[استعدادات رمضانية بالادوات واللوازم المطبخية] من مطبخ أمـ ساره

http://www.libyan-kitchen.com/gallery/images/tool.gif





السلام عليكم ورحمة الله وبركاته


هذه بعض الأدوات واللوازم الي نستخدمها في رمضان

منها الجديد ومنها القديم ومنها قديمة بس أول استخدام ان شاء الله


بصراحة نحب نشري أدوات وماعين المطبخ بس دائماً نحاول ما ناخذ الا اللازم

أو ناخذ شيء نستفيد منها في عدة أشياء ثانية مش لغرض واحد بس





طواجين السيليكون شريتهم للحاجات الباردة بس مش للفرن


http://i1159.photobucket.com/albums/...e/Ramadan9.gif

http://i1159.photobucket.com/albums/.../Ramadan10.gif

وأيضا اشتريت2 طواجين دائرية الخاصة بالبيتزا ولوح تقطيع اللحم والخضرة حتى هم 2

وشريت 2 من أكياس شوي اللحم والدجاج بالفرن لأني نستعمل فيهم بكثرة فلازم يكونوا عندي

وأيضاً طنجرة للشربة تنفع للتقديم فقط وهي شاريتها من قبل بس ما استعملتها



http://i1159.photobucket.com/albums/...e/Ramadan2.gif

http://i1159.photobucket.com/albums/...e/Ramadan1.gif


وشريت طاجين مستطيل حافاته طويلة ومعاه بالصور آلة صنع البسكويت والبيتيفور

من زمان ندور فيها الي هي معدن مش بلاستيك

ومعاهم في الصورة 2 مصفاة نستخدم في الكبيرة للدقيق والصغيرة لهبلة حاجات منها للشاهي

http://i1159.photobucket.com/albums/...e/Ramadan4.gif




وأيضاً الآلة العزيزة على قلبي وهي ست البيت

وفرحانة بيها هلبة لأنها أحسن من الأولى الي عطلت

حتى راجلي يضحك علي واني نتفرج عليها طول الوقت

فيها مميزات حلوة عجبتني ان شاء الله انزلها لكم بالتفصيل

في موضوع مستقل

http://i1159.photobucket.com/albums/...e/Ramadan5.gif


http://i1159.photobucket.com/albums/...e/Ramadan8.gif


وهذه قلاية البطاطا الي بملعقة زيت بس شاريتها من فترة بسيطة

واستخدمتها وعجبتني هلبة لأن معاها كتاب فيه بعض الوصفات


http://i1159.photobucket.com/albums/...e/Ramadan6.gifhttp://i1159.photobucket.com/albums/...e/Ramadan6.gif


http://i1159.photobucket.com/albums/...e/Ramadan7.gif





وهذه أيضاً حاجة عزيزة على قلبي وكلا ما نطلع ونلقى نوعية كويسة نشريها طول

وهي الحافضات لأنها عملية جداً وتنظم الثلاجة والفريز هلبة هلبة

هي عبارة عن 10 قطع بس انا صورت الاحجام الي موجودة بس


http://i1159.photobucket.com/albums/...e/Ramadan3.gif



ان شاء الله تعجبكم حاجاتي

وفيه حاجات ثانية نستعمل فيها لكن مش جديدة

ان شاء الله لو لقيت وقت ننزلها قريب

وكل رمضان وانتم بخير يارب وهانين ومتهنين


كل عام وانتم بخير وخياتي

وهي نستنوا في أدوات مطبخكم ولوازم رمضان عندكم

سواء جديد او قديم المهم ورونا شنو داسين علينا

ماشاء الله اداوات يهبلوا
ان شاء الله تبيديهم بالهني
واطيبي فيهم احلى اكل لعيلتك
كل عام وانتب بالف خير

السلام عليكم ورحمة الله وبركاته
كل عام وانتي بخير حبوبه وينعاد عليك بالصحة والسلامة يارب

ومبارك عليك اماعينك يلي يهبلو وتتهني بيهم وتطبخي فيهم أحلى وأشهى الوصفات يارب

بس عندي استفسار عن الطواجين السيليكون أنا عندي منهم بس بصراحة ماحبيتهمش في الكيكات وانتي قلتي للحاجات الباردة شن هي ياغالية
ياريت بالتفصيل ولو في كيكة معينة تستعمليها ليهم ياريت تكتبيلي طريقتها

بارك الله فيك

ماشاااء الله يا أم سارة
بصراحة عجبوني عجبووووووووني
وكلك ذوق
تبيدهم بالهناء ان شاء الله

ماشاء الله كل حاجاتك حلوة,اكثر حاجة عجبتنى طواجين البايركس لان معاهم الواقى ,يعنى من الفرن للطاولة على طول,شفتى كيف المرأة الليبية بسيطة وهذا مايميزها نفرحوا بكل حاجة,ربى يمتعك بست البيت وادير فيها أحلى الاكلات.

