عرض للطباعة
السلام عليكم
يابنات نبى نشري عجانه
مانعرفش حد من حبيابي عنده
قلت مافيها إلا نسأل خواتى
يلى فى المنتدى
نبى احسن نوعيه
وشنو رايكم نأخذها كامله يعنى معاها
فرامة اللحم
وخلاط
ومعاها كم حاجه اخره
او نأخذه وحدها
انا عجبتنى امتاعت منال العالم
بس مش عارفه متوفره عندنا فى بنغازى اولا
بس حتى كان فيه منها فى طربلس
انجيبه عادى
ونبى نعرف كم سعر
:eek:ه
حبيبتي ليبيا
انا انقولك عن تجربتي الخاصة
انا خذيت severen
وهي ممتازة غلطتي اني خذيتها كاملة لأني لحد الأن ما استخدمت الفرامة متع اللحم او اللي يشكلوا بيها الكعك
اما الخلاط فهو مهم
تقريبا كاملة كلفتني حوالي 650 دينار
اما متع منال العالم فهي موجودة بطرابلس ب 850 دينار تقريبا وهذا من السن اللي فاتت مانعرفش ممكن السعر تغير
ويارب نكون افدتك
حتي انا نبي نسال عن عجانه منال العالم ( كين وود )يا ريت الاخوات ايقولولي سعره كام لان هنا القيتها في جو 400 دينار ليبي
ليبيا حبيبة
مبارك عليك قبل ما تشريها ( وحدة مستعجلة )
حبيبة أنا من مشجعي ماركة بوش
لقيتها في مجمع بنغازي التجاري عجانة بروحها
ستانلس ستيل معاها ضمان
بس غالية شوية وتستاهل سعرها
1165 دينار ليبي
من قريب سنة
وننصحك لما تبي تاخدي عجانه خوديها بروحها
لأن لما يكون معاها طروف تانية حتلقي روحك تشغلي
في كم اداة وبموتور واحد بس
وهذا يرهق الموتور ويخليه يعطل بسرعة
لكن كل وحدة بروحها أفضل ( وهذي عن تجربتي بروحي )
ويوم يعطل الموتور تعطل الدنيا كلها
بالنسبة لكينوود حلوة حتى هيا أخت زوجي عندها منها
بس بوش لو تشوفيها حتقولي مش حناخد غيرها
انا عن تجربة حبيبة جربت كتشين ايد وهي ممتازة وسلفتي خدت سيفيرين وسلفتي التانية واخدة كين وود وكل وحدة فينا تشكر في اللي عندها انا اللي عندي خديتها ب600 دينار من محل مقابل محل تيفال في بن عاشور وننصحك متاخديش اي ملحقات معها لان هدا بيتقل على الماتور وهده نصيحتي ليك وفي نوعية توا عند تيفال هي كابريس وممتازة اقريبا ب500 دينار وانتي اختاري
يسلمووووووووو
ياغاليات
السلام عليكم
اختى ليبيا خودى نصيحة سجوده والله كلامها درر الا فى تيفال انى بادن الله
بنشريها قال صاحب المحل انها احسن من
كينود والعهد على الراوى بس حتى النوعيه الاعند سجوده مش عاديه كلهم الشيفات الافى فتافيت يستعملو فيها
وانتى وراحتك
بنات كتشن ايد وكينوود الزوز تقريبا نفس الجودة لكن وحدة أمريكية والتانية انجليزية وفي فتافيت تلاحظي الشيفات الانجليز يستعملو كينوود وشيفات أمريكا يستعملو كتشن ايد
متهيألي كيتشن ايد أغلى لأنها في بريطانيا أغلى
على كل حال لما بتشري شوفي مواصفات الآلة يعني الواط كم وسعة حلة العجن كم
كينوود الواط يبدا من 800 والسعة من 4 وشوي لتر
والسعر حسب الواط والسعة ومميزات تانية
أني نفكر نشري كينوود لذلك قريت عليها هلبة وعرفت جميع العائلات أحسنها واللي ماشية توا اسمها Kenwood shef وفي عائلة اسمها Kenwood titanum حتى هيا كويسة
