[ مشاركة بملف الحمضيات والحلويات ] كوكيز البرتقال من مطبخ mnona

http://www.libyan-kitchen.com/galler.../333577sls.gif

http://www.libyan-kitchen.com/galler.../goodhabjb.gif

مشاركتي بملف الحمضيات للغالية ناني 2007 "" كوكيز البرتقال "" اللي بنته جت تهبل
واللي شحورني فيه الضي يهرب ويجي وتعفلقت هلبااااااااااااااا وقريب مصارش منه واكيد لما مايصيرش منه معروف شن مصيره حاشى نعيمة ربي

نبدو بالمقادير اللي مصورتهمش

2 صفار بيض / كوب زبدة / كوب سكر / 2 كوب ونص دقيق / فانيليا / رشة ملح

الطريقة
اولا نخلط الزبدة مع السكر وبعدها نضيفلهم صفار البيض زي ماموضح بالصورة

http://www.libyan-kitchen.com/galler.../cocezmklk.jpg

http://www.libyan-kitchen.com/galler.../cocezmjjj.jpg

ونخلطهم كويس كويس لين يتجانسوا مع بعض وبعدها نضيف الدقيق ورشة الملح ، طبعا اطريت اني نخلطهم بالمضرب اليدوي وزي ماقلت قبل البركة في شركة الكهرباء اللي كل ليلة مدايرتلنا عيد ميلاد ، وعلى فكرة ايد فيها الموبايل نصور بيها والايد الثانية شادة البيلة باش تطلع الصورة واضحة
شفتوااااااااااااااااااااااااااا قدااااااااااااااااااااااااش تعذبت فيه

http://www.libyan-kitchen.com/galler.../cocezmumu.jpg

ااااااااااااااااااااااااه ولكن الحمد لله طلعت النتيجة مية مية


وبعد العجن حطيتها في حافظة لانه بسلامته الضي مازال مجاش ولانه العجينة ضروري ترتاح ساعة في الثلاجة ، واني الحق محطيتهاش في الثلاجة لانه الجو بروحها تقول فاتحة باب الفريز في وجهك وواقفة ، المهم خلونا في موضوعنا

http://www.libyan-kitchen.com/galler.../cocezmjyj.jpg

وماشا الله الضئ جانا متأخر ولكن نضت نضت على خاطر البنيات اللي يستنوا فيا
وقلت والله لما نديرها ، ياحنة سخنت الفرن وخديت طاجيني وفرشت فيه ورق الزبدة وبديت نكور في العجينة زي مافي الصورة

http://www.libyan-kitchen.com/galler.../cocezmusu.jpg

وبعد التكوير درت فيها حفرة وردي بالك عالحواشي لازم يكونوا مسكرات باش الحشوة ماتسيحش منهم

http://www.libyan-kitchen.com/galler.../cocezmoho.jpg

وأبدي ستفي في الطاجين لين تكلمي العجينة كلها

http://www.libyan-kitchen.com/galler.../cocezmgrg.jpg

وبعد لا تكملي عجينتك وكورك تحطي في الحفيرات الحشوة متاعك واللي تتكون من
1/3 كوب سكر / م ك دقيق / بيضة / م ك بشر برتقال / كوب عصير برتقال فرش / رشة ملح
تخلطيهم مع بعض كويس لين يدوب السكر

http://www.libyan-kitchen.com/galler.../cocezmnqn.jpg

http://www.libyan-kitchen.com/galler.../cocezmara.jpg

http://www.libyan-kitchen.com/galler.../cocezmjpj.jpg

وهدي هني بعد ماطابت

http://www.libyan-kitchen.com/galler.../cocezmchc.jpg

وبعدها خليتها لين تبرد ورشيت عليها سكر ناعم

وتاكلوها بالهني عليكم ان شا الله
وان شا الله تعجبكم وتنال اعجاب ورضا وخيتي الغالية ناني

http://www.libyan-kitchen.com/galler.../cocezmcfc.jpg

ومش ناقص الضئ اللي حرقلي دمي باش درتها زادني المنتدى كل مانبي نضيف الموضوع يطلعلي خطأ في الصفحة وينمسح وجاب ربي اني مدايراته في ملف وورد الصبرررررررررررررررررررررر ياااااااااااااااااااااربي


