[ المثرودة ] من مطبخ الصابرة

http://www.libyan-kitchen.com/galler.../user37qcq.gif




السلام عليكم

اليوم جيت وجبت معاي اكلة تعز عليا ومعروفة في المنطقة الشرقية اكثر شئ
وحبيت اليوم اقدمها لكم على حسب ماتعلمتها
وطبعا درتها واحنا في مزرعة اهلي وحبيت اجيب معاي ليكم صور من المشية اللي كانت تهبل

..... الطريقة .....

نحضر فطير مشلتت

http://im16.gulfup.com/2012-09-07/1346980379101.jpg

طريقة اعداده هنا

نأخذ ونفتته قطع صغيرة
ثم نفركه بقليل من السمن او الزبدة الذائبة
ونضعها في كسكاس ونتركها حتى تبوخ ياذوب ترطاب

http://im16.gulfup.com/2012-09-07/13469803803610.jpg

ثم نقوم بقلي لوز وتعصيد تمر ونكوره كور صغيرة
واذا احببتي ممكن اضافة انواع اخرى من المكسرات

http://im30.gulfup.com/2012-09-07/1346981523171.jpg

نضع المثرودة في صحن تقديم ونخلطها بقليل من السكر البودر

http://im30.gulfup.com/2012-09-07/1346981523542.jpg

http://im30.gulfup.com/2012-09-07/1346981523583.jpg

ثم نزينه بالتمر واللوز ورشة جوز هند

http://im30.gulfup.com/2012-09-07/134698152444.jpg

ونرش عليها سكر بودر او يقدم معها في صحن جانبي وممكن عند التقديم يقدم معها عسل

http://im30.gulfup.com/2012-09-07/134698152485.jpg

اتمنى ان تنال اعجابكم


وهذه بعض من صور المزرعة وكانت عندنا الة ربط الصفصفة تربط الصفصفة بعد حصادها

http://im16.gulfup.com/2012-09-07/1346980379542.jpg

http://im16.gulfup.com/2012-09-07/1346980379353.jpg



http://im16.gulfup.com/2012-09-07/1346980380195.jpg

http://im16.gulfup.com/2012-09-07/1346980380976.jpg

http://im16.gulfup.com/2012-09-07/134698038067.jpg

http://im16.gulfup.com/2012-09-07/1346980380578.jpg

طبعا مانسيناش الشاي الاخضر والاحمر على الفحيمات

http://im16.gulfup.com/2012-09-07/1346980380149.jpg

http://im30.gulfup.com/2012-09-07/134698152444.jpg وعليك السلام الصابره...ماشاء الله ,تبارك الرحمن,لا حول ولا قوه الا بالله.انا لما شفت موضوعك اتذكرت المثروده,وكنت نبى نحكى لك عليها,امتاعك ميه الميه ولكن اعتقد بعد ما تنزليها من الكساس تضيفى شويه حليب,بس بصراحه مش متذكره مزبوط,اللى ما يعرفش المثروده ,يعتبر فايته واجد,تستاهل تتعبى عليها,زى العسل,تشعرى انها من اكل زمان زمان هلبه,توا انجوا الى لمتكم,ربى يحفظكم ويبارك لكم فى رزقكم,والله تمنيت نكون معاكم,الصابره تمتعى بكل دقيقه مع بعض وخصوصا فى مثل هذا الجو,مش عارفه شنو نكتب,الاهم نحجز صحنى.
http://im16.gulfup.com/2012-09-07/1346980380149.jpg

اسعدني مرورك وخيتي ام عدنان
دائما كلامك الرائع يشعر فيا بالخجل
وخيتي ام عدنان اللي ينضاف لها الحليب بتاعت الخبزة لكن بتاعت الفطيرة مايضيفوش ليها

ماشاءالله واول مرة نعرفها المترودة صحتين عليكم وربي يعطيهم الصحة وطول العمر والديك وخوتك وخواتك واديسكوا اللي عليه الشاهي دكرتوني بايامي في زرادي اهلي ربي يناولك اللي في بالك وحسيت بروحي معاكم في هالزردة و اكيد تقييم ليك ولو مامشاش راجعتله وللموضوع

ماشا الله تبارك الرحمن رووووووووووووعه ذكرتيني بايام المزرعه

لوبا الله يفتحها عليك يارب
غير تعالي انديرلك احلى زردة وبما ان احنا من نفس المدينة اكيد عندكم زيها المزرعة تعالي وانديروها بالدور مرة عندك ومرة عندي
اسعدني مرورك اختي ام غيداء

اممممممممممممم
الله يعطيك يلي في بالك و حقق امنياتك

ماشاء الله مثرودة تشههههههههي
والجو يجنن في المزرعة
(المفروض كتبتي من مطبخ أهلي) هههههههه
ربي يونسكم ببعض
وسلم يدياتك
وصحة وهنا

ماشاء الله لاقوة الابالله
رووووووووووووووعة ياصابرة المثرودة تاخد العقل خاطري فيها الصراحة
والمزرعة الله اكبر تجنن محلاها الاجواء ربي يباركلكم فيها يارب
ولا الشاهي يميييييييييي
احلى تقييييييييم ليك ولموضوعك الرااااااااااائع

http://im30.gulfup.com/2012-09-07/134698152444.jpg

ماشاء الله لاقوة الا بالله عالمثرودة وعالمزرعه وع اللمه
حسني ابنبكي ذكرتيني بمزرعتنا واللمه وخبزة الجمر يا نييييييييييييي يا الصابرة
زمان كانت عندي صاحبتي فالهندسه شرقاويه دارتهللي اتهبل ناكل منها مانشبع
سلم ايدياتك احني ما انديروش فيها لكن الطعمه تقتل مش عادية

http://im16.gulfup.com/2012-09-07/1346980380149.jpg

اه ع ايامات المركاب والنار اتلهلب ليش عليك يالصابرة ليش
شن درنالك يا حبيبتي
ليك احلى تقييييييييييييييييييم

