[ مشاركة في مهرجان الصيف ] كيكة الباونتي من مطبخ لــــوبا

http://www.libyan-kitchen.com/galler...bkmddbjall.gif


السلام عليكم ورحمة الله وبركاته

قلت هيا المهرجان بدي وخليني انشط البنات
مع انه درت اندار مبكر من قبل هههههه

كيكـــــــــــــــة الباونتـــــــــــــــي


http://www.libyan-kitchen.com/galler...es/img3647.jpg


http://www.libyan-kitchen.com/galler.../img000rdr.jpg


الطبقة الاولي باسطي كاكاو عادي

http://www.libyan-kitchen.com/galler.../img000ckc.jpg

4 بيضات - فانيليا- كوب سكر -( تخلط مع بعض حتي تصير بيضاء )
نضيف ( كوب حليب - نصف كوب زيت ) ونخلطهم كويس
ننخل الدقيق حوالي 10 ملاعق كبار ونضيف عليهم 3 ملاعق كبار كاكاو
وملعقه كبيرة بيكنج بودر ( ونخلط بهدوء )

نرفعه الي الفرن مسخن من قبل في الوسط علي حرارة 180 لمدة 45 دقيقة او اقل

ملاحـــــــظة :

ارتفاع كميه الطبقات انت تتحكمي فيهم علي حجم الطاجين وعلي دوقك
تحبيه مرتفع عن التانيات او لا
بالنسبة ليا ماحطيت الكميه بعيني صبيت كميه وقدرت قداش بيرتفع
وكل الطبقات انت تزيدي فيهم وتنقصي كيف ماتبي الحجم والبنة
بعد الانتهاء من تحضير الكيك ماتغطيشي لانه بخار الماء بينزل علي الشكولاته ويخربها
ممكن تتركيه بره لحد ما يبرد وبعدين ادخليه للتلاجة وتغطيه
هده الملاحظة مهمه جدا

في هده الفترة نحضروا الباقي

الطبقة التانية :

المكونات :

2 كوب جوز هند - 3 ملاعق سميد - كوب ونصف حليب سائل ( مع الزيادة ان احتجتي )
ربع كوب زيت - نصف كوب سكر

http://www.libyan-kitchen.com/galler.../img000ttt.jpg

نخلط كل المقادير ونحطهم علي النار حتي تغلي وتتماسك وتصب فوق الطبقة الاولي

http://www.libyan-kitchen.com/galler.../img000rir.jpg

الطبقة التالته :

علبة قشطة - نصف كوب سكر - 3 ملاعق كبيرة كاكاو - ملعقة كبيرة زبدة
3 ملاعق كراميل ( من الحليب المحلي) وهدا اختياري وانا اضفته ورهيبه البنه

http://www.libyan-kitchen.com/galler...img0000053.jpg

http://www.libyan-kitchen.com/galler.../img000jfj.jpg

نحركم علي النار حتي تتماسك وتغلط وتصير تقيله ونصبها علي الطبقة التانيه
نخلية يبرد في التلاجة اقل شي ساعتين اوحتي لليوم التاني
ممكن تزينيها كيف ماتحبي او تبقي بدون في كلا الحالات منظرها تحفة

http://www.libyan-kitchen.com/galler.../img000oqo.jpg




http://www.libyan-kitchen.com/galler...es/img3646.jpg


http://www.libyan-kitchen.com/galler.../img000pfp.jpg

http://www.libyan-kitchen.com/galler.../img000ara.jpg

http://www.libyan-kitchen.com/galler.../img000izi.jpg

وهدا عن قرب بيش تشموا الصنه وادوقوا البنة

http://www.libyan-kitchen.com/galler.../img000iji.jpg

وان شاء الله تعجبكم والبنة رهيييييبة

ماشاء الله سلمت يداك لك تقييمى

امممممممم كيكه تهب
شكلها حلو واكيد طعمتها
احلى تسلم الايادى وجارى
التقييم والتطبيق انشاء الله

بنت الاشراف شكرا لمرورك وتقييمك

http://www.libyan-kitchen.com/galler.../img000iji.jpg

خديت حصتي ولي عودة ان شاء الله

http://www.libyan-kitchen.com/galler.../img000izi.jpgنزلت طرف الكيك أولا بعدين قلت انعلق,كيكة تحفة فعلا,سلم إيديك ولك أحلى تقييم,سؤال بسيط انسيت كيف اتدير الكراميل من الحليب لو أمكن اتذكرنى.

http://www.libyan-kitchen.com/galler.../img000pfp.jpg

يمممييييييييييييييييي

قطعة وحدة ما تكفي

شكلها ايهبل

تسلم ايديك لوبا

في انتظار جديدك

تسلم الايادي ياغالية ماشاء الله كيكة تهبل وهده بالذات مانقدرش نقاومهاااااا

كيكة تحفة ومن ايدين لوبا تستاهلي عليها أحلى تقيييم

شن ها الابداع يالوبا ماشاء الله لاقوة الابالله
كيكة تهبببببببببببل واكيد الطعمة روعة
تسلم الايادي الى تلتف بالحرير
مشاركة رائعة وتستحق التقييييييم
موفقة يا احلى لولو

حلوووووووووووووووووووووووووووووه
تسلم ايدك
صحتييييييييييييييين

سلمت يداكي بجد ابدعتي

شن هالإبداع يالوبا ؟؟؟ سهفتينيييييييي شكلي بنوض انديرها توا :p
ماشاء الله تبارك الرحمن........ سلم يدياتك......... وبالتوفيق

