[مشاركه في مسابقة لا شرقيه لا غربيه]كيكة الطواسي من مطبخ روح مغتربه

http://www.libyan-kitchen.com/gallery/images/jyj.gif


بسم الله الرحمن الرحيم
http://im17.gulfup.com/2012-02-05/132843988663.gif
مشاركتي اليوم مشاركه اتعز عليه ياسر لانها تدكرني
بايام الطفوله وبالدروس الي علمتها ليه امي في اعداد الكيك
وكنت نستمتع بتعلمها ومن تم باكلها وياما درتها مع امي
ايام الدراسه لما كنت ندرس ابتدائي ورفعتها امعايه للمدرسه
وكنت نفخر باني انا الي درتها
وبطلة الموضوع هي الحلوه الي اتشوفو فيها
طنجرة الكيكه وعمرها يا عزيزاتي تجاوز الاربعين عام
قولوا ما شاء الله
http://im17.gulfup.com/2012-02-05/1328439882501.gif
واتلاحضو ان اسم الكيكه غريب ماليش علاقه بالطنجره
بس الاسم ماخود من ان المعيار الي تنقاس بيه الكيكه
هو الطاسه الي اتشوفو فيها في الصوره
ومقادير الكيكه هذه هي مقادير معتمده من زمان
من حوالي اربعين عام يعني من عمر الطنجره ههههههه
والطنجره معروفه قبل الغاز يعني كانو ايطو فيها في التنور
بعد ما يكملو رمي خبزة التنور او علي السطوفه
وكانت النساء يعدو الكيك
في قرية[ اقار] في الجنوب الليبي بهذه المقادير
وهي
6بيضات [استعملت البيض الوطني من دجاجاتي ]
طاسه سكر
طاسه لبن [زمان كان يستعملو اللبن الممخوض ]
طاسه دهن[استعملت 2ملعقه كبيره سمن وطني والباقي زيت ]
3طواسي دقيق منخول
باكو بيكن بودر
ملعقه كبيره قرفه مطحونه
حبات مستكه حره مطحونه
http://im17.gulfup.com/2012-02-05/132843988332.gif
الطريقه
نخلط البيض مع القرفه والمستكه الحره
ونضيف السكر ثم اللبن ثم الدهن ونخلط كويس
http://im20.gulfup.com/2012-02-05/1328436780513.gif
تم نضيف الدقيق ونخلط ونضيف البيكن بودر
ونخلط باليد فتره ممكن دقيقتين او ثلاثة
http://im20.gulfup.com/2012-02-05/1328436781644.gif
ونجهز الطنجره ندهنها بالزيت ونرش الدقيق
ونصب خليط الكيكه في الطنجره ونغطيها ونسكر بعض الفتحات الي في الغطاء والحق ما نعرفش ليش
نحط الحديده متاعة الطنجره علي نار هاديه
ونحط الطنجره ونخليها حوالي نصف ساعة
http://im20.gulfup.com/2012-02-05/132843678165.gif
ويكون الكيك جاهز نخليه يبرد
ويقدم مع طاسة شاهي منعنعه
http://im20.gulfup.com/2012-02-05/1328436781586.gif
مانوصفلكمش الطعمه الخياليه
و بنه القرفه والمستكه مش عاديه
وان شاء ايكون الموضوع اعجبكم
تقبلو تحياتي

أنا أول رد ههههههههههه

فرحانة الطويسة المنعنعة والكيكة السمحة هادي من نصيبي

تسلم ايدياتك روح مغتربة موضوعك يهبل والكيكة صنتها وصلت من الجنوب للغرب الليبي

مواضيعك كل موضوع احلى من التاني

ومافيش حاجة احلى من طرق زمان وبنة ماكلة زمان

تسلمي روح مغتربة وتستحقي التقييم والفوز

ربي يحفظك أن شاء الله وينولك ما تتمني ويدوم عليك صحيحتك

كيكة حلوة يا روح مغتربة

وحانجربها بإذن الله

الله ايسلمك ام ميوسه والصراحة اخجلتيني
وربي ينولك ما في بالك حتى انت ويعطيك من خيري الدنيا والاخره

اقتباس:
المشاركة الأصلية كتبت بواسطة أم الرجال http://www.libyan-kitchen.com/kitche...s/viewpost.gif
كيكة حلوة يا روح مغتربة

