[مرفوسة بالترفاس] من مطبخ خدوج

http://www.libyan-kitchen.com/gallery/images/42.gif

نزلت فى موضوع سابق الترفاس وعرفتكم عليه
وطريقة تنظيفه

وهذا الرابط

http://www.libyan-kitchen.com/kitchen/showthread.php?t=3742

ونجو اليوم لطريقة
المرفوسة بالترفاس

http://www.libyan-kitchen.com/galler...es/kh56sls.jpg

يعنى شن بنحكى شن بنقول ترفاس ترفاس
رعايش ياسجودة

نحتاج للمرفوسة
تريفاسات قنينات
حبات بيض ماتكثروا
شوى سمن اوزيت
كمون ملح

بعد مانظف الترفاس نحط الترفاس مع البيض فى اناء مع الماء ونخلوهم يغلوا
فوق النار 10 دقائق وبالكثير ربع ساعة باش نضمن نضج البيض
واذا حبيتى حطى ملح
وبعد الربع ساعة نزلهم من النار ونصفيهم من الميه
ونحطهم فى صحن مناسب وجيبى شوكة

http://www.libyan-kitchen.com/galler...es/kh53bmb.jpg

http://www.libyan-kitchen.com/galler...es/kh54uhu.jpg

وبعد ماتتاكدى انك هرستيهم او رفستيهم مليح قصدى الترفاس والدحى
جيبى ملعقة سمن والافضل حيوانى وللاسف ماكان عندى سمن
فاضفت زيت وبالسمن افضل وضيقى الكمون (كمون حوت)وذوقى ملحها

http://www.libyan-kitchen.com/galler...es/kh55huh.jpg

وزينيها او تركيها سادة وقدميها مع رشة زيت فوقها
ولعشاق الترفاس تاكلوا اصابعكم

http://www.libyan-kitchen.com/galler...es/kh56mym.jpg

http://www.libyan-kitchen.com/galler...es/kh57dhd.jpg

http://www.libyan-kitchen.com/galler...es/kh58tnt.jpg

والف صحا وهنأ

ما شاء الله عليك خدوج وصفة جديدة عليا ما نعرفش الا مرفوسة الفطيرة

لكن الترفاس حتى بترابه ناكله

وتمنيت ها الصحن قدامي راني هجمت وما استنيت حد

تسلم ايديك وصحتين عليكم

شن درنالهم ياحبيبتي شن درنالهم هههههههههههههه

تريفيساااات بالدحيااات و مرفوسااااات

بنقعد ليلتين بايتة نحلم بيهم
ياروووووري تسلمي دوجة اخلى تقييم لاخلى ترفوسات وهدا الرعاش الحقاني

مانبو حد خدوج وبس بتريفيساتها وكعيكاتها ههههههههههههه

بسم الله ماااااااااااااااااشاء الله
رعايش حق ياسجودة
مرفوووووووووووووووووسة تاخد العقل
تسلم الايادي ياعسل
حق اشتركي بيها فى مسابقة لاشرقية ولاغربية
المرفوسة اكلة ليبية
تستاهلي احلى تقييم

ريتي ريتي ياغوغو انا ناقصة تعرفي الايامات هده مش مسيبة الماكلة الصحية وبس طايحة فيها حلو اشكال والوان

تعرفي كان مش التانيب الضمير راهو سمعتو اصوات تنادي من بعيد كعكـــــــــــــــي

ماشاء الله دوجة

غبتي وعلينا وجيتينا بالحاجات الحلوة

ربي يسلم ايدياتك حبوبة

مع اني ما نعلاف بنة الترفاس لكن ايجي في الخاطر والله

ما شاء الله خدوج شنو هذه
عداب عداب مش طبيعي ومع اني او مره نعرف المرفوسه بس نعرف الترففففففففففاس واه من الترفاس واه منك يا خدوج يسلموا ايديك وكيف ما قالت وحده من الاخوات شاركي بيها الوصفه هذه بيش تتري المسابق

تسلم إيدياتك دووووجه
وصفة رائعة
وتستاهلي أحلى تقييم

اول مرة نعرف ان المرفوسة ليها شكل ثانى غير الفطيرة مشكورة

ياودي قلنا غبتي مش بلاش لوحيلي ترفاستين بس ههههههه صحه صحه روعه روعه ابديت اتخرف ترفاس ترفاس

منوره علي المشاركه الي زي العسل

سلمت يداك

تسلم الايادي بارك الله فيك
طبعا مانعرفاش نسمع بيه سمع شكرا علي الموضوع المميز للمنتدي

الترفاس عقلي ودليلي نحن اهل الجبل نطلعوا نتجنوا فيه بروحنا اديرة في كل شيء لكن طريقة اول مرة انشوفها وان شاء الله انجربها باذن الله في القريب يعني لما اصير وقت الترفاس تسلم ايدك مليون

ماشاء الله..