ماشاء الله عليكم ياصابرة تسلم إيدك أول مرة إنشوفها مرت قريبنا في بنغازي شرقاوية حكتلي عليها وقالت إيديرو فيها في اللمات ومعاها الألواز زعما هادي هيا ربي يدوم لمتكة وتستاهلي النجووووم علي المترودة الحلوة

شروق الشمس امين يارب وحتى انتي يحقق مافي بالك

بنت حواء امين وصح حبيبة المفروض درتها من مطبخ اهلي وفعلا اللمة لاتعوض

مغتربة 7 مشكورة وخيتي واسعدني كلامك الحلو

لا يا بارني الا البكاء وان شاءالله ربي يونسك باهلك واحبابك قريب يارب

لوتي ايه هيا اللي يديروا فيها في اللمات واحيانا كثيرا ساعات عصاري ومشكورة حبيبة

ماشاءالله تبارك الرحمن
شكلها يهبل واول مره نعرفها ونسمع بيها
يعطيك الصحه وتسلم يدياتك
صحتين علي كلاها
ماشاءالله علي المزرعه تجنن.. الله عليك يا ليبيا محلاك
تستاهلي احلي تقيـــــــم

ان شاءالله بطولة عمرك
الله يسلمك ويعطيك العافية
مشكورة حبيبة واسعدني مرورك
وفعلا بلادنا محلاها

ماشاء الله مثرودة روعة شكلها مش عادية وتبي التطبيق

ان شاء الله انحاول انطبقها ونذوقها

تسلم ايديك يالصابرة وربي يرزقك ويرزقني مانتمنوا
ولك احلى تقييم

تسلم الايادي ياغالية مثرودة تهبل وانا ضايقتها من صديقتي درناوية بس ندكر ان دارتلها عسل وزبيب ولوز وكانت طعمتها سمن مش عادية مش عادية

تسلم الايادي ياغالية

ولايهمك حبيبة حطيها في راسك اديرها كنهدا قوليلي وين بس نبعتها لك واتية لو كانن قريبة مني
والله يسلمك يارب
امين يارب انتي ادعيلي واني ندعيلك يارب
ومشكورة على التقييم

الله عليك يالصابره

امس كنت ناكل فيها من جارتى الله يقومها بالسلامه دزتها ليا

يسلموا ايديك على الشغل الصح

الله يسلمك ياوخيتي الساجدة لله
يا حبيبة ما قلت ليك كل واحد ايدير فيها على حسب مايرغب وكل مدينة في المنطقة الشرقية ادير فيها بطريقة وتصدقي مرات من عائلة لعائلة تفرق الطريقة
وعادي تقدري تفركيها بسمن او زبدة لان اللي عندي كان زبدة فدرت زبدة لكن بصراحة هيا بسمن وطني مانحكيلك بكل

صحيحة على قلبك نسومة
وان شاءالله ربي يقوم جارتك بالسلامة يارب

يا صابرة بنسألك اني درت الفطير المشلتت توا انطيب في اخر طرف وبندير ان شاء الله المثرودة هل جوز الهند ضروري او لا لاني ماعنديش جوز هند وتسلمي وربي يرزقك ماتتمني

لا يا غالية مش مهم لان هذه اضافات انتي ورغبتك وانتي والموجود عندك
وممكن حتى بدل السكر الناعم اديري عسل
انتي وراحتك لكن الاصل التمر واللوز اما الباقي انتي واضافاتك

ماشاء الله لاقوة الا بالله

مثرودة اتهبل وتجي في الخاطر

وطويسة الشاهي الاخضر بروحها هذه

سلمت ايدياتك المبدعة

متميزة كالعادة

لك أحلى نجيمااااااات

بارك الله فيك على الكليمات الحلوة حبيبة

ماشالله صبورة مش معقبة شى المنظر كله

عشنا الجو كله معاك

تسلمى عالوصفة الحلوة وخاطرى انذوقها من هلها

لانى شايفة حتى ام ايوب منزلتها

احلى تقييم

مشكورة حبيبتي سويت
وتعالي لعندي ولا يهمك انديرها ليك بكل رحابة صدر انتي تدللي

بسم الله ما شاء الله صبورة قداش محلاها المثروده
روعة اني ضايقتها في المنطقة الشرقية بنة و صنة لان زوجي من هناك

ذووووووووواقة ومنظر المزرعة يفتح النفس الخضرة و السماء الصافية صحا ليكم


ربي يدوم الود و المحبة لك تقييييييييييييمي على المثرودة السمحة

مشكورة وخيتي نسيبة
وبارك الله فيك حبيبة ويعطيك ماتتمني

الله الله ع المثرودة الي تشهي والله من زمان
خاطرة علي بالي ولكن ما كنت مذكرة الطريقة ان شاء الله انديرها
بعد ماعرفت الطريقة منك ربي ايبارك فيك وفي عيلتك ويخليكم لبعضكم
ويباركلكم في رزقكم وصحتكم ومادام عندكم مزرعة نصيحة ماتفوتي هالجو السمح
موفقة

راااااااااااااااااااااااااااااااااااااااااائعة

مشكورة ام ليبية حرة

ام عبسي
امين يارب
مشكورة على الدعيوات الحلوة يارب
وباهي ذكرتك بيها وان شاءالله انشوف صورة تطبيقك
وفعلا مانوفتش يوم نمشي فيه لزليتن الا مانزورها