وهدي ليكم مع طويسة شاهي والا قهيوة عربية

http://www.libyan-kitchen.com/galler.../cocezmqzq.jpg

وان شا الله فيكم وحدة تخش وتقولي معجبنيش حيه عليها حيه ، حتى علي خاطر التبهديل العفو ههههههههههههههههههههههههه

ياسلام اني اول وحدة عجبني والصراحة طعمته في فمي مع اطويسة قهوة عربية
وبعون الله حنطبقه ..وتعبك مامشي عالفاضي شكلهم حلوااااات..تسلم ايدياتك الي تعبو.

ياسلام هده اخرتها ههههههههههههههه مايعجبهمش تي من هي اللي مايعجبها بالار بي جي يعجبهم هههههههههههههههههههههههههههه التقييم التقييم ياامورة يهببببل على هاديك الطويسة اللي بالي بالك

بسم الله ماشاء الله
عجبنا ونص وخمسة ههههه
كوكيز ايجي فى الخاطر
تسلم الايادي
مشاركة مميزة

عجبنى ويهبل لكن نبية مع طويسة شاهي وحليب معليش بسرعة قبل الضي ما ينقطع

اقتباس:
المشاركة الأصلية كتبت بواسطة sweet nona http://kitchen.libyan-kitchen.com/Pi...s/viewpost.gif
ياسلام اني اول وحدة عجبني والصراحة طعمته في فمي مع اطويسة قهوة عربية
وبعون الله حنطبقه ..وتعبك مامشي عالفاضي شكلهم حلوااااات..تسلم ايدياتك الي تعبو.

سلمها هالبنية ، وصحتين على قلبك اهم شئ انه عجبك واني ننصحك انك اديريه ساهل اقوي وبنته تجنن هذا كان الضئ مدارهاش فيك

اقتباس:
المشاركة الأصلية كتبت بواسطة الساجدة لله http://kitchen.libyan-kitchen.com/Pi...s/viewpost.gif
ياسلام هده اخرتها ههههههههههههههه مايعجبهمش تي من هي اللي مايعجبها بالار بي جي يعجبهم هههههههههههههههههههههههههههه التقييم التقييم ياامورة يهببببل على هاديك الطويسة اللي بالي بالك

ار بي جي و14 نص والدخيرة متوفرة بكثرة ماشا الله غير حد فيهم يشبح هكي والا هكي بس
ويقول حتى بينه وبين نفسه مش حلو :cool:

صحيت هلبا سجودة على مرورك وياريتك جارتي راه شربنا معاه هديكة طويسة الشاهي السخينة

اقتباس:
المشاركة الأصلية كتبت بواسطة مغتربة 7 http://kitchen.libyan-kitchen.com/Pi...s/viewpost.gif
بسم الله ماشاء الله
عجبنا ونص وخمسة ههههه
كوكيز ايجي فى الخاطر
تسلم الايادي
مشاركة مميزة

ربي يحفظك ويخليك ويعليك على مني يعاديك ( هدي دعوة امي ليا ربي يحفظها ان شا الله وتوا دعيتلك بيها )
الله يسلمك ومروردك وردك هما اللي ميزوا الموضوع

اقتباس:
المشاركة الأصلية كتبت بواسطة ام ساره وعبدالعزيز http://kitchen.libyan-kitchen.com/Pi...s/viewpost.gif
عجبنى ويهبل لكن نبية مع طويسة شاهي وحليب معليش بسرعة قبل الضي ما ينقطع