وحانجربها بإذن الله
الله ايحلي ايامك ام الرجال
وفي انتظار تطبيقك بس ما تتفاجايش ان الكيكه مش خفيفه زي الكيكات الي توه ولما اتبات اتكون احلي

كيكة حلوة
علاقولت ام ميوسةماحلاهم
حاجات زمان
وباهي كان بنجربها بنجي للحوش
بناخد منك هالطنيجرة المسخوطة
والله كان انشوفها مانقول ادير بيها كيكة
ولا تخطر عليا
ماشاللله تسلم ايدياتك دائما مميزة
وتستحقي التقييم

بسم الله ماشاء الله
دائماً مميزة بطرحك الرائع
كيكة تهبل وماشاء الله على الطنيجرة
تسلم الايادي
وموفقة فى المسابقة
احلى تقييم لعيونك

اقتباس:

---

المشاركة الأصلية كتبت بواسطة sweet nona

كيكة حلوة
علاقولت ام ميوسةماحلاهم
حاجات زمان
وباهي كان بنجربها بنجي للحوش
بناخد منك هالطنيجرة المسخوطة
والله كان انشوفها مانقول ادير بيها كيكة
ولا تخطر عليا
ماشاللله تسلم ايدياتك دائما مميزة
وتستحقي التقييم

---

ههههههههه والله صدقتي هالطنجرة المسخوطة ما يطلع منها

تعرفي شدتني حتى أنا الطنجرة وقعدت نفكر وين بنحصلها هههههه

بجدياتت كان تنباع ألا لما نشريها نحب أدوات زمان ولا يعلى عليهم اصراحة

روح مغتربة جبتي الدوة لروحك بموضوعك هادا دبري هالطنجرة كيف تبعتيها لينا

اقتباس:
المشاركة الأصلية كتبت بواسطة sweet nona http://www.libyan-kitchen.com/kitche...s/viewpost.gif
كيكة حلوة
علاقولت ام ميوسةماحلاهم
حاجات زمان
وباهي كان بنجربها بنجي للحوش
بناخد منك هالطنيجرة المسخوطة
والله كان انشوفها مانقول ادير بيها كيكة
ولا تخطر عليا
ماشاللله تسلم ايدياتك دائما مميزة
وتستحقي التقييم

اقتباس:
المشاركة الأصلية كتبت بواسطة أم ميوسة http://www.libyan-kitchen.com/kitche...s/viewpost.gif

ههههههههه والله صدقتي هالطنجرة المسخوطة ما يطلع منها

تعرفي شدتني حتى أنا الطنجرة وقعدت نفكر وين بنحصلها هههههه

بجدياتت كان تنباع ألا لما نشريها نحب أدوات زمان ولا يعلى عليهم اصراحة

روح مغتربة جبتي الدوة لروحك بموضوعك هادا دبري هالطنجرة كيف تبعتيها لينا
ههههههههههههههههههههههه
والله ضحكتوني ربي يسعدكم
حرام عليكم هالغزيل مسخوطه
مسيكينه يا خسارة تعبها راهي عزيز من عهد الملك ادريس وبعد هالكلام تبوني نبعتها ليكم ههههههههههههههه

ماشاء الله ياروح قداش تعز عليا هاالطنجرة
بس اول ماتزوجت كنا نستعير فها من جارتى قداش تهبل
بس كيكتى مختلفة عنك
وبعدين لمن حوش بوى فضى خديتها
بس للاسف طيرت غطاها والحديدة الوطية ودرتها
قعدت غير الطنجرة ونحط فيها فى الكوشة
حتى منظر الكيك يهبل
والقديم قديم
يسلم ايديك وايدين الماما
وتستاهلى التقييم

ماشاء الله ياروح قداش تعز عليا هاالطنجرة
بس اول ماتزوجت كنا نستعير فها من جارتى قداش تهبل
بس كيكتى مختلفة عنك
وبعدين لمن حوش بوى فضى خديتها
بس للاسف طيرت غطاها والحديدة الوطية ودرتها
قد غير الطنجرة ونحط فيها فى الكوشة
حتى منظر الكيك يهبل
والقديم قديم
يسلم ايديك وايدين الماما
وتستاهلى التقييم
روح انت من غات والا سبها