ماشاءالله عليك وعلى اختيارتك
ان شاءالله ربي تتهني فيهم ويباركلك فيهن
ونبي نسئلك حبيبة قلاية البطاطا منين واخذتيها
وكم سعرها ليا هلبة كنت اندور فيها

مشكوووورة هلبه ام سارة افدتيني بمشترياتك
لانه لما بنمشي زيارة حناخد كيفهم وخاصة الطواجين الفخار بالسلال متاعهم
لقطه حلوة وعمليه واجد
وكلك دوق وفكرتيني بأكياس الفرن نسيتهم ربي يفكرك بالشهادة
ليك وللموضوع التقييم

ماشاء الله ياأم سارة لوازم كاملة وحلوة ومريحة وتهببببببل
عندك الحق تتفرجي على ست البيت كل شوية :d لأنها حاااااااااجة روعة
تبيديهم بالهنا ان شاء الله
ورمضان مبارك عليك وكل عام وأنت بألف خير

مغتربة

الله يسلمك ويبارك فيك وخيتي ويهنيك يارب

مشكورة على كلامك العسل ياعسل



مشتاقة للجنة

اسمك حلو ماشاءالله وربي ينولنا الجنة ونعيمها أجمعين

بالنسبة للأكلات الباردة قصدي بيها زي التشيز كيك أو الكراميل الجاهز أو الكاسترد بعد ما يبرد شوي

أو الجيلي بأنواعه وفيه هلبة حاجات ان شاء الله تشوفيها في مسابقات رمضان هالعام وتستفيدي منها




أم رميصاء

الله يسلمك ويبارك فيك وخيتي ويهنيك يارب وهذا من ذوقك الحلو حبيبة





أم عدنان

صحيتي حبيبة على كلامك الحلو ومرورك الأحلى ربي يسلمك ويخليك

وخيتي ويبارك فيك يارب



الصابرة

الله يسلمك ويبارك فيك ويهنيك يارب

بالنسبة لقلاية الزيت خذيتها من هومر الي في طريق الخدمات بسوق الجمعة

قبل كوبري الترسانة على اليمين وهو الوكيل نفسه

والله سعرها بالضبط ما نذكره تقريبا فوق 120 بشوي




لوبا

الله يسلمك حبيبة ويبارك فيك ويهنيك ومشكورة على مرورك

وكلامك الحلو زيك وربي يوقضنا بالشهادة جميعاً يارب

بنت حواء

الله يسلمك حبيبة ويبارك فيك ويهنيك ومشكورة على مرورك

وينعاد علينا وعليك وعلى الليبين كل بالخير والصحة والآمان يارب

نورتينا بمرورك وردك الحلوين حوبة

تبيديهم بالهناء والعافيه واحلى حاجه ست البيت والقطع اللى معها
حبيت نسالك عن القلايه بملعه زيت تنصحينى بشرائها او لا

ماشاء الله

ان شاء الله تبيديهم بالهني

مبارك عليك وكل عام وانت بخير تقريبا نفس حاجاتى الجديده بس انا زدت عليك بصحون المحلبيه كل عام نحب نجددهم

ترهونية حرة

الله يسلمك ويهنيك وخيتي ويبارك فيك

شوفي اني عجدبتني هلبة بصراحة جربت فيها البطاطا

صوابع ومكعبات والفلفل الحلو والقرعة والبصل

وأيضا الدجاج لكن اللحم والسمك ما جربتهم


وهي يجي معاها كتيب تعليمات على كل طريقة للخضار واللحم

واكثر كمية للبطاطا المكعبات كيلو الا ربع

والباقي تاخذ نصف كيلو او اقل شوي

والمدة اطول شوي من القلي العادي لكن حطيها

وانسيها الخضرة لين اتصفر وتتسكر بروحها


وبالنسبة لي نقدر نزيد في المدة حسب رغبتي في الخضرة كيف نضجها


وان شاء الله انزل عليها موضوع عليها ونشرح طريقة استخدامي ليها لو ربي كتب

حبيبتهم

الله يسلمك وخيتي ويهنيك ويبارك فيك

ومشكورة على مرورك العطر




نسومة الحلوة

نورتيني وخيتي بمرورك وردك الحلوين

اني المحلبية ما ناكلها لا اني ولا زوجي مرات بس اندير في الكستاردا أو الكراميل الجاهز

ومش كل يوم ومتكلفة بيها عزوزتي بصراحة

تبيديهم بهناك وطول عمرك

روووعه