[ أرز ابيض بالطماطم والخيار ] من مطبخ لوبا

السلام عليكم ورحمة الله وبركاته


http://www.libyan-kitchen.com/gallery/images/haha.gif

أرز أبيض بالطماطم والخيار


http://www.libyan-kitchen.com/gallery/images/la162.jpg



هذه الاكله لااعرف من اين ليبيه او عالمية الحق خطرتها عليا ام رميصاء ربي يبارك فيها

قريبه الاكلة من اللي كلتها هيا وصاحباتها ومصورتها في موضوعها

اكلك علي عجلة

وهدا الارز ادير فيه عمتي ( ام زوجي ) ربي يعطيها الصحه ويدكرها بالخير وتجيب فيه معاها

وين نتغدوا فناكلوا فيه ونسيبوا في غدانا الحق يعجب فينا كلنا هدا الطبق

و مش بالضبط كيفها هيا اطيب في الرز علي الكسكاس واضيفله المكونات بعد النضج

المكونات :

كوب ونصف ارز ابيض حبة قصيرة - 2 كوب وربع ماء ساخن مغلي

ملح - كسبر مرحي فلفل اسود - بهارات مشكله ( واي اضافات انت تجبيها ديريها )

طماطم اخضر مقطع مربعات - خيار مقطع مربعات - زيتون شرايح - بصل مقطع فرم متوسط



http://www.libyan-kitchen.com/gallery/images/la157.jpg


نحط علي النار طنجرة فيها زيت ونحط عليها شوية حفنه صغيرة من الرز نخلو يقلي لين تخسيه

صار ابيض واجد نضيفوا عليه البصل ونخلوه يقلي لين يتغير لون حبات الرز للبني

ونضيف الملح والبهارات و نضيف باقي الارز و نصب المية الساخنه ونغطيه كويس ونخليه علي

نار عاليه لدقيقتين تم انقص النار علي الاخير

ونخليه حوالي 30 دقيقة



http://www.libyan-kitchen.com/gallery/images/la158.jpg


بعد ينضج خليته شويه في الطنجرة وفتحت عليه وماتحركيش عشان

مايعجن ويتكسر خليه يبرد شويه ونضيف عليه الخضرة

ونخلطوهم مع بعض ونقدموه في الصحون


وان شاء الله يعجبكم

http://www.libyan-kitchen.com/gallery/images/la159.jpg

http://www.libyan-kitchen.com/gallery/images/la160.jpg

http://www.libyan-kitchen.com/gallery/images/la161.jpg

بارك الله فيك
تسلم أخيه أنا وصلت الأولى هذا الطبق إلي
الله يعطيك الصحة
اااه ذكرتني فيه
ولك تقييمي لانه مميزة وبنته ما زالت في فمي

تستاهلي عزيزتي لانك دكرتيني ولانك الاولي
وبارك الله فيك علي المرور والتقييم

وعليك السلام أختى لولو....أول مرة نسمع بيه,وأكيد توا وقته مع الصيف,نشعر انه منعش ,سلم إيديك.

اهلين ام عدنان شن رايك تجربيه حتي طاسه رز وحده صدقيني مش حتندمي مرورك يسعدني دائما

ياحبيبة يالولو وووو جوعتيني في هالفجر :(

جوعت روحي ودرته بيدي وخشيت نشوف في الطبق الشهي اللذيذ لي طالع من ايديك الحلوات
تسلم ايديك وربي يعطيك كل الخير

:rolleyes:تسلمي عهوده مرورك دايمايسعدني :oوتسخفي فيا:(:( ربي يفتحها عليك يالغاليه

طبق مشهي

يسلمو لوبا

صحتين على قلوبكم

ماشاءالله ماشاءالله
ربي يحفظك ويحفظلك عزوزتك ويخليك
ارز يجي في الخاطر سلمت يداك ولك تقييمي

حتى أني أول مرة نشوفه وإن شاء الله تعالى نجربه تسلم إيدك ليك تقييمي

هلين بالمرو نورتي الموضوع الله يسلمك

مرحبا بالصابرة الفالحه شكرا لمرورك وتقييمك

مرحبتين بي لوتي شكرا لمرورك وجربيه ان شاء الله حيعجبك وشكرا للتقييم

ماشاء الله يسلموا ايديك شكله حلو لكى تقييمى

واوووووووووووووووو
يسلم يدياتك
لوبا
شهيتنى فيه انى من غير شى تحب الرز
مرات قريب ناكله نى هههههههههه
زمن حبى ليه
لمن يسالونى الصغار شن الغداء
نقوللهم رز رزيزة...رز رزيزة(اسم الدلع)
ومستغربة فى الناس اللى ماتاكلش فيه
يعنى حرام عليك شهيتنا فيه
لين ماعاش سكتت وزودنا فى الدوة
حنجرب طريقتك ان شاء الله
وربى يحفظك انت وعميمتك

بنت اشراف الله يسلمك نورتي
خدوج نفس حالاتك نحبه بكل اصنافه نورتي الصفحه

عيني يا عيني عالرزيزة السمحة منظره يهبل يا لولو

يسلمو ايديك والحق اكلات عزيزاتنا لا يعلى عليهن

رز حلو ماشاء الله يمشي في الصيف مش عادي
أني اللي نعرفه يديرو في رز أبيض وجنبه سلاطة ليبية (شرمولة) مكان الطبيخة في الصيف
لكن وصفتك هذي أحلى أكيد سلم يدياتك

وصفة حلوة ومختلفة


تسلم ايديك يارب ..

تسلم الايادي ياغالية

ماشاء الله رزيزة تهبل

تسلم الايادي غالية رزيزة روعة

ماشاء الله على الفالحة لوبا ورزها الفايح

سلمت ايدياتك الحلوة وخيتي وبالهني والعافية

هذا الرز تقريباً اسباني لأنه عزوزتي اطيب فيه ويحبوه هلبة في الحوش

بس لحد الآن ما ذقته مش عارفة ليش ما تقبلته


موضوع مميز وخيتي يستحق أحلى نجيمات

رز يسهف ماشاء الله
تسلم الايادي المبدعة
جارري التقيييييييم

يسلموا ايديك

يستحق التجربه

للاسف توا كيف شبحت الموضوع بعد ماطبقاته لوتي
ماشاءالله لا قوه الا بالله
رز يهبل وعجبتني تخليطت الطماطم والخيار والمنظر اكتر من رائع
يعطيك الصحه وسلم يدياتك ويديات عزوزك ربي يحفظهلكم
جاري التقيـم

بارك الله فيكم علي مروركم الرائع ربي مايحرمنا من هاللمة الطيبه

ومشكورات علي الكلام الزين والتقييم

للرفع

طبق غاية في الروعة

يسلموا أيديك أم اللوب

صحتين على قلوبكم ...

اهلين زوبة مرورك الرائع ربي يسلمك

ايسلم ايدياتك يا لوبا ايشهي لك تقييمي