ماشاء الله لاقوة الا بالله

كيكة اتهبل اتهبل وتجي في الخاطر

وسبحان الله في طبعنا نحن النساوين مافيه حاجة نحيروا فيها

لو نبوا اندير حاجة اندبرولها بأي شيء


تعرفي روح في الاول لما قريت الاسم توقعتها

كيكة زمان الي انديروا فيها في طاسة الشاهي

وانطيبوها فوق الكسكاس


لكن لما خشيت وشفتها عجبتني هلبة هلبة

وشميت ريحة القرفة في خشمي والله



ربي يسلم ايدياتك الحلوة حبوبة

وكالعادة مشاركة مميزة جداً ولك أحلى تقيييييييييييييييييم

الله ايسلمكم اخواتي خدوج وام ساره واسعدني مروركم
و الطنجره الباين بتاكل مني الجو ههههههههههه
ام ساره كيكة الطواسي الي تحكي عليها ياريت نعرفها راني درتها وحتى هي روعه
خدوج انا من سبها واصلي من الشاطي من اقار بتحديد

مرحبتين يا اخواتى
http://www.libyan-kitchen.com/kitche...AF%C3%98%C2%A7

ماشاء الله الكيكة تجنن ماشاء الله ومميزة وفي عاية الروعة وهالطنجيرة مقنينها وفعلا حاجات زمان يقعدو مميزات ولا يعلى عليهم

ما شاء الله لاقوة الابالله ربى يعطيك صحيحتك على الوصفات الحلوة

حتى انى عندى منها هده الطنيجرة لكن قداش ليا عليها ما طيبتش فيها

وكيكة الطواسى هى كيكة عادية اطيبوا فيها فى طواسى الشاهى على الكسكاس من فوق كان لحقت ان شاء الله انديرها موفقةفى المسابقة ياقمر

روح حبوبة

الكيكة دراتها خدوج مرة ونزلتها في ركن الحلويات الليبية

وبالجودة حبوبة

اهل سبها يعزوا عليا هلبة ونعرف ناس منهم لأني زرتها

ما شاء الله روح مغتربة علي كل الجديد اللي يطلع حاجات زمان ما نستغنوش عليها

والله طنجرتك فكرتني في طنجرتي لما كنت في حوش اهلي اشبح قعدة في الخزين والا تلوحت مع تحويلت امي لحوشها الجديد وياما درنا بيها وياما كلينا كيكات منها

بس مع تنوع الافران وقوالب الكيكات القديم حدفناه ورانا بس المسابقة هذه رجعتلنا كل قديم ما شاء الله

طولت عليك بالكلام ونقولك تسلم ايديك واحلى تقييم لعيونك

بالجودة ياروح بالجودة يابنت الاجواد
حتى انى نفس شعورك ياام سارة
اهل الجنوب يعزو عليا لان عندى ناس عزاز عليه
وامى اهلها من الجنوب وسالت امى عن بلدتك اقار
وعرفتنى تقريبا بيها
اهلا بيك حبوبة

ماشاء الله الباين ان الكيكه تطلع وجبه دسمه

بس قوليلى الطنجره عمرها اربعين سنه وانت متزوجه يعنى من كم سنه؟ عينى عينك الطنجره لاحستها من حوش هلك ههههههههههه

حتى انا بنمشى نلحس من اهلى الة اللويزه قاعده ملوحه فى المخزن

اقتباس:
المشاركة الأصلية كتبت بواسطة أمـ ساره http://www.libyan-kitchen.com/kitche...s/viewpost.gif
روح حبوبة

الكيكة دراتها خدوج مرة ونزلتها في ركن الحلويات الليبية

وبالجودة حبوبة

اهل سبها يعزوا عليا هلبة ونعرف ناس منهم لأني زرتها
بايك اكتر ومرحبتين بيك وسبها زي مصر الي يشرب من اميتها لازم يرجعلها ههههههههههنستنو فيك الجيه الجايه ان شاء الله

اقتباس:
المشاركة الأصلية كتبت بواسطة خدوج http://www.libyan-kitchen.com/kitche...s/viewpost.gif
بالجودة ياروح بالجودة يابنت الاجواد
حتى انى نفس شعورك ياام سارة
اهل الجنوب يعزو عليا لان عندى ناس عزاز عليه
وامى اهلها من الجنوب وسالت امى عن بلدتك اقار
وعرفتنى تقريبا بيها
اهلا بيك حبوبة

