[طلب] أفكار حلوة لأكلات عزايم سهلة التحضير

السلام عليكم عند عزوما كبير نبي اكلات سهلات التحضير اوتتخضر مسبق وافكر جديد انتم عارفين يد واحد وطفلين وغربه ولكم كل شكر وتقدير

وعليكم السلام
مرحبتين وخيتي ربي يعينك يارب ويسترك فى عزومتك
حبيبة حددي نوع العزومة
الاكل الى تبيه مثلا راح اطيبي مسقي ولا رز بخلطة حسب نوع الاكل
والمعزيم عيلة ولا عزابة حسب حددينا وان شاء الله البنات يساعدوك
وعندك فى ركن المعجنات مليان وصفات تجنن والحلويات فى حاجات روعة عندك التشيز كيك تقدري اديريه قبل العزومة بيوم افضل ايجيك

​زي ما قالتلك اختي مغتربة7 انتي قولليلنا وان شاءالله نساعدك

:rolleyes:والله انشاء الله ربي يسترني اول مره نديره بروحي
اعزومتي نسونات والمسقي مش حنقدر عليه لان المعزيم هالبا وتبي طناج كبار وانتم عارفين الغرباء طنجرن كيف ممكن رز او شعيراو الازانيا
مشكورين :rolleyes:

حبيبة ربي يعينك يارب خلاص معناه ديري رز بالخلطة يستر وطريقة الغالية زينب محمد روعة وديري معه ثلاثة انواع موالح ونوعين سلطة الموالح والسلطات جهزيهم قبلها بيوم وديري نوع حلو مع مكسرات وبأذن الله مستورة حبوبة

أختي ماشاء الله علي الأخوات ساعدوك لكن أني بنضيف شيي تقدري اتديري رز بالخلطة أو شعيرية بالمكسرات الطرق عندك في ركن الاطباق الرئيسية و نوعين متلا اوزي ماتحبي من المعجنات حاولي اتيريه قبل بوقت واحغظيها في الفريز أني في أخر عزومة لينة درت هكي درت معجنات وأبواق بنفس العجينة لكن ماحشيتش ودرت تارت مالح حجمه صغير ومحشيتاش وحطيتهم في الفريز ويو العزومة الصبح طاعت المعجنات وخليته ينطلقوا من الثلج براحتهم وبديت نحشي قبل جيان الضيوف بشوي والتارت عادي حتى طلعي واحشيه قبل بشوية وخلينا يوم العزومة عالمسقي والعصبان ومتنسيش السلاطة وكان تقدري اتديري مشاوي حلوة وتساعدك لان تقدري اتبليها قبل بفترة يعني يوم العزومة متلا تبليها الصبح وتلقيها واتية كان عالشوي وأما بانسبة للحلويات لوعندك وقت جهزي قبل نوع بسكويت متلا وعندك الكيكات انواع عديدة تقدري اتجهزي الليلة اللي قبل العزومة نوع والمنتدى ماشاء الله مليان اكلات مميزة وحلوة شوفي واختاري الللي يناسبك اتمنى اني افدتك واللي تقدري عليه ديريه وايعني اني شرحتلك كيف اتصرفت في العزومة بيش اقدرت نستفيد من الوقت وانت ديري اللي يناسبك وأين حاجة تبيها تفضلي اسئلي

وعليكم السلام

أول شي حبوبة تقيدي بقوانين المشاركة مكتوبة عندك في القسم وماتزعليش مني

بالنسبة للعزومة تقدري اتديري أزر بالخلطة زي ماقالولك واتديري معاه نوعين سلاطة مثلا سلاطة مقليات وسلاطة مكرونة وبالنسبة للحلو فيه هلبا حلويات ساهلة وبسيطة مثلا هرم الشامية للحبوبة أم سارة
http://www.libyan-kitchen.com/kitche...3-%D3%C7%D1%C9

أو شوكلاتة حبات البندق ورقائق الكورن فليكس للحبوبة زينب محمد

http://www.libyan-kitchen.com/kitche...8-%E3%CD%E3%CF

واتديري مقبلات أومعجنات ومكسرات

تقبلي مروري

ماشاء الله الحبوبات ما قصروا معاك

وربي يعينك حبوبة ويسترك مع ضيوفك وخيتي

واهم شيء التجهيز المسبق لبعض الاكلات حتى تاخذي وقتك يوم العزومة


وننصحك بطريقة زوبة في الأرز المخلط وتقدري اديري زي ما قالت لك مغتربة

ثلاث انواع حار ونوعين سلطة

وديري دورة في أركان المنتدى او ديري بحث على اي وصفة مرغوبة

وان شاء الله تلقي الي يرضيك واكثر

شكرا لي كل من حوال يساعدني والله ماقصرتو
واسف لان ماتقيدي بقوانين الان ماقرتها وشكرا علي نصيحى لكان حسب معلوماتي المتوضع ان مايجي الارز مع وسلاطة مكرونة وبالنسبة للحلو الحق واتي لانه يبي وسع وانا معنديش وقت وشكرا حبوبتي ليبيا حر

وانشاءالله ناخد بنصيحتكم

حبيبة ركن المقبلات مليان انواع سلطات
تقدري دري سلطة مشوية ساهلة وجهزيها قبلها بيوم ولا يومين
وديري سلطة الكرنب والمايونيز ساهلة

والحلو حتى جاهز كويس

موفقة ان شاء الله ما تنسيش تصوري العزومة وتنزليها

ان شاءالله ربي يساعدك ويسترك قدام ضيوفك ووخياتي كفو ووفوا لكن انا في عزومة وايد وحدة اختاري انواع الحار اللي تقدري توتيه قبل بيوم يعني اللي تجهز في الفرن ولا انصحك بالمقلي لانه ياخذ منك وقت وفي نفس الوقت ما تقدريش اتجهزيه قبل بوقت والسلاطات ماشاءالله المنتدي معبي وانشاءالله ربي يساعدك

