عرض للطباعة
السلام عليكم ورحمة الله وبركاته
حابة نطلب طلب من الحبوبات
أنا اشتركت في مسابقة المعجنات ودورة تعليم الكروشيه وحابة نحط شعارهم في توقيعي
بس للأسف ما عرفتش نحطه
أمس ساعدتني أبلة زينب بارك الله فيها عشان نحط وسام مسابقة الشوربات
واليوم حاولت نحط الشعارات اللي نبيها وما صار شي
جربت النسخ واللصق ما نفع
جربت نسخ رابط الصورة ما نفع
جربت نرفعها بمركز التحميل تطلع صغيووووووووورة
ما هو الحل؟؟؟
السلام عليكم ورحمة الله وبركاته
حتى أنا نفس الشئ زهورة
حاولت نضيف شعار مسابقة المعجنات لتوقيعي وما عرفتش
لين ساعدتني أختي زينب
بارك الله فيها
بالله واحدة فيهم تتساعدنا باش نعرفوا كيف نضيفوا شعارات المسابقات لتوقيعنا
شكرا زهورة لأنك فكرتي تطرحي الموضوع
حبوبات الامر بسيط
ادخلن لوحة تحكمكن واختارن تعديل التوقيع
ثم ظللن الشعار الموجود في الموضوع ثم اعملن عليه كليك يمين
تظهر قائمة اختارن منها نسخ
ثم اذهبن لصندوق الكتابة الموجود في التوقيع
اعملن كليك يمين
تظهر قائمة اختارن منها لصق
فيظهر الشعار في التوقيع
ثم اعملن حفظ
جربت وماباش الشعار يلصق في التوقيع
مش عارفة شني هي المشكلة
مساعدتك زنوبة
حبوبة مش عارفة شنو المشكلة عندك
انا شفت حتى خيارات صندوق الكتابة عندك لقيته المتطور الاحترافي
يعني يمشي معاه نسخ لصق
لكن نقولك طريقة اخرى
ديري كليك يمين على التوقيع في الموضوع
تظهر قائمة اختاري منها خصائص أو بالانجليزي properties هي اخر شيء في القائمة
تفتح نافذة فيها عدة اشياء منها ادرس يعني عنوان
جنبه رابط ظلليه وانسخيه
وامشي لصندوق الكتابة الخاص بالتوقيع اضغطي على ايقونة الصورة
تظهر لك نافذة الصقي فيها الرابط ثم اوك
زنوبة درت كليك يمين ما طلعلي كلمة خيارات
والله العظيم هبلني هالشعار هههههههههه
معليش دوختك معايا
لكن كل البنات حطو الشعارات في توقيعاتهم وأنا مابش يلصق عندي
أكيد عندي مشكلة
حبوبة كلمة properties
أبلة زينب الكلمة اللي قلتي عليها ما طلعت عندي في القائمة
شن الخلل اللي عندي بالضبط والله ماعارفة
السلام عليكم ورحمة الله وبركاته
زهورة يا حبيبة ممكن نعرف أي متصفح تستخدمي فيه
هل هو انترنت اكسبلور أو الفايرفوكس
حتى انى نفس المشكلة اتبعت الخطوات وما فيش فائدة ساعدتنى الغالية ام عبدالمعز ونفس ما قالت الاخت زينب بس ما فيش فائدة
أختي مغتربة
بالنسبة ليك في علامة " في بداية رابط الصورة
حوليها وان شاء الله تطلع الصورة
اقتباس:
المشاركة الأصلية كتبت بواسطة أمـ ساره
اختى امساره بارك الله فيك حولتها بس نفس الشى
غريبة والله مش عارفة شنو المشكلة معاكم
انتي نسختي الصورة أو نسختي رابط الصورة نفسه
لأن الظاهر في توقيعك ان استخدمتي ايقونة الروابط
مش أيقونة الصور
هذا شرح نوراة لوضع الصور في التوقيع
http://www.libyan-kitchen.com/gallery/images/5.png
شوفي هذا الموضوع الشرح واضح ووافي فيه باذن الله
http://www.libyan-kitchen.com/kitchen/showthread.php?t=447
وان شاء الله يفيدك
بارك الله فيك حبيبة تعرفى سيفت الصورة فى الكمبيوتر وبعدين حملتها زى اى صورة ولصقتها فى توقيعى واخيرا صار منها ههههههههههه
حبوبات انا مش عارفة مشكلتكن بالضبط
متصفحي الانترنت اكسبلورر فيه الكلام اللي قلت عليه
وفي متصفح الفاير فوكس توجد الخصائص
اختارنها وستظهر نافذة اختارن منها المكان انسخن الرابط الموجود بجانبه
واضغطن ايقونة الصورة في صندوق الكتابة الخاص بالتوقيع
تظهر نافذة الصقن فيها الرابط ثم اوك
فهمت مشكلتي
أنا نستخدم في متصفح الغوغل كروم
ممكن عشان هالشي القائمة الي تحكي عليها أبلة زينب ما طلعتش عندي
انشاء الله نفتح المنتدى من فايرفوكس ونشوف
بارك الله فيكم
كويس زهورة ومغتربة
واخيرا نجحتوا في وضع الشعار
مبارك حبوبات
بارك الله فيكم عالمساعدة أبلة زينب وأم سارة
طلع المشكلة في الغوغل كروم اللي نستخدم فيه
لما فتحت المنتدى بالفايرفوكس على طول انتسخوا وتلصقوا معايا