بجوده بيك اكتر خدوج وربي يعز مقدارك
والحمد لله ليبيا ما فيهاش براني الي تتعرف عليه تطلعي تعرفي حد من عيلته او بالكتير سامعه عنهم والحمد لله

اقتباس:
المشاركة الأصلية كتبت بواسطة وردة الربيع http://www.libyan-kitchen.com/kitche...s/viewpost.gif
مرحبتين يا اخواتى
http://www.libyan-kitchen.com/kitche...AF%C3%98%C2%A7

اقتباس:
المشاركة الأصلية كتبت بواسطة ام تغريد http://www.libyan-kitchen.com/kitche...s/viewpost.gif
ما شاء الله روح مغتربة علي كل الجديد اللي يطلع حاجات زمان ما نستغنوش عليها

والله طنجرتك فكرتني في طنجرتي لما كنت في حوش اهلي اشبح قعدة في الخزين والا تلوحت مع تحويلت امي لحوشها الجديد وياما درنا بيها وياما كلينا كيكات منها

بس مع تنوع الافران وقوالب الكيكات القديم حدفناه ورانا بس المسابقة هذه رجعتلنا كل قديم ما شاء الله

طولت عليك بالكلام ونقولك تسلم ايديك واحلى تقييم لعيونك

مرحبتين بيك ورد الربيع انستينا وشرفتينا
ام تغريد زي ما قلتي الحاجات الجديده طغت علينا بس كل مده اتهف عليه الطنيجره وكيكتها وسبحان الله نكهتها اترد الروح

اقتباس:
المشاركة الأصلية كتبت بواسطة نسمه ليبيه http://www.libyan-kitchen.com/kitche...s/viewpost.gif
ماشاء الله الباين ان الكيكه تطلع وجبه دسمه

بس قوليلى الطنجره عمرها اربعين سنه وانت متزوجه يعنى من كم سنه؟ عينى عينك الطنجره لاحستها من حوش هلك ههههههههههه

حتى انا بنمشى نلحس من اهلى الة اللويزه قاعده ملوحه فى المخزن

تبي الحق مش غير دسمه ناكلو فيها علي ثلات ايام اطريف منها ايشبع
والطنيجره مش من اهلي الطنجره طنجرة عمتي لانها مش قاعده خويتك حايسه في الحوش وتلبع بالمقتنيات الثمينه وهي عندي احسن من طنجره امي لانه اكبر
وبري جري الحسي الماكينه لو كان نعرف حوش اهلك نمشي ناخدها ام هدايه ما دارت فينا خطرتها عليه يعطيها السلامه ووخيتك الحمل امخليها طماعه لابعد حد

ماشاء الله كيكة اتجي في الخاطر ربي يحفضك مواضيعك واحد احسن من التاني
ولكي تقييمي

سلم ايديك متميزه دائما

ماشاء الله
يسلمو الايادى
ربى يعطيك الصحه
ودى

مشكوررررررررررررررررررررررررة
حتى اني زيك
كيكة الطنجرة مافيش احلى منها
صحيتي عليها

http://akhawat.islamway.com/forum/up...1155500579.gif

http://www.karom.net/up/uploads/132533875712.gif

يا وخيتي سلمها و سلم ادياتها طنجرة زمان و حاجات زمان لا يعلى عليها

بالجودة بك روح مغتربة وربي يعمر بيتك و يحفظلك الوالدة يا رب لك احاى تقييم و اروع نجمات

الله الله علي ايام زمان
خطرتي عليا طنيجرت امي الله يطعيها الصحيحة
اول مااوعيت كنت نشبح في امي اطيب
بيها الكيكة ع الغاز وبعدين ولت اتخش في وسط
الغاز وبعدين انعدمت كاني كيفك نعزلها من التطيب ونخليها تحفة
على العموم لهينةفي الطنجرة ونسينى الكيكة مع انها حتى هي تحفة
تسلم ايدياتك وباذن الله انجربها لان مكوناتها خلتني نطعم كيكة زمان
ولاكن حاسة ان سر الطعم في البيض
لكي تقييمي

ماشاء الله تسلم إيديك