نبي ندير كباب هل ممكن انجهز قبل بيومين ولي تعرف طريقه مطمونا تقولي وجرائكم اللن خير

الاقتباس غير متاح حاليا

اول شئ ربي ايساعدك ويعينك وبعدين الاخوات مقصرنش والمنتدى مليان بالافكار والابدعات
وحبيت انساعدك انا شخصيا اندير فيةوقت الزنقة وهو تارت بالتوست تاخذي توست طازة وتقصي الحواف ونفردية وتدهنية بشوية زيت وتحطية في قوالب الكب كيك وتحشية
الحشو عبارة عن مفروم ابيض طايب فلفل حلو ممكن الوان لو متوفر مكعبات طماطم بيض نئ حتي يمسك الحشو وتدخلية الفرن حتى يحمر التوست اترشى علية جبنة وصحتين
لو مش متوفرات قوالب الكب كيك ممكن نفردى التوست واتحطي الحشووتمسحي اطراف التوست بعجنة اللصق وهي عبارة عن دقيق وماء وتلف التوست ولكي الخيار ياتلبسية بالبيض والخبز المرحي وتقلية او تقلية بدون تلبيس
الحشو ممكن تعملي يلي يناسبك

أهلين أختي ان شاء الله مايكونش ردي جاء موخر
بالنسبة للكباب والكفتة تقدري تطيبيهم قبلها حتى اسبوع
المهم تلفيهم كويس وهما فريش وتحطيهم في الفريز وبعدين يقعد على التسخين
وأهو بنعطيك صور من المطبخ الليبي واختاري اللي يعجبك...

الأطباق الرئيسية
مكرونة شعرية بالمفروم من مطبخ زينب محمد

http://im25.gulfup.com/2012-04-26/13354116565610.jpg

http://www.libyan-kitchen.com/kitche...8-%E3%CD%E3%CF


الرز بالخلطة من مطبخ زينب محمد

http://im18.gulfup.com/2012-04-26/13354118695610.jpg

http://www.libyan-kitchen.com/kitche...8-%E3%CD%E3%CF



رز بالخضروات المقلية من مطبخ زينب محمد

http://im26.gulfup.com/2012-04-26/13354119842410.jpg

http://www.libyan-kitchen.com/kitche...8-%E3%CD%E3%CF



مقبلات
البيض الأسكوتلاندي من مطبخ زينب محمد


http://im15.gulfup.com/2012-04-26/13354135042910.jpg

http://www.libyan-kitchen.com/kitche...8-%E3%CD%E3%CF


مبطن الفليفلة بالدجاج من مطبخ أم سحر

http://im24.gulfup.com/2012-04-26/13354178135610.jpg

http://www.libyan-kitchen.com/kitche...7%E3-%D3%CD%D1


كيكة البطاطا من مطبخ ميرولاكي

http://im30.gulfup.com/2012-04-26/13354121399810.jpg

http://www.libyan-kitchen.com/kitche...DC%DC%DC%DC%EC



المعجنات
كريب الدجاج والجبن من مطبخ sweet nona

http://im24.gulfup.com/2012-04-26/13354122331510.jpg

http://www.libyan-kitchen.com/kitche...%CE-sweet-nona



كانيلوني من مطبخ زهرة البنفسج

http://im28.gulfup.com/2012-04-26/13354122562910.jpg

http://www.libyan-kitchen.com/kitche...C8%E4%DD%D3%CC



السلطات
سلطة البطاطا من مطبخ بنت حواء

http://im28.gulfup.com/2012-04-26/13354128874410.jpg

http://www.libyan-kitchen.com/kitche...A-%CD%E6%C7%C1


سلطة الفتوش من مطبخ مغتربة 7

http://im13.gulfup.com/2012-04-26/13354125921410.jpg

http://www.libyan-kitchen.com/kitche...%CA%D1%C8%C9-7


بالنسبة للمعجنات ممكن اديريهم قبلها بيوم
والسلاطات ساهلات هلبة تاخذ نص ساعة أو أكثر شوية
وحتى المقبلات اخترتلك الساهلات ماياخذوش وقت
وماتنسيش تصوري وتورينا عزومتك

شوفي هي طريقة الكباب الي نعرفها وندير فيها

لحم مفروم وملح وشوية فلفل اسود هذا الاساسي بس اني نزيد فيه في مية البصل

ونخليه من الليل يتخمر ونشويه ثاني يوم وبعدين نضيف له المعدنوس

وفيه من يضيف له المعدنوس من الاول


هذا طلبك حبوبة


كباب ومشاوي من مطبخ امـ الجميلات


http://www.libyan-kitchen.com/kitche...t=%DF%C8%C7%C8


لفائف الكباب من مطبخ امـ سوما
http://www.libyan-kitchen.com/kitche...t=%DF%C8%C7%C8


مشويات العيد من مغتربة 7

http://www.libyan-kitchen.com/kitche...DF%C8%C7%C8%5D



واستخدمي خاصية البحث وتلقي وصفات ثانية ان شاء الله


وتقريبا تقدي تجهزيه قبل بيوم عادي وثاني يوم سخنيه وحطيله فحمة والعة جمرة وغطيه بسلفر



وان شاء الله الحبوبات يفيدوك

مشكرين والله مقصرتو الحق استفدات منكم

حبيبتي الموضوع سهل المهم تنضمي وقتك وزي ما قالولك الاخوات ارز بالخلطة طريقة زينوبة انى مجربتها مش عادية وسلاطة مشوية وحتى البرديم فوق الرز منظرة حلو والمعجنات وان شاء اللة ربي يسترك