ممكن نحاول ندير عليها موضوع مفصل بالصور في أقرب فرصة
عجبتني فكرة البنات انك ما اديريش عبئ على الماكينة وماتشريش طروف معاها لكن مع ذلك فيه كم طرف نفضل شرائهم معاها (نقصد الكينوود شيف) أول شي حلة الآيس كريم والتانية مطحنة الحبوب والسبب إن حلة الآيس كريم ماتستاهلش شراء ماكينة تانية وتعبي بيها المطبخ وكذلك على الأغلب بتستعملي العجانة لتحضير كريمات مرافقة للآيس كريم فمافيش داعي تزحمي روحك بماكينتين في نفس الوقت
أما بالنسبة للمطحنة لأنها رهيييبة وقوية تطحنلك حتى الحمص والقمح تخليهم بودرة (طبعا هذا كلام الشركة أني قاعدة نراجي في التخفيضات باش ناخد وطبعا هيا شركة موثوق فيها وشعبيتها كبيرة في بريطانيا)
أتمنى يكون هذا الملخص أفادكم وسأحاول تجهيز موضوع عنها في القريب العاجل إن شاء الله
طمطومة حبيبتي تسلمي على الرد المفصل الا اني نختلف معاك في راي في المطحنة والة الايس كريم انا نفضل ان كل شئ بروحه بالذات لاي شئ يبي مجهود للموتور وبالنسبة لوعاء العجن هده سياسة يستخدكو فيها اصحاب الشركات لان لوتلاحظو يابنات ان كل عجانة من ضمن ملحقاتها يقولولك ان لو تبي وعاء تاني ليها تقدري تشريه بروحه وطبعا حسبته بالشئ الفولاني ,وياريت تقدمي موضوع تفصيلي على كل نوع عجانة بس نبي نزيد نقوللكم على العجانة اللي عند تيفال وهي ماركة كابريس الحق ممتازة ومولى المحل بذاته شكرها . وانتي واللي يريحكاقتباس:
المشاركة الأصلية كتبت بواسطة طمطم
السلام عليكم
عن
العجانة موجوده في محلات الغويل في بنغازي وهي الماكينه الاساسيه وفيها عجانه ومضرب دحي وبعدين باقي الملحقات انتي اتضيفيها براحتك من ضمنها ماكينة الرشده تقريبا 700وكنيود ماركة عالمية وشفتها فى البيضاء كاملة 1000دينار
وشفت فى المول اللى فى السلمانى مجموعة اقنينة
الساجدة لله .. شكرا حبيبتي على تعليقك وخليتيني نفكر أكتر في حكاية اني نشريلها ملحقات ... بس مش عارفة لو ما لقيتش مطحنة كويسة زي متاع كينوود ممكن ناخدها كلمحق وخلاص لكن زي ماقلتي ممكن الآيس كريم تلتغى
تسلمي حبيبتي
أما الموضوع هنحاول انزله في أقرب فرصة
بس بالنسبة للعجانة اللي من تيفال ممكن حبيبتي تكتبي اسمها بالانجليزي؟ نبي نشوفها عالنت ونحاول ندور ريفيو عليها
تعرفي يا ساجدة دخت ندور عليها عجانة تيفال مالقيتهاش، حتى في موقعهم الرسمي مهناش عجانات بكل... ياريت تكتبي اسمها بالانجليزي حبيبتي ساجدة
آه على فكرة حتى أني نبي نصيحة بنات بالله
في قلاية من تيفال مش عادية حسب ما يقولو تستعمل ملعقة وحدة زيت بس وهادي صورتها
[IMG]file:///C:/DOCUME%7E1/Tamader/LOCALS%7E1/Temp/moz-screenshot.png[/IMG]http://www.tefal.co.uk/NR/rdonlyres/...FZ7000_470.jpg
لقيتها في طرابلس ب300 وهني في بريطانيا تو مخفضة ب£121 يعني 200 وشوي ليبي