الله يسلمك ياحنة ، ايه ياوخيتي والله مداير فينا حالة الضئ ، الحمد لله على كل حال
مع انه مافيش مرة روحت للحوش ولقيت فيه ضئ ( ياوالله عليك حالة وخلاص )

صحتين علي قلبك ياغالية طويسة الشاهي بالحليب

منورة ياكعكة مدورة :D

يا عيني يا عيني ماشاء الله على الكوكيز اللي يجنن

منونا تعبك مامشاش على الفاضي

واني ندير في نفس طريقتك غير بدال الخلطة اللي صبيتيها في الفتحات نحط في مربى

وفكرة الخلطة جديدة عليا

الله يسلم ايديك الحلوة وصحة على قلوبكم

وربي يفرج علينا


لا ضي لا مية ............ المجلس الأنتقالي يعز عليا


الحمدللله حتى الضي مافيش المهم افتكينا من معمر وان شاء الله اللي جاي احسن من اللي فات

منونا كوكبز مش عادي

نبي منه توة هالوقت

دبري كيف تبعتيلي منه حامل ويجي في البيبي

هي وتيلي منه حفاظة كبيرة متاع عراس هههههههههههه

يسلمو والله مش عادي وفكرته جديدة

اقتباس:

---

المشاركة الأصلية كتبت بواسطة أم أيوب

منونا كوكبز مش عادي

نبي منه توة هالوقت

دبري كيف تبعتيلي منه حامل ويجي في البيبي

هي وتيلي منه حفاظة كبيرة متاع عراس هههههههههههه

يسلمو والله مش عادي وفكرته جديدة

---

وانتي شن جيبك هني ـ معادش تخشي للمنتدى لين تنوضي بالسلامة
والله والله لو نقدر نوصل فيك مايكون الا عندك ان شا الله

اقتباس:

---

المشاركة الأصلية كتبت بواسطة ليبية

يا عيني يا عيني ماشاء الله على الكوكيز اللي يجنن

منونا تعبك مامشاش على الفاضي

واني ندير في نفس طريقتك غير بدال الخلطة اللي صبيتيها في الفتحات نحط في مربى

وفكرة الخلطة جديدة عليا

الله يسلم ايديك الحلوة وصحة على قلوبكم

وربي يفرج علينا


لا ضي لا مية ............ المجلس الأنتقالي يعز عليا


الحمدللله حتى الضي مافيش المهم افتكينا من معمر وان شاء الله اللي جاي احسن من اللي فات

---

ا

لله يسلمك ويبارك فيك ، ومنورة ياحلوة


وان شا الله ربي يفرج علينا كلنا يارب

روعة الصراحة
يسلمو ايديكي ياقمر والله يعيطك الصحة

اقتباس:

---

المشاركة الأصلية كتبت بواسطة امتنان

روعة الصراحة
يسلمو ايديكي ياقمر والله يعيطك الصحة

---

ا

لله يسلمك ياحللللللللللللللللللوة
نورتيني

ما شاء الله كوكيز مش عادي

بجديات عجبني وبنجربه ان شاء الله

بنأخذ الصفار بنديره في الوصفة هادي والبياض بندير بيه بتيفور

شوفتي النظرية الاقتصادية هههههههه

بجديات عندي نية في الكوكيز اليوم وخشيت على موضوعك

لكن ان شاء الله حتى انا الكهرباء ما تنقطعش عليه

كان هادا يبدا الكوكيز متعك هو السبب هههههههه

يسلموا ايدياتك وسامحينا عالتعب اللي تعبتيه

وها نديره وتنقطع الكهرباء لما نبعتلك انا الاربعتاش ونص

نبصر عليك

وتستحقي التقييم عالكوكيز الحلو وعالتعب

تسلم الأيادي منونه
وصفه رائعة

اقتباس:

