيش كلامي كويس انا عشت عمري في المنطقة الشرقية وعارفتها متوفرة وسؤالي كان من قابلتها في طرابلس