شن رايكم ناخدها والا كلام دعايات؟
على فكرة 411 في موقع أمازون مدايرين عليها تقييم منهم 247 عاطينها 5 من 5
حبيبة خوديها وعيونك مغمضين انا واخدتها ومش عادية ونصيحتى خوديها لانها روعة وبالنسبة لتيفال مافيشي عجانة بس المحل اللي اهني عارض عجانة krupsاقتباس:
المشاركة الأصلية كتبت بواسطة طمطم
وهي كويسة حتى سعرها مناسب جدا
ساجدة بالله قوليلي نقدر اندير بيها القلاية هادي اين حاجة زي المبطن وهي يعني اين حاجة تبي قلي نقليها بيها عادياقتباس:
المشاركة الأصلية كتبت بواسطة الساجدة لله
انا طايقة بطاطا مقلية معموله بيها هي كويسة الحق لكن اتحسيها مش زي الي مقليها عادي
ساجدة بالله قوليلي نقدر اندير بيها القلاية هادي اين حاجة زي المبطن وهي يعني اين حاجة تبي قلي نقليها بيها عادياقتباس:
المشاركة الأصلية كتبت بواسطة الساجدة لله
انا طايقة بطاطا مقلية معموله بيها هي كويسة الحق لكن اتحسيها مش زي الي مقليها عادي
اه وبنقولك حتي المعجنات الي تنقلي قلي نقدر انديرها فيها
اقتباس:
المشاركة الأصلية كتبت بواسطة سحابه صيف
نستنو ساجدة تقوللنا مادامها مجربتها
لو يجي فيها المبطن تبدا واو روعة
لكن المشكلة إن فكرتها انها تقعد تحرك في الحاجة وادورها باش تنقلى الحاجة من كل الجهات... الله أعلم لكن نحس فيه مايجيش فيها
أه نسيت نشكرك ساجدة على النصيحة... شبه قررت ناخدها إن شاء الله ... بس ادعولي الميزانية تتعدل وربي يبارك لي في تحويشتي
يابنات انا المعجنات ماجربتهمش فيها بس الناجتس والحمبري بانيه جربته بيها اما المبطن ماجربتاش ... بااذن الله نجربه ونقوللكم
خلاص نستنو ساجدة.... لكن ديري وحيدة بس جربيها قبل مش تحطيهم كلهم وبعدين تقولي دبرو عليا بنات المنتدى.....آهه أهو قتلك جربي وحيدة وصوريهالنا... ولو مشت تمام كملي.... ربي يهنيك
ماشاء الله بنات قاعدين ما قررتوا شنو تختاروا
انس نتبع فيكم ونبي نرعف شنو احسن الانواع ومن وين والسعر كم
مش حناخذها توا لكن ان شاء الله بعد وقت لما نسكن في حوش جديد
وبالنسبة لقلاية البطاطا يشكروا فيها لأنها اقتصادية في الزيت وصحية
وربي يتمم لكن على خير يارب
والي بتشري حاجة تبيدها بالهني ان شاء الله
يابنات اني نعرف وحدة عندها قلاية البطاطا من ناحية البطاطا مليحة والأسكلوب والناجتس ولكن المبطن اتديره لكن لازم اتنحي الأيد اللي فيها اللي تبرم الداخل وبها الطريقة لازم انت كل مرة تدوري المبطنات متعك لأنه اليد اللي فيها حتفتفتهم لو خليتيها
وبالنسبة للمعجنات لايمكن ومستحيل انك اتطيبي فيها
والله اعلم
نصيحة الللي بياخد تاخد من تيفال حاجات مضمونة خودي
وانسي وحتى عجانة كينويد المانية مشكورة حتى هيا نفس عجانة منال
لكن نرجع ونقولك امشي تيفال اللي في طرابلس بن عاشور واسعاره بين 600 و800 مع ضمانة والجودة
ومبروك عليك كان شريتيها مقدما
مشكورات يابنات
انا ننصحك بأن تاخدى كينود او بوش لان الاتنين كويسات