---

المشاركة الأصلية كتبت بواسطة أم ميوسة

ما شاء الله كوكيز مش عادي

بجديات عجبني وبنجربه ان شاء الله

بنأخذ الصفار بنديره في الوصفة هادي والبياض بندير بيه بتيفور

شوفتي النظرية الاقتصادية هههههههه

بجديات عندي نية في الكوكيز اليوم وخشيت على موضوعك

لكن ان شاء الله حتى انا الكهرباء ما تنقطعش عليه

كان هادا يبدا الكوكيز متعك هو السبب هههههههه

يسلموا ايدياتك وسامحينا عالتعب اللي تعبتيه

وها نديره وتنقطع الكهرباء لما نبعتلك انا الاربعتاش ونص

نبصر عليك

وتستحقي التقييم عالكوكيز الحلو وعالتعب

---

الله يسلمك ياحلوة حتى اني زيك استفدت من البياض في خليط الكريمة كستاردة فوق الكيكة
لا لا ديريها وان شا الله مايهربش الضي ، هما توا الحمد لله بدو يقصوا فيه ساعة ونص بس شوره حسوا بينا

تسلمي عالمرور العطر ياحلوة

اقتباس:

---

المشاركة الأصلية كتبت بواسطة أم لينه

تسلم الأيادي منونه
وصفه رائعة

---

الله يسلمك ام لينة وبحفظك يارب

http://www.libyan-kitchen.com/galler.../c6eb29wsw.gif

تسلم ايديك اخت منونا علىاحلى كوكيز حتى اني طريقتي زي طريقة ليبية نعمل في المربى في الوسط او نخليه يطيب ونعمل في الوسط شكولاتة

بس طريقة الحشوة جديدة وشكلها مش عادي وان شاء الله نطبقها

وكان علي مشكلتك مع الكهرباء وتحميل الموضوع راهي وخيتك احرف منك لين قريب تركبني جلطة

اقتباس:
المشاركة الأصلية كتبت بواسطة ام تغريد http://kitchen.libyan-kitchen.com/Pi...s/viewpost.gif
تسلم ايديك اخت منونا علىاحلى كوكيز حتى اني طريقتي زي طريقة ليبية نعمل في المربى في الوسط او نخليه يطيب ونعمل في الوسط شكولاتة

بس طريقة الحشوة جديدة وشكلها مش عادي وان شاء الله نطبقها

وكان علي مشكلتك مع الكهرباء وتحميل الموضوع راهي وخيتك احرف منك لين قريب تركبني جلطة

ههههههههههههههههههه يعطيهالك ان شا الله بعيد السو عليك من الجلطة اللطف الشر برا وبعيد

الله يسلمك يالالا وربي يحفظك ان شا الله وشكلها طريقة الشكلاتة حتى هي حلوة بإذن الله نجربها

يسلمووووووووووووو روعة... بس بنسالك مافيش بيكنج بودر فى الطريقة؟

يسلموا ايديك منون وصفه في منتها الروعه وحفظ لتطبيق في القريب العاجل

لا لا لا حلوة تهبل
بالار بى جى ياحليلى من هيا اللى بتقول مش حلوة تى حلوة واحلى من الحلو نفسه
ههههههه تسلك ايدياتك حسيت بيك وبالمعاناة اللى عانتيها ربى يدوم عليك صحيحتك

ماشاء الله لاقوة الا بالله

موضوع ايهبل سلم ايدياتك

بالهني والعافية حبوبة

ولك أحلى تقيييييييييييييم

ماشاء الله ماشاء الله

كوكيز يهبل

ع التبهديل اللي شفتيه حسيت بيك

إن شاء الله ربي مايضيعلك تعب

تم الحفظ

ياسلام يامنونة
شى جد رائع
ربى يسلم هاليديات
ماشاء الله
جارى التطبيق قريبا باذن الله

​ماشاء الله سلمت يداك

تسلم الايادي

ماشاءالله
يعطيك الصحه وتسلم يدياتك كيكه تهبل
لكي تقيمي

ماشاء الله كوكيز رائع
تسلم الأيادي