تعرفي يا لوبا من أمس نخش ونطلع للمنتدى ونشوف في الكيكة وعيوني قريب تطلع وماعرفت كيف نرد عليها المنظر والطعمة وكل شي أكيد أكيد غير عادي وتخلي الواحد يبي يهبل بيش يدوقها وتخليه يفكر يلبس ويمشي جري لاقرب سوبر ماكرت ويجيب حاجتها ويديرها ومش عارفة لو كان حيصبر لين تبرد باش ياكل منها لا وتقولي خليها لليوم التاني ربك يستر ماناكلها من هي في الفرن حنجرب ونقولك قدرت نراجي أم لا عارفة روحي حكيت مالاحد بس الكيكة تخليك تحكي وتحكي بلا فرينومانو ولا كنترول تسلم الأيادي وتستحقي احلى واجدع تقييم

روعة مشاء الله يسلم ايديك....

ماشاءالله يسلمووو ايديك لبولوبا ههه

شكرا لمروركم اللي فرح قلبي
عزيزتي ام عدنان الكراميل حطيب كمية شويه من حليب المحلي
في طنجرة علي النار وخليتها لين سحن الحليب وصبيت عليه
ملعقه صغيرة كاكاو ( علي حسب ماتحبي وحسب الكمية)
ونقصت النار علي اخر درجه يعني درجة قبل مااطفي الغاز بشويه
ولانه الكمية قليله طاب خلال نص ساعه لكن لما تكون واجدة الكميه ياخد
ساعة مع التحريك كل دقيقتين

ام عدنان نسيت نباركلك علي الطرف اللي خديتيه واخيرااا

شكرا ليكم وحدة وحدة ويا ام ايوب والله حتي اني مارجيتها
تبرد واجد حتي وين قصيتها قصيت لينا 3 قطع قالو عيينا من الشمان
وهيا دافية الشكولاته ساحت شويه ولكن لما تبرد باقي القطع كل طبقة واضحه عن التانيه مش متلبزات
حتي شويه كانها بالمسطرة اصبري وديري بالك اديريها واحداك العويله هبلوني
وبنتها مسقعه احلي من دافيه ولازم تورينا من تحت ايديك

يسلموا يسلموا لوبا

شكلك داخله عالصيف بقوه واندفاع

كيكه رهيبه

لي عودة

دخت من حلاوتها يا luba ما شاء الله بأذن الله حانجربها
تسلم ايدياتك الحلوة

الله يا لوبا محلاها

بنة وصنة وشكل

تهبل ما شاء الله تسلم ايدياتك

وصفاتك كلها متميزة يا لوبا ابدعتي

احلى تقييم ليك

واحلى بداية مشاركة في المهرجان

تستحقي التقييم حبيبة

ماشاء الله
لاتقاوم الحق اتهبل
قدرتي تصبري يوم
شكلها تحفه ماشاء الله
الله ايسلم ايدياتك الحلوة

بارك الله فيكن علي التعليقات اللي تفرح شكرا للتقييم والتتبيت

تسلم الايادي يا لوبا

اني مجربتها كيكة تهبل

روعه يسلم ايدياتك

بارك الله فيكم نورتوا الصفحة شكرا لمروركم الرائع

شكلها كيكة تهبل والبنة أحلى وأحلى
يسلموا أيديك يالوبا..

ماشاء الله عليها
لديدددددده شكلها
خشت للبرمامج وحتطبق بادن الله.............
خطيررررررررررررررر مرااااااااااااااااااااااا

ما شاء الله لولو كيكة نازكة تسلم ادياتك النقييم مباش يمشي لك اروع نجوم يا مبدعة

الله يسلمكم ونورتوا الموضوع ربي يدوم علينا اللمة الطيبة بارك الله فيكم

واو لوبا

ابداع وتالق


قيد التنفيذ فى اقرب وقت

يسلموا الايدين يارب

اهلين نسومه نورتي جربيه ومش حتندمي رفعته مع في زردة من يومين الكل قريب هبلوا عليها
وقالوا لازم تبعتينا الطريقة وعندي ملاحظه مهمه وكتبتها حتي فوق

بعد الانتهاء من تحضير الكيك ماتغطيشي لانه بخار الماء بينزل علي الشكولاته ويخربها
ممكن تتركيه بره لحد ما يبرد وبعدين ادخليه للتلاجة وتغطيه
هده الملاحظة مهمه جدا

حلوة حلوة حلوة ماشاء الله تسلم ايدك على هذا الإبدااااااااع .

http://www.libyan-kitchen.com/galler.../img000iji.jpg

الله يسلمك وينجيك امولة اسعدني مرورك

بصراحة لاتقاوم وتبيض الوجه قدام الضيوف
تسلم الايادي وربي يحفظك
لكي احلى تقييم

تسلم الايادى ....خفيفة وحلوة..منورة بالوصفة نجك نجك

ماشاء الله

أبداع

تسلم الأيادى

تسلموا الايادي يالوبــــــــــــــــــــــــــــــــــــــــــــا ;)ملف مرفق 1343

ما شاء الله لوبا ربي يعطيك الصحه
الصراحه روعه
طبقتها وكانت خياااااااااااال منظر وطعم
ان شاء الله نزل تطبيقي مرة اخري المرة هذه الصور مش واضحه
تستحق النجوم